തിരുവനന്തപുരത്ത് കോളറ ബാധിച്ച് ഒരാൾ മരിച്ചു; ജാഗ്രതയിൽ ആരോഗ്യവിഭാഗം

തിരുവനന്തപുരം: തിരുവനന്തപുരത്ത് കോളറ ബാധിച്ച് ഒരാൾ മരിച്ചുവെന്ന് ആരോഗ്യവകുപ്പ്. ക​വ​ടി​യാ​ര്‍ മു​ട്ട​ട സ്വ​ദേ​ശി​യാ​യ 63കാ​ര​നാ​ണ് മ​രി​ച്ച​ത്. കാർഷിക വകുപ്പിലെ മുൻ ഉദ്യോഗസ്ഥനാണ്. പനിബാധയെ തുടർന്ന് ഈ മാസം 17 ആയിരുന്നു സ്വകാര്യ ആശുപത്രിയിൽ പ്രവേശിപ്പിച്ചത്. മരണാനന്തരം നടത്തിയ രക്ത പരിശോധനയിലാണ് കോളറ സ്ഥിരീകരിച്ചത്.

ഈ മാസം 20 ന് തിരുവനന്തപുരത്ത് സ്വകാര്യ ആശുപത്രിയിൽ വെച്ചായിരുന്നു മരണം. പ​നി​യും ഛർ​ദി​യു​മ​ട​ക്കം ല​ക്ഷ​ണ​ങ്ങ​ളോ​ടെ​യാ​ണ്​ 63കാ​ര​നെ ആ​ശു​പ​ത്രി​യി​ൽ​ പ്ര​വേ​ശി​പ്പി​ച്ച​ത്. മ​ര​ണ​കാ​ര​ണം കോ​ള​റ​യാ​ണെ​ന്ന്​ ആ​ശു​പ​ത്രി അ​ധി​കൃ​ത​ര്‍ ന​ല്‍കി​യ വി​വ​ര​ത്തി​ന്​ പി​ന്നാ​ലെ, പ്ര​ദേ​ശ​ത്തെ സാ​മ്പി​ളു​ക​ള്‍ പ​രി​ശോ​ധി​ക്കാ​ൻ ആ​രോ​ഗ്യ​വ​കു​പ്പ്​ തീ​രു​മാ​നി​ച്ചു. ബ​ന്ധു​ക്ക​ൾ​ക്കോ സ​മീ​പ​വാ​സി​ക​ൾ​ക്കോ ആ​ർ​ക്കും രോ​ഗ​ല​ക്ഷ​ണ​മി​ല്ല. ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്നും ആ​വ​ശ്യ​മാ​യ പ്ര​തി​രോ​ധ പ്ര​വ​ർ​ത്ത​ന​ങ്ങ​ളെ​ല്ലാം സ്വീ​ക​രി​ച്ചി​ട്ടു​ണ്ടെ​ന്നും ആ​രോ​ഗ്യ​വി​ഭാ​ഗം വ്യ​ക്ത​മാ​ക്കി.

2024 ജൂ​ലൈ​യി​ലാ​ണ്​ സം​സ്ഥാ​ന​ത്ത്​ ഏ​റ്റ​വു​മൊ​ടു​വി​ൽ കോ​ള​റ റി​​പ്പോ​ർ​ട്ട്​ ചെ​യ്ത​ത്. അ​തും ത​ല​സ്ഥാ​ന ജി​ല്ല​യി​ലാ​യി​രു​ന്നു. നെ​യ്യാ​റ്റി​ൻ​ക​ര​യി​ലെ സ്വ​കാ​ര്യ കെ​യ​ർ​ഹോ​മി​ലെ 10 അ​ന്തേ​വാ​സി​ക​ളും ജീ​വ​ന​ക്കാ​ര​നു​മ​ട​ക്കം 11 പേ​ർ​ക്കാ​ണ്​ രോ​ഗ​ബാ​ധ ക​ണ്ടെ​ത്തി​യ​ത്. ഇ​തേ ഹോ​മി​ൽ 26 കാ​ര​ൻ മ​രി​ച്ചെ​ങ്കി​ലും രോ​ഗ​ബാ​ധ സ്ഥി​രീ​ക​രി​ക്കാ​നാ​യി​രു​ന്നി​ല്ല. ഉ​റ​വി​ടം ക​ണ്ടെ​ത്തു​ന്ന​തി​ന്​ പ​ല​വി​ധ പ​രി​ശോ​ധ​ന​ക​ൾ ന​ട​ത്തി​യെ​ങ്കി​ലും ഫ​ല​വു​മു​ണ്ടാ​യി​ല്ല.

ജ​ല​ത്തി​ലൂ​ടെ പ​ക​രു​ന്ന രോ​ഗ​ങ്ങ​ളി​ലൊ​ന്നാ​ണ് കോ​ള​റ. വി​ബ്രി​യോ കോ​ള​റേ എ​ന്ന ബാ​ക്റ്റീ​രി​യ​യാ​ണ് രോ​ഗം പ​ര​ത്തു​ന്ന​ത്. വൃ​ത്തി​ഹീ​ന​മാ​യ ചു​റ്റു​പാ​ടു​ക​ളി​ൽ​നി​ന്ന്​ ല​ഭി​ക്കു​ന്ന വെ​ള്ളം, ആ​ഹാ​രം എ​ന്നി​വ​യി​ലൂ​ടെ​യാ​ണ് ബാ​ക്ടീ​രി​യ ശ​രീ​ര​ത്തി​ലെ​ത്തു​ന്ന​ത്. വ​യ​റി​ള​ക്ക​വും ഛർ​ദി​യു​മാ​ണ് കോ​ള​റ​യു​ടെ പ്ര​ധാ​ന ല​ക്ഷ​ണ​ങ്ങ​ൾ. ര​ക്ത​സ​മ്മ​ർ​ദം കു​റ​യു​ക, ത​ല​ക​റ​ക്കം, നാ​വി​നും ചു​ണ്ടു​ക​ൾ​ക്കു​മു​ണ്ടാ​കു​ന്ന വ​ര​ൾ​ച്ച, ക​ണ്ണു​ക​ൾ താ​ണു​പോ​കു​ക, ബോ​ധ​ക്കേ​ട് എ​ന്നി​വ കോ​ള​റ​യു​ടെ ഗു​രു​ത​ര​മാ​യ രോ​ഗ​ല​ക്ഷ​ണ​ങ്ങ​ളാ​ണ്.

നി​യ​ന്ത്ര​ണ​വി​ധേ​​യ​മെ​ന്നും നി​ർ​മാ​ർ​ജ​നം ചെ​യ്​​തെ​ന്നും ​ക​രു​തി​യി​യി​രു​ന്ന കോ​ള​റ കേ​സു​ക​ൾ ആ​വ​ർ​ത്തി​ക്കു​ന്ന​ത്​ ആ​രോ​ഗ്യ​വ​കു​പ്പി​ന്​ മു​ന്നി​ലു​യ​ർ​ത്തു​ന്ന​ത്​ വ​ലി​യ വെ​ല്ലു​വി​ളി​യാ​ണ്. തു​ട​ർ​ച്ച​യാ​യി ര​ണ്ടാം​വ​ർ​ഷം ത​ല​സ്ഥാ​ന ജി​ല്ല​യി​ൽ രോ​ഗം സ്ഥി​രീ​ക​രി​ച്ച​തോ​ടെ, വ​ലി​യ ജാ​ഗ്ര​ത​യി​ലാ​ണ്​ ആ​രോ​ഗ്യ​വ​കു​പ്പ്.