Begin typing your search above and press return to search.
exit_to_app
exit_to_app
Posted On
date_range 15 Dec 2020 3:39 PM GMT Updated On
date_range 15 Dec 2020 3:39 PM GMTമലപ്പുറം ജില്ലയില് ഒരാഴ്ച നിരോധനാജ്ഞ
text_fieldsbookmark_border
മലപ്പുറം: തദ്ദേശ തെരഞ്ഞെടുപ്പ് ഫലപ്രഖ്യാപനത്തിന് മുന്നോടിയായി മലപ്പുറം ജില്ലയിൽ ബുധനാഴ്ച മുതൽ ഏഴുദിവസത്തേക്ക് കലക്ടര് നിരോധനാജ്ഞ പ്രഖ്യാപിച്ചു. സി.ആര്.പി.സി സെക്ഷന് 144 പ്രകാരം രാത്രി എട്ട് മണി മുതല് രാവിലെ എട്ട് മണി വരെയാണ് നിരോധനാജ്ഞയെന്ന് ജില്ലാ കലക്ടര് കെ. ഗോപാലകൃഷ്ണന് അറിയിച്ചു.
കോഴിക്കോട് ജില്ലയിൽ വടകര, നാദാപുരം, വളയം, കുറ്റ്യാടി, പേരാമ്പ്ര പൊലീസ് സ്റ്റേഷന് പരിധിയിൽ ഇന്ന് വൈകീട്ട് ആറു മുതല് 17ന് വൈകീട്ട് ആറു വരെ നിരോധനാജ്ഞ ഏർപ്പെടുത്തിയിട്ടുണ്ട്.
പ്രധാന നിബന്ധനകൾ
- രാത്രി എട്ട് മണി മുതല് കാലത്ത് എട്ട് മണി വരെ വിവാഹം, മരണം എന്നീ ചടങ്ങുകള് ഒഴികെ പ്രകടനം, ഘോഷയാത്ര, സമ്മേളനം തുടങ്ങിയവ അനുവദനീയമല്ല.
- രാത്രി എട്ട് മണിക്ക് ശേഷം ആരാധനാലയങ്ങള് ഒഴികെയുള്ള സ്ഥലങ്ങളിലും സ്ഥാപനങ്ങളിലും മൈക്ക് ഉപയോഗിക്കുവാന് പാടില്ല.
- തുറന്ന വാഹനങ്ങള് അനുവദനീയമായ ശബ്ദത്തില് കൂടുതല് ഉള്ള ഉച്ചഭാഷിണിയും സൈറ്റുകളും പകല് സമയത്തും ഉപയോഗിക്കുവാന് പാടില്ല.
- പകല്സമയത്തെ വിജയാഹ്ലാദ പരിപാടികളിലും സമ്മേളനങ്ങളിലും 100ല് കൂടുതല് ആളുകള് പങ്കെടുക്കരുത്.
- പരിപാടികളില് സര്ക്കാര് നിര്ദേശിച്ച കോവിഡ് 19 മാനദണ്ഡങ്ങള് പാലിക്കണം.
- 10 വയസിന് താഴെയുള്ള കുട്ടികളും 65 വയസിന് മുകളിലുള്ള സ്ഥാനാര്ത്ഥികള് ഒഴികെയുള്ള വ്യക്തികളും വിജയാഹ്ലാദ പരിപാടികളിലും സമ്മേളനങ്ങളിലും മറ്റും പങ്കെടുക്കരുത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story