ഓണയാത്രകൾക്ക്​ ശ്വാസംമുട്ടുന്നു

തി​രു​വ​ന​ന്ത​പു​രം: ഓ​ണ​ക്കാ​ല​​​ത്ത്​ നാ​ട​ണ​യാ​ൻ കാ​ത്തി​രു​ന്ന​വ​രെ റെ​യി​ൽ​വേ കൈ​വി​ട്ടു. കെ.​എ​സ്.​ആ​ർ.​ടി.​സി​യു​ടെ ഓ​ണം വ​ണ്ടി​ക​ളി​ലാ​ക​ട്ടെ സീ​റ്റ്​ തീ​ർ​ന്നി​ട്ട്​ ദി​വ​സ​ങ്ങ​ളാ​യി. സ്വ​കാ​ര്യ സ​ർ​വി​സു​ക​ളി​ൽ ക​ഴു​ത്ത​റു​പ്പ​ൻ നി​ര​ക്കും. അ​ക്ഷ​രാ​ർ​ഥ​ത്തി​ൽ ​ മ​ല​യാ​ളി​ക​ളു​ടെ ഓ​ണ​ക്കാ​ല യാ​ത്ര ശ്വാ​സം​മു​ട്ടി​ക്കു​ക​യാ​ണ്. എ​റ​ണാ​കു​ളം-​ചെ​​ന്നൈ റൂ​ട്ടി​ലും കൊ​ച്ചു​വേ​ളി ബം​ഗ​ളൂ​രു റൂ​ട്ടി​ലും മൂ​ന്ന്​ ​ട്രെ​യി​നു​ക​ൾ വീ​ത​മാ​ണ്​ റെ​യി​ൽ​വേ അ​നു​വ​ദി​ച്ച​ത്. പ്ര​ഖ്യാ​പി​ച്ച്​ ദി​വ​സ​ങ്ങ​ൾ​ക്കു​ളി​ൽ ടി​ക്ക​റ്റു​ക​ൾ വി​റ്റ്​ തീ​ർ​ന്നെ​ന്ന്​ മാ​ത്ര​മ​ല്ല, 250ന്​ ​മു​ക​ളി​ലാ​ണ്​ നി​ല​വി​ലെ വെ​യി​റ്റി​ങ് ലി​സ്റ്റ്. കൂ​ടു​ത​ൽ സ്​​പെ​ഷ​ൽ​ ട്രെ​യി​നു​ക​ൾ വേ​ണ​മെ​ന്ന ആ​വ​ശ്യ​മു​യ​ർ​ന്നി​ട്ടും പ​രി​ഗ​ണി​ച്ചി​ട്ടി​ല്ല. ഒ​രു ട്രെ​യി​ൻ സ​ർ​വി​സ്​ കൂ​ടി അ​നു​വ​ദി​ക്കു​മെ​ന്ന്​ സൂ​ച​ന​യു​​ണ്ടെ​ങ്കി​ലും നി​ല​വി​ലെ തി​ര​ക്കി​ന്​ ഇ​ത്​ പ​രി​ഹാ​ര​വു​മാ​കി​ല്ല. ഓ​ണാ​വ​ധി​ക്ക് നാ​ട്ടി​ലെ​ത്താ​ന്‍ സ്ഥി​രം ട്രെ​യി​നു​ക​ളി​ൽ ര​ണ്ടു​ മാ​സ​ങ്ങ​ള്‍ക്കു മു​മ്പ് ട്രെ​യി​ന്‍ ടി​ക്ക​റ്റ് ബു​ക്ക് ചെ​യ്തെ​ങ്കി​ലും മി​ക്ക​വ​രും വെ​യി​റ്റി​ങ് ലി​സ്റ്റി​ന്റെ നീ​ണ്ട നി​ര​യി​ലാ​ണ്. മും​ബൈ, ഡ​ൽ​ഹി എ​ന്നി​വി​ട​ങ്ങ​ളി​ൽ​നി​ന്നു​ള്ള​വ​ർ​ക്കാ​ക​ട്ടെ ​ആ​ശ്ര​യി​ക്കാ​ൻ സ്​​പെ​ഷ​ൽ ട്രെ​യി​നു​ക​ളു​മി​ല്ല. ആ​വ​ശ്യ​ത്തി​ന്​ അ​ധി​ക ​ട്രെ​യി​നു​ക​ളി​ല്ലാ​ത്ത​തി​നാ​ൽ സ്ഥി​രം വ​ണ്ടി​ക​ളി​ൽ വ​ലി​യ തി​ര​ക്കാ​ണ്​ അ​നു​ഭ​വ​പ്പെ​ടു​ന്ന​ത്. ജ​ന​റ​ൽ ക​മ്പാ​ർ​ട്ട്​​മെ​ന്‍റു​ക​ളി​ൽ ശ്വാ​സം​മു​ട്ടും​വി​ധ​മാ​ണ് തി​ര​ക്ക്.

ട്രെ​യി​നു​ക​ളി​ൽ സീ​റ്റ് ല​ഭി​ക്കാ​ന്‍ സാ​ധ്യ​ത തീ​രെ കു​റ​വാ​ണെ​ന്ന​തി​നാ​ല്‍ സ്വ​കാ​ര്യ ബ​സു​ക​ളാ​ണ്​ ആ​ശ്ര​യം. സ്വ​കാ​ര്യ ബ​സു​ക​ളി​ലാ​ക​ട്ടെ വ​ൻ കൊ​ള്ള​യും. തി​രു​വ​ന​ന്ത​പു​ര​ത്ത്​ നി​ന്ന്​ ബം​ഗ​ളൂ​രു​വി​ലേ​ക്ക്​ ആ​ഗ​സ്റ്റ്​ 24 ലെ ​നി​ര​ക്ക്​ 1196 രൂ​പ​യാ​ണെ​ങ്കി​ൽ ആ​ഗ​സ്റ്റ്​ 29ന്​ 2668 ​രൂ​പ ആ​ണ്. 30ന്​ 3679 ​ഉം. ബം​ഗ​ളൂ​രു, ചെ​ന്നൈ എ​ന്നി​വി​ട​ങ്ങ​ളി​ല്‍ നി​ന്ന്​ കേ​ര​ള​ത്തി​ലേ​ക്കു​ള്ള യാ​ത്ര നി​ര​ക്കും വ്യ​ത്യ​സ്ത​മ​ല്ല. മൂ​ന്നും നാ​ലും ഇ​ര​ട്ടി​യാ​ണ് ഈ ​സ​മ​യ​ത്ത് സ്വ​കാ​ര്യ​ബ​സു​ക​ളു​ടെ ടി​ക്ക​റ്റ് നി​ര​ക്ക്. അ​മി​ത ടി​ക്ക​റ്റ്​ നി​ര​ക്കി​നെ​തി​രെ മു​ൻ വ​ർ​ഷ​ങ്ങ​ളി​ൽ മോ​ട്ടോ​ർ വാ​ഹ​ന​വ​കു​പ്പ്​ ന​ട​പ​ടി​യെ​ടു​ത്തി​രു​ന്നെ​ങ്കി​ലും ഇ​ക്കു​റി അ​ധി​കൃ​ത​രും നി​ശ്ശ​ബ്​​ദ​രാ​ണ്. ടൂ​റി​സ്റ്റ്​ ടാ​ക്സി​ക​ളാ​ണ്​ മ​റ്റൊ​രാ​ശ്ര​യം. മൂ​ന്നും നാ​ലും പേ​ർ ചേ​ർ​ന്ന്​ ടാ​ക്സി​യെ​ടു​ത്താ​ലും ബ​സ്​ നി​ര​ക്കി​നോ​ളം വ​രി​ല്ലെ​ന്ന​താ​ണ്​ സ്ഥി​തി. കെ.​എ​സ്.​ആ​ര്‍.​ടി.​സി ബ​സു​ക​ളി​ല്‍ നി​ര​ക്ക് കു​റ​വാ​ണെ​ങ്കി​ലും ബ​സു​ക​ളു​ടെ എ​ണ്ണ​ക്കു​റ​വാ​ണ് പ്ര​ശ്നം. കൂ​ടു​ത​ല്‍ സ​ര്‍വി​സു​ക​ള്‍ ആ​രം​ഭി​ക്ക​ണ​മെ​ന്നാ​ണ്​ ആ​വ​ശ്യം.

റി​സ​ർ​വേ​ഷ​ൻ നേ​ര​ത്തേ അ​വ​സാ​നി​പ്പി​ച്ച്, ലാ​ഭ​മേ​റി​യ ത​ത്​​കാ​ൽ ക​ച്ച​വ​ട​ത്തി​നാ​യി ടി​ക്ക​റ്റ്​ പൂ​ഴ്ത്തി​വെ​​ക്കു​ന്ന​താ​യും റെ​യി​ൽ​വേ​ക്കെ​തി​രെ ആ​ക്ഷേ​പ​മു​ണ്ട്. ത​ത്​​കാ​ലി​നാ​യി നീ​ക്കി​വെ​ക്കു​ന്ന​തി​ൽ​ത​ന്നെ 50 ശ​ത​മാ​നം സാ​ധാ ത​ത്​​കാ​ലും ശേ​ഷി​ക്കു​ന്ന 50 ശ​ത​മാ​നം പ്രീ​മി​യം ത​ത്​​കാ​ലു​മാ​ണ്. ​പ്രീ​മി​യം ത​ത്​​കാ​ലി​ൽ വി​മാ​ന​ടി​ക്ക​റ്റു​ക​ളു​ടേ​ത്​ മാ​തൃ​ക​യി​ൽ ഓ​രോ 10​ ശ​ത​മാ​നം ക​ഴി​യു​ന്തോ​റും നി​ര​ക്ക്​ വ​ർ​ധി​ക്കും.