അപമാനിക്കാനുള്ള ശ്രമങ്ങൾക്ക് കനത്ത തിരിച്ചടി നേരിടേണ്ടിവരും -ഉമ്മൻ ചാണ്ടി

തിരുവനന്തപുരം: ബാലിശമായ തരംതാണ ആരോപണങ്ങൾ കണ്ടെത്തി തന്നെ അപമാനിക്കാനുള്ള ശ്രമങ്ങൾക്ക് കനത്ത തിരിച്ചടി നേരിടേണ്ടിവരുമെന്ന്​ ഉമ്മൻ ചാണ്ടി. സത്യത്തിൽനിന്ന് വ്യതിചലിച്ച് ഒരിക്കലും സഞ്ചരിച്ചിട്ടില്ല. ആ വിശ്വാസമാണ് ത​​െൻറ ഏറ്റവും വലിയ ശക്​തിയെന്നും അദ്ദേഹം ഫേ​സ്​ബുക്ക്​ പോസ്​റ്റിൽ വ്യക്​തമാക്കി.

നിയമോപദേശവും തീരുമാനങ്ങളും പ്രഖ്യാപിച്ചിട്ടും സോളാർ കമീഷൻ റിപ്പോർട്ടോ അതി​​െൻറ പ്രസക്​തഭാഗങ്ങളോ പ്രസിദ്ധീകരണത്തിന് നൽകാത്ത സർക്കാർ നടപടി സംശയങ്ങൾ വർധിപ്പിക്കുന്നു. വിവാദങ്ങൾ സൃഷ്​ടിച്ച്​ ഭരണ പരാജയം മറച്ചുവെക്കാനും മുഖം നഷ്​ടപ്പെട്ട ഗവൺമ​െൻറിനെ രക്ഷിക്കാനുമുള്ള മുഖ്യമന്ത്രിയുടെ തന്ത്രമാണിത്​. മുഖ്യമന്ത്രിക്ക് മാത്രം  അറിയാവുന്ന റിപ്പോർട്ടുമായി ബന്ധപ്പെട്ട ചില വിവരങ്ങൾ  മുൻമന്ത്രി ടി.കെ. ഹംസ വെളിപ്പെടുത്തിയത്​ ശ്രദ്ധേയമാണ്​.

ഗവൺമ​െൻറിന്​ ലഭിച്ച റിപ്പോർട്ട്  പാർട്ടി നേതൃത്വം ചർച്ച ചെയ്തിരുന്നോയെന്ന സംശയത്തെ ഈ സംഭവം ബലപ്പെടുത്തുന്നു. കമീഷൻ റിപ്പോർട്ട് അതേപടി സ്വീകരി​െച്ചന്നുപറയുകയും അതിന്മേൽ നടപടി പ്രഖ്യാപിക്കുകയും ചെയ്ത മുഖ്യമന്ത്രി ടേംസ് ഓഫ് റഫറൻസ് സംബന്ധിച്ച് കമീഷ​​െൻറ കണ്ടെത്തലുകളെ കുറിച്ച്​ നിശ്ശബ്​ദത പാലിച്ചത് അത്ഭുതകരമാണ്. ​േടംസ് ഓഫ് റഫറൻസിൽ പറഞ്ഞ കാര്യങ്ങളെപ്പറ്റി കണ്ടത്തലുകളൊന്നും പുറത്തുപറയാതെ മുഖ്യമന്ത്രി പ്രഖ്യാപിച്ച നടപടികൾ രാഷ്​ട്രീയ ലക്ഷ്യത്തോടെയാണെന്ന്​ വ്യക്തമാണ്. 

കമീഷ​േൻറതായി മുഖ്യമന്ത്രി പറഞ്ഞ കാര്യങ്ങൾ കമീഷ​േൻറത്​ തന്നെയാണോയെന്നും കമീഷൻ തന്നെ എത്തിയ നിഗമനങ്ങൾക്ക് ആധാരമായ തെളിവുകൾ എന്തെല്ലാമെന്നും റിപ്പോർട്ട് പരിശോധിക്കാതെ പറയാൻ കഴിയില്ല. കമീഷൻ റിപ്പോർട്ടി​​െൻറ പ്രസക്​തഭാഗങ്ങൾ മുഴുവൻ ജനങ്ങളെ അറിയിക്കാതെ തങ്ങൾക്കുവേണ്ടത് മാത്രം, വേണ്ട രീതിയിൽ പ്രസിദ്ധീകരിച്ചും ഏകപക്ഷീയമായ നിയമോപദേശം സ്വീകരിച്ചും സർക്കാർ പ്രഖ്യാപിച്ച നടപടിയെ നിയമപരമായി നേരിടും. റിപ്പോർട്ടി​​െൻറ കോപ്പിക്ക് വിവരാവകാശ നിയമ പ്രകാരം അപേക്ഷിച്ചിട്ടുണ്ട്. അത് ലഭിച്ചാലുടൻ നിയമനടപടികളുമായി മുന്നോട്ടു പോകും. രാജ്യത്തെ നീതിന്യായ വ്യവസ്​ഥയിൽ പൂർണ വിശ്വാസമുണ്ടെന്നും ഉമ്മൻ ചാണ്ടി വ്യക്​തമാക്കി.