ഓണം മേള; 28.47 കോടിയുടെ നേട്ടവുമായി കുടുംബശ്രീ

തി​രു​വ​ന​ന്ത​പു​രം: ഓ​ണ​ത്തി​ന്​ കു​ടും​ബ​ശ്രീ നേ​തൃ​ത്വ​ത്തി​ല്‍ സം​സ്ഥാ​ന​മാ​കെ സം​ഘ​ടി​പ്പി​ച്ച വി​പ​ണ​ന മേ​ള​ക​ളി​ല്‍ 28.47 കോ​ടി രൂ​പ​യു​ടെ വി​റ്റു​വ​ര​വ്. സൂ​ക്ഷ്മ​സം​രം​ഭ ഉ​ല്‍പ​ന്ന​ങ്ങ​ളു​ടെ വി​പ​ണ​ന​ത്തി​ലൂ​ടെ 19.58 കോ​ടി​യും കാ​ര്‍ഷി​കോ​ല്‍പ​ന്ന വി​പ​ണ​ന​ത്തി​ലൂ​ടെ 8.89 കോ​ടി രൂ​പ​യു​ടെ വി​റ്റു​വ​ര​വു​മാ​ണ് ല​ഭി​ച്ച​ത്. സി.​ഡി.​എ​സ്​ ത​ല​ത്തി​ലും ജി​ല്ല ത​ല​ത്തി​ലു​മാ​യി സം​ഘ​ടി​പ്പി​ച്ച 2014 മേ​ള​ക​ള്‍ വ​ഴി​യാ​ണ് ഈ ​നേ​ട്ടം.

മേ​ള​യി​ല്‍ പ​ങ്കെ​ടു​ത്ത കു​ടും​ബ​ശ്രീ സം​രം​ഭ​ക​ര്‍ക്കാ​ണ് ഈ ​വ​രു​മാ​നം ല​ഭി​ക്കു​ക. 3.6 കോ​ടി രൂ​പ നേ​ടി വി​റ്റു​വ​ര​വു​മാ​യി എ​റ​ണാ​കു​ളം ജി​ല്ല​യാ​ണ് മു​ന്നി​ല്‍. 3.4 കോ​ടി രൂ​പ നേ​ടി ആ​ല​പ്പു​ഴ ര​ണ്ടാ​മ​തെ​ത്തി. 3.3 കോ​ടി രൂ​പ വി​റ്റു​വ​ര​വു​മാ​യി തൃ​ശൂ​ര്‍ മൂ​ന്നാ​മ​തെ​ത്തി. മേ​ള​ക​ളു​ടെ എ​ണ്ണ​ത്തി​ലും എ​റ​ണാ​കു​ളം ആ​ണ് മു​ന്നി​ല്‍; 205 മേ​ള​ക​ള്‍.

ഈ ​വ​ര്‍ഷം 43,359 സൂ​ക്ഷ്മ​സം​രം​ഭ യൂ​നി​റ്റു​ക​ള്‍ മേ​ള​യി​ലെ​ത്തി. ക​ഴി​ഞ്ഞ വ​ര്‍ഷം ഇ​ത് 28,401 ആ​യി​രു​ന്നു. ഇ​ത്ത​വ​ണ 26,816 വ​നി​താ ക​ര്‍ഷ​ക സം​ഘ​ങ്ങ​ള്‍ വി​പ​ണി​യി​ലേ​ക്ക് കാ​ര്‍ഷി​കോ​ല്‍പ​ന്ന​ങ്ങ​ള്‍ എ​ത്തി​ച്ചു. മു​ന്‍വ​ര്‍ഷ​ത്തേ​ക്കാ​ള്‍ 5826 യൂ​നി​റ്റു​ക​ളു​ടെ അ​ധി​ക പ​ങ്കാ​ളി​ത്തം.

ഇ​ക്കു​റി 3000 വ​നി​ത​ക​ൾ 1253 ഏ​ക്ക​റി​ല്‍ ജ​മ​ന്തി, മു​ല്ല, താ​മ​ര എ​ന്നി​വ കൃ​ഷി ചെ​യ്ത് പൂ​ക്ക​ള്‍ വി​പ​ണി​യി​ലെ​ത്തി​ച്ചി​രു​ന്നു. ക​ഴി​ഞ്ഞ വ​ര്‍ഷം 780 ഏ​ക്ക​റി​ല്‍ 1819 ക​ര്‍ഷ​ക​രാ​ണ് ഈ ​മേ​ഖ​ല​യി​ല്‍ ഉ​ണ്ടാ​യി​രു​ന്ന​ത്.