തിരുവനന്തപുരം-ചെന്നൈ മെയിലിന് ഒരു ജനറൽ കോച്ചുകൂടി

കൊല്ലം: തിരുവനന്തപുരത്തുനിന്ന് ചെന്നൈ സെന്‍ററിലേക്കും തിരിച്ചുമുള്ള സൂപ്പർ ഫാസ്റ്റ് മെയിലിന് (12624, 12623) ഒരു ജനറൽ കോച്ചുകൂടി. നേരത്തേ മൂന്ന് ജനറൽ കോച്ചുകളുണ്ടായിരുന്നതാണ് മൂന്നുദിവസം മുമ്പ് നാലാക്കിയത്.

കൂടാതെ 12624 ട്രെയിനിന് തിരുവനന്തപുരം മുതൽ എറണാകുളം വരെ ഒരു ഡി-റിസർവ്ഡ് കോച്ചുമുണ്ട് (എസ് 7). ജനറൽ കോച്ചുകളുടെ എണ്ണം വർധിപ്പിക്കണമെന്നാവശ്യപ്പെട്ട് കൊടിക്കുന്നിൽ സുരേഷ് എം.പി റെയിൽവേ മന്ത്രിക്കും അധികൃതർക്കും നിവേദനം നൽകിയിരുന്നു.

പുതുതായി അനുവദിച്ച എറണാകുളം-കൊല്ലം മെമു സ്പെഷൽ ട്രെയിൻ നവംബർ 30വരെ എന്നത് രണ്ടാഴ്ചകൂടി നീട്ടിയെന്നും റെയിൽവേ അറിയിച്ചു.