ഡ്രൈവിങ്​ സ്കൂൾ വാഹനങ്ങൾക്ക്​ ഒറ്റ നിറം, തീരുമാനം പത്തിന്​; സ​മ​രം നടത്തിയതിനുള്ള പ്രതികാരമെന്ന് ഉടമകൾ

തി​രു​വ​ന​ന്ത​പു​രം: ഡ്രൈ​വി​ങ് സ്കൂ​ൾ വാ​ഹ​ന​ങ്ങ​ളു​ടെ നി​റം ഏ​കീ​ക​രി​ച്ച്​ മ​ഞ്ഞ​യാ​ക്കാ​ൻ മോ​ട്ടോ​ർ വാ​ഹ​ന​വ​കു​പ്പ്​ നീ​ക്കം. ജൂ​ലൈ പ​ത്തി​ന്​ ചേ​രു​ന്ന സ്​​റ്റേ​റ്റ്​ ട്രാ​ൻ​സ്​​പോ​ർ​ട്ട്​ അ​തോ​റി​റ്റി (എ​സ്.​ടി.​എ) യോ​ഗം തീ​രു​മാ​ന​മെ​ടു​ക്കും. ഔ​ദ്യോ​ഗി​ക അ​ജ​ണ്ട​യാ​യി എ​ത്തു​ന്ന​തി​നാ​ൽ അം​ഗീ​ക​രി​ക്കു​മെ​ന്ന്​ ഏ​​റെ​ക്കു​റെ ഉ​റ​പ്പാ​ണ്. ടൂ​റി​സ്റ്റ്​ ബ​സു​ക​ളു​ടെ നി​റം മാ​റ്റ​വും ഈ ​യോ​ഗ​മാ​ണ്​ പ​രി​ഗ​ണി​ക്കു​ന്ന​ത്.

നി​ല​വി​ൽ പ​രി​ശീ​ല​ന വാ​ഹ​ന​ങ്ങ​ൾ​ക്ക്​ ഏ​കീ​കൃ​ത നി​റ​മി​ല്ല. പ​ല​ത​രം വാ​ഹ​ന​ങ്ങ​ളി​ൽ ‘എ​ൽ’ ബോ​ർ​ഡ്​ വെ​ക്കു​ക​യോ സ്​​കൂ​ളി​ന്‍റെ പേ​ര്​ എ​ഴു​തു​ക​യോ വാ​ഹ​ന​ത്തി​ന്​ മു​ക​ളി​ൽ ​പി​ര​മി​ഡ്​ സ്വ​ഭാ​വ​ത്തി​ലു​ള്ള ബോ​ർ​ഡ്​ വെ​ക്കു​ക​യോ ആ​ണ്​ ചെ​യ്യു​ന്ന​ത്. റോ​ഡ്​ സു​ര​ക്ഷ മു​ൻ​നി​ർ​ത്തി​യാ​ണ്​ നി​റം നി​ർ​ദേ​ശി​ക്കു​ന്ന​തെ​ന്നും അ​ധി​കൃ​ത​ർ വ്യ​ക്ത​മാ​ക്കു​ന്നു. എ​ന്നാ​ൽ, ഡ്രൈ​വി​ങ്​ ടെ​സ്റ്റ്​ പ​രി​ഷ്ക​ര​ണ​ത്തി​ന്‍റെ പേ​രി​ൽ ന​ട​ന്ന സ​മ​ര​ത്തി​ന്‍റെ പ​ശ്ചാ​ത്ത​ല​ത്തി​ൽ സ്കൂ​ൾ ഉ​ട​മ​ക​ൾ​ക്കെ​തി​രാ​യ നീ​ക്ക​മാ​ണി​തെ​ന്ന ആ​​ക്ഷേ​പം ഉ​യ​ർ​ന്നി​ട്ടു​ണ്ട്.

നി​റം​മാ​റ്റ​ത്തി​ന്​ വ​ലി​യ ചെ​ല​വ്​ വ​രും. ഇ​ത്​ അ​ധി​ക​ബാ​ധ്യ​ത സൃ​ഷ്ടി​ക്കു​മെ​ന്ന്​​ സ്കൂ​ൾ ഉ​ട​മ​ക​ൾ പ​റ​യു​ന്നു. സം​സ്​​ഥാ​ന​ത്ത്​ ഏ​താ​ണ്ട്​ 32,000 പ​രി​ശീ​ല​ന വാ​ഹ​ന​ങ്ങ​ളാ​ണു​ള്ള​ത്. എ​സ്.​ടി.​എ തീ​രു​മാ​നി​ച്ചാ​ലും എ​ത്ര സ​മ​യ​ത്തി​ന​കം നി​ർ​ദേ​ശം ന​ട​പ്പാ​ക്ക​ണ​മെ​ന്ന​ത്​ തീ​രു​മാ​നി​ക്കേ​ണ്ട​ത്​ മോ​ട്ടോ​ർ വാ​ഹ​ന​വ​കു​പ്പാ​ണ്.

ആ​ൻ​റ​ണി രാ​ജു മ​ന്ത്രി​യാ​യി​രി​ക്കെ​യാ​ണ്​ ടൂ​റി​സ്റ്റ്​ ബ​സു​ക​ൾ​ക്ക്​ വെ​ള്ള നി​റ​മാ​ക്കി​യ​ത്. മ​ന്ത്രി മാ​റി​യ​തോ​ടെ നി​ല​പാ​ട്​ മാ​റി​യെ​ന്ന്​ എ​സ്.​ടി.​എ യോ​ഗ​ത്തി​ന്‍റെ അ​ജ​ണ്ട അ​ടി​വ​ര​യി​ടു​ന്നു. ഏ​കീ​കൃ​ത നി​റ​മോ നി​യ​ന്ത്ര​ണ​ങ്ങ​ളോ​ടെ​യു​ള്ള ബ​ഹു​വ​ർ​ണ​മോ എ​സ്.​ടി.​എ​ക്ക്​ നി​ശ്ച​യി​ച്ച്​ ന​ൽ​കാം.