ഇടതുഭരണതിൽ ഗർഭസ്ഥശിശുവിനു​ പോലും രക്ഷയില്ല -ഉമ്മൻ ചാണ്ടി

തിരുവനന്തപുരം: ഗർഭസ്ഥശിശുവിനു പോലും രക്ഷയില്ലാത്ത കാലമായി ഇടതുഭരണം മാറിയെന്ന്​ മുൻ മുഖ്യമന്ത്രി ഉമ്മൻ ചാണ്ടി. മട്ടന്നൂര്‍ ഷുഹൈബ്​ വധക്കേസിൽ യഥാർഥ പ്രതികളെ നിയമത്തിനു മുന്നിൽ കൊണ്ടുവരണമെന്ന കാര്യത്തിൽ വിട്ടുവീഴ്​ചയില്ലെന്നും സംഭവത്തിനു​ പിന്നിലെ ഗൂഢാലോചന അന്വേഷിക്കണമെന്നും അദ്ദേഹം വാർത്തസമ്മേളനത്തിൽ ആവശ്യപ്പെട്ടു.

അക്രമവും കൊലയും നടക്കു​േമ്പാൾ ശബ്​ദിക്കാനും പൊലീസിന്​ നിർദേശം നൽകാനും സാധിക്കാത്ത മുഖ്യമന്ത്രി ആഭ്യന്തരവകുപ്പ്​ ഒഴിയണം. ആഭ്യന്തരവകുപ്പ്​ കൈകാര്യം ചെയ്യുന്ന മുഖ്യമന്ത്രിക്ക്​ ധാർമികമായി തൽസ്ഥാനത്തിരിക്കാൻ അർഹതയില്ല. ഷുഹൈബ്​ വധം നടന്ന്​ ദിവസങ്ങൾ കഴിഞ്ഞിട്ടും പ്രതികളെ പിടിക്കാത്തത്​ പൊലീസി​​​െൻറ ഭാഗത്തെ വീഴ്​ചയാണ്​. സി.പി.എം തീരുമാനിച്ച്​ നൽകുന്നവരെ പ്രതികളാക്കാനുള്ള സമ്മർദമാണ്​ നടക്കുന്നത്​. കൊല നടന്ന്​ മിനിറ്റുകൾക്കകം പൊലീസ്​ വിവരം അറിഞ്ഞിട്ടും തുടർ നടപടികളെടുക്കുന്നതിൽ വീഴ്​ച വരുത്തി. കൊലക്ക്​ മുമ്പ്​ കൊലക്കേസ്​ പ്രതികൾ ഉൾ​പ്പെടെയുള്ളവർക്ക്​ പരോൾ നൽകി. ഷുഹൈബി​​​െൻറ പേര്​ പറഞ്ഞ്​ കൊലവിളിയോടെ പ്രകടനം നടത്തിയിട്ടും മുൻകരുതൽ സ്വീകരിക്കാൻ തയാറായില്ല.

സംസ്ഥാനത്ത്​ മികച്ച പൊലീസ്​ ഉദ്യേഗസ്ഥർ ഉണ്ടെങ്കിലും പ്രവർത്തിക്കാൻ സ്വാതന്ത്ര്യമില്ല. ഗർഭസ്ഥശിശുവിനു​ പോലും രക്ഷയില്ലാത്ത കാലമായി ഇടതുഭരണം മാറി. ഭർത്താവിനെ മർദിക്കുന്നത്​ തടയാൻ ശ്രമിച്ച വീട്ടമ്മക്ക്​ ചവി​േട്ടറ്റ്​ ഗർഭസ്ഥശിശു മരിച്ച സംഭവത്തിലും സി.പി.എമ്മുകാരാണ്​ പ്രതികൾ. മുഖ്യമന്ത്രിക്കുപോലും പൊലീസിന്​ മേൽ നിയന്ത്രണം നഷ്​ടപ്പെട്ടിരിക്കുന്നു. അദ്ദേഹത്തി​​​െൻറ നിശ്ശബ്​ദത ഭയപ്പെടുത്തുന്നതാണ്​. സിനിമാപ്പാട്ടി​​​െൻറ കാര്യത്തിൽ പോലും പ്രതികരിക്കുന്ന മുഖ്യമന്ത്രി സ്വന്തം ജില്ലയിൽ സ്വന്തം പാർട്ടിക്കാരാൽ ഒരാൾ കൊല്ലപ്പെട്ടിട്ടും പ്രതികളെ പിടികൂടു​െമന്ന്​ പറയാൻ തയാറായിട്ടില്ല. ഷുഹൈബ്​ വധ​േക്കസിലെ യഥാർഥ പ്രതികളെ നിയമത്തിനു​ മുന്നിൽ കൊണ്ടുവരണമെന്ന കാര്യത്തിൽ വിട്ടുവീഴ്​ചയില്ലെന്നും അദ്ദേഹം പറഞ്ഞു.