അമ്മ വൃദ്ധസദനത്തിൽ; അച്ഛ‍​െൻറ അന്ത്യാഭിലാഷം നിറവേറ്റിയതാണെന്ന് മകൻ

തൃശൂർ: വൃദ്ധയായ അമ്മയെ വൃദ്ധസദനത്തിൽ പാർപ്പിച്ചത്​ അച്ഛ‍​​​െൻറ അന്ത്യാഭിലാഷം നിറവേറ്റാനാണെന്ന വിചിത്ര വാദ വുമായി വനിത കമീഷന് മുന്നിൽ മകൻ. ചൊവ്വാഴ്ച തൃശൂരിൽ നടന്ന മെഗാ അദാലത്തിൽ മക​​​െൻറ മറുപടി കേട്ട് കമീഷൻ ചെയർപേഴ്​സൻ അടക്കമുള്ള അംഗങ്ങളും ഞെട്ടി.

വൃദ്ധ കമീഷന് അയച്ച കത്തി‍​​െൻറ അടിസ്ഥാനത്തിൽ സ്വമേധയാ കേസെടുത്ത് മകനെ വിളിച്ചുവരുത്തുകയായിരുന്നു. വൃദ്ധയാകുമ്പോൾ അമ്മയെ ഗുരുവായൂരിലെ ഒരു വൃദ്ധസദനത്തിൽ കൊണ്ടുപോയി ആക്കണമെന്ന് മരിക്കുംമുമ്പ്​ അച്ഛൻ ആവശ്യപ്പെട്ടുവെന്നും മാസം തോറും 13,000 രൂപ അമ്മയുടെ ചെലവുകൾക്കായി ഇൗ സദനത്തിന്​ നൽകുന്നുണ്ടെന്നുമാണ് മക​​​െൻറ വാദം. ഇക്കാര്യങ്ങൾ പരിശോധിക്കാൻ ബുധനാഴ്ച കമീഷൻ പ്രതിനിധി ഗുരുവായൂരിലുള്ള വൃദ്ധസദനത്തിലെത്തും.

മാതാപിതാക്കളെ സംരക്ഷിക്കാത്ത മക്കളെക്കുറിച്ചുള്ള പരാതികൾ ദിനംപ്രതി കൂടുകയാണെന്നും ഇക്കാര്യം താൻ നേരിട്ട് സന്ദർശിച്ച്​ ബോധ്യ​പ്പെട്ട ശേഷം നടപടിയെടുക്കുമെന്നും ചെയർപേഴ്​സൻ എം.സി. ജോസഫൈൻ പറഞ്ഞു.