കണ്ണൂരിൽ ഒരുകോടിയുടെ സ്വർണം പിടിച്ചു

മട്ടന്നൂര്‍: കണ്ണൂര്‍ വിമാനത്താവളത്തില്‍ ഒരു കോടിയോളം രൂപയുടെ 1763 ഗ്രാം സ്വര്‍ണം പിടികൂടി. സംഭവത്തിൽ കാസര്‍കോട് സ്വദേശി മുഹമ്മദ് സുഹൈല്‍, തലശേരി മൂഴിക്കര സ്വദേശി കെ.വി. റസാക്ക് എന്നിവരെ കസ്റ്റഡിയിലെടുത്തു.

കസ്റ്റംസ് ഡെപ്യൂട്ടി കമീഷണര്‍ സി.വി. ജയകാന്ത്, അസി. കമീഷണര്‍ ഇ.വി. ശിവരാമന്‍, സൂപ്രണ്ട് പി.സി. ചാക്കോ എന്നിവരുടെ നേതൃത്വത്തിലായിരുന്നു പരിശോധന.