കിറ്റിനായി ഒാണപ്പാച്ചിൽ; കിട്ടാനുള്ളത്​ നാല്​ ലക്ഷം പേർക്ക്​

തി​രു​വ​ന​ന്ത​പു​രം: ആ​സൂ​ത്ര​ണ​ത്തി​ലെ​യും വി​ത​ര​ണ​ത്തി​ലെ​യും പാ​ളി​ച്ച​ക്കൊ​പ്പം സെ​ർ​വ​ർ ത​ക​രാ​റ്​ കൂ​ടി വി​ല്ല​നാ​യ​തോ​ടെ സ​ർ​ക്കാ​ർ വ​ക ഓ​ണ​ക്കി​റ്റി​ന്​ ഉ​ത്രാ​ട​നാ​ളി​ലും ഓ​ട്ട​പ്പാ​ച്ചി​ൽ. ആ​റ്​ ല​ക്ഷം പേ​ർ​ക്കാ​ണ്​ ​കി​റ്റ്​ ന​ൽ​കേ​ണ്ട​തെ​ങ്കി​ലും ഞാ​യ​റാ​ഴ്ച വ​രെ വാ​ങ്ങി​യ​ത്​ ര​ണ്ട്​ ല​ക്ഷം പേ​ർ. ശേ​ഷി​ക്കു​ന്ന നാ​ല്​ ല​ക്ഷ​ത്തി​ന്​ ഉ​ത്രാ​ടം നാ​ളാ​ണ്​ ശ​ര​ണം. വി​ത​ര​ണ​ത്തീ​യ​തി നേ​ര​ത്തെ പ്ര​ഖ്യാ​പി​​ച്ചെ​ങ്കി​ലും വി​ത​ര​ണ​ത്തി​ന്​ മ​തി​യാ​യ കി​റ്റു​ക​ളെ​ത്തി​ച്ച​ത്​ ഞാ​യ​റാ​ഴ്ച​യാ​ണ്. തി​ങ്ക​ളാ​ഴ്ച രാ​വി​ലെ എ​ട്ടു​മു​ത​ൽ രാ​ത്രി എ​ട്ടു​വ​രെ ക​ട​ക​ൾ തു​റ​ന്ന്​ യു​ദ്ധ​കാ​ലാ​ടി​സ്​​ഥാ​ന​ത്തി​ൽ വി​ത​ര​ണം പൂ​ർ​ത്തി​യാ​ക്കാ​നാ​ണ് ഭ​ക്ഷ്യ​വ​കു​പ്പി​ന്‍റെ നി​ർ​ദേ​ശം.

കി​റ്റി​ല്‍ ഉ​ള്‍പ്പെ​ടു​ത്തേ​ണ്ട സാ​ധ​ന​ങ്ങ​ളു​ടെ ല​ഭ്യ​ത ഉ​റ​പ്പു​വ​രു​ത്താ​ന്‍ ക​ഴി​യാ​ത്ത​തി​നെ തു​ട​ര്‍ന്നാ​ണ് കി​റ്റ് വി​ത​ര​ണം പ്ര​തി​സ​ന്ധി​യി​ലാ​യ​ത്. മ​ഞ്ഞ കാ​ര്‍ഡ്​ ഉ​ട​മ​ക​ള്‍, ക്ഷേ​മ സ്ഥാ​പ​ന​ങ്ങ​ളി​ലെ താ​മ​സ​ക്കാ​ര്‍ എ​ന്നി​വ​രു​ള്‍പ്പെ​ടെ 6,07,691 പേ​ര്‍ക്ക് ഓ​ണ​ക്കി​റ്റ് വി​ത​ര​ണം ചെ​യ്യു​മെ​ന്നാ​ണ് സ​ര്‍ക്കാ​ര്‍ പ്ര​ഖ്യാ​പി​ച്ചി​രു​ന്ന​ത്. സ​പ്ലൈ​കോ പ്ര​തി​സ​ന്ധി​യും ഏ​ത്​ വി​ഭാ​ഗ​ത്തി​ലു​ള്ള​വ​ർ ന​ൽ​ക​ണ​മെ​ന്ന​ത്​ നി​ശ്ച​യി​ക്കു​ന്ന​തി​ലെ ആ​ശ​യ​ക്കു​ഴ​പ്പ​വും രൂ​ക്ഷ​മാ​യ​പ്പോ​ള്‍ ഓ​ണ​ക്കി​റ്റി​ല്‍ സ​ർ​ക്കാ​ർ തീ​രു​മാ​നം ത​ന്നെ വൈ​കി. ഇ​തോ​ടെ, കി​റ്റി​ല്‍ വേ​ണ്ട സാ​ധ​ന സാ​മ​ഗ്രി​ക​ള്‍ക്ക് ഓ​ര്‍ഡ​ര്‍ ന​ല്‍കാ​നും കാ​ല​താ​മ​സ​മു​ണ്ടാ​യി.

90 ശ​ത​മാ​നം ക​ട​ക​ളി​ലും ഞാ​യ​റാ​ഴ്ച സാ​ധ​നം എ​ത്തി​യി​ട്ടു​ണ്ടെ​ന്നും തി​ങ്ക​ളാ​ഴ്ച കി​റ്റ് വി​ത​ര​ണം പൂ​ര്‍ത്തി​യാ​ക്കാ​നാ​വു​മെ​ന്നും ഭ​ക്ഷ്യ​വ​കു​പ്പ് അ​റി​യി​ച്ചു. മു​ഴു​വ​ന്‍ റേ​ഷ​ന്‍ ക​ട​ക​ളി​ലും ഞാ​യ​റാ​ഴ്ച ഉ​ച്ച​യോ​ടെ ഓ​ണ​ക്കി​റ്റ് എ​ത്തി​ച്ചെ​ന്ന് മ​ന്ത്രി ജി.​ആ​ര്‍. അ​നി​ല്‍ പ​റ​ഞ്ഞു. ഇ​തു​വ​രെ 2,10,000 കി​റ്റു​ക​ള്‍ വി​ത​ര​ണം ചെ​യ്​​തി​ട്ടു​ണ്ട്.