ലൈംഗികാതിക്രമം: ജയസൂര്യക്കെതിരെ ഒരു കേസ് കൂടി

തിരുവനന്തപുരം: നടൻ ജയസൂര്യക്കെതിരെ ലൈംഗികാതിക്രമത്തിന് വീണ്ടും കേസെടുത്തു. തൊടുപുഴയിലെ ഷൂട്ടിങ് ലൊക്കേഷനിൽവെച്ച് ജയസൂര്യ ലൈംഗികാതിക്രമം നടത്തിയെന്ന പരാതിയിലാണ് കേസ്. തിരുവനന്തപുരം സ്വദേശിയായ നടി കരമന പൊലീസ് സ്റ്റേഷനിലാണ് പരാതി നൽകിയത്. പരാതി തൊടുപുഴ പൊലീസിന് കൈമാറി.

നേരത്തെ, സെക്രട്ടേറിയറ്റിലെ ഷൂട്ടിങ് ലൊക്കേഷനിൽവെച്ച് കടന്നുപിടിച്ച് ലൈംഗികാതിക്രമം നടത്തിയെന്ന കൊച്ചി സ്വദേശിനിയുടെ പരാതിയിൽ ജയസൂര്യക്കെതിരെ കേസെടുത്തിരുന്നു. തിരുവനന്തപുരം കന്‍റോൺമെന്‍റ് പൊലീസ് ജാമ്യമില്ലാ വകുപ്പടക്കം ചേർത്താണ് കേസെടുത്തിരുന്നത്. സിനിമാ മേഖലയിലെ ലൈംഗികാതിക്രമ പരാതികൾ അന്വേഷിക്കുന്ന പ്രത്യേക സംഘം നടിയുടെ മൊഴി രേഖപ്പെടുത്തുകയും ചെയ്തിട്ടുണ്ട്.

സിദ്ദീഖിനെതിരെ തെളിവുകൾ​

തി​രു​വ​ന​ന്ത​പു​രം: ലൈം​ഗി​കാ​തി​ക്ര​മ കേ​സി​ൽ ന​ട​നും താ​ര​സം​ഘ​ട​ന​ അ​മ്മ​യു​ടെ മു​ൻ ജ​ന​റ​ൽ സെ​ക്ര​ട്ട​റി​യു​മാ​യ സി​ദ്ദീ​ഖി​നെ​തി​രെ കു​രു​ക്ക്​ മു​റു​കു​ന്നു. ന​ടി​യു​ടെ പ​രാ​തി​യി​ൽ പ​റ​ഞ്ഞ കാ​ല​യ​ള​വി​ൽ സി​ദ്ദീ​ഖ് മാ​സ്ക​റ്റ് ഹോ​ട്ട​ലി​ൽ താ​മ​സി​ച്ച​തി​ന്​ തെ​ളി​വ്​ ല​ഭി​ച്ചു. 2016 ജ​നു​വ​രി 28നാ​ണ്​ സി​ദ്ദീ​ഖ് മു​റി​യെ​ടു​ത്ത​തെ​ന്ന്​ മാ​സ്ക​റ്റ്​ ഹോ​ട്ട​ലി​ലെ രേ​ഖ​ക​ളി​ലു​ണ്ട്. സി​ദ്ദീ​ഖ് ഹോ​ട്ട​ലി​ലു​ണ്ടാ​യി​രു​ന്ന​താ​യി പ​രാ​തി​ക്കാ​രി പൊ​ലീ​സി​നോ​ട്​ പ​റ​ഞ്ഞ​തും ഇ​തേ കാ​ല​യ​ള​വാ​യി​രു​ന്നു.

സി​ദ്ദീ​ഖ് മു​റി​യെ​ടു​ത്ത​തി​ന്റെ രേ​ഖ, ന​ടി ഹോ​ട്ട​ലി​ലെ സ​ന്ദ​ർ​ശ​ക ര​ജി​സ്റ്റ​റി​ൽ രേ​ഖ​പ്പെ​ടു​ത്തി​യ വി​വ​ര​ങ്ങ​ൾ, സി​നി​മ പ്രി​വ്യൂ ന​ട​ന്ന​തി​ന്റെ രേ​ഖ​ക​ൾ തു​ട​ങ്ങി​യ​വ​യാ​ണ്​ പൊ​ലീ​സ് ശേ​ഖ​രി​ച്ച​ത്. സ​ന്ദ​ർ​ശ​ക ര​ജി​സ്റ്റ​റി​ൽ ഒ​പ്പി​ട്ട​ശേ​ഷം ഒ​ന്നാം​നി​ല​യി​ലെ സി​ദ്ദീ​ഖി​ന്റെ മു​റി​യി​ലേ​ക്ക്​ പോ​യെ​ന്നാ​ണ്​ യു​വ​തി​യു​ടെ മൊ​ഴി. സ​ന്ദ​ർ​ശ​ക ര​ജി​സ്റ്റ​റി​ന്റെ പ​ക​ർ​പ്പ് കെ.​ടി.​ഡി.​സി ആ​സ്ഥാ​ന​ത്താ​ണെ​ന്ന്​ ഹോ​ട്ട​ൽ അ​ധി​കൃ​ത​ർ പ​റ​ഞ്ഞു. ര​ജി​സ്റ്റ​ർ പൊ​ലീ​സ് പ​രി​ശോ​ധി​ക്കും. ഹോ​ട്ട​ലി​ൽ​വെ​ച്ച് ന​ടി​യെ ക​ണ്ടി​ട്ടി​ല്ലെ​ന്നാ​യി​രു​ന്നു സി​ദ്ദീ​ഖ് ഡി.​ജി.​പി​ക്ക് ന​ൽ​കി​യ പ​രാ​തി​യി​ൽ പ​റ​ഞ്ഞ​ത്.