ഇലന്തൂർ ഇരട്ട നരബലി; പുറത്തറിഞ്ഞിട്ട്​ ഒരാണ്ട്; വിചാരണ ഉടൻ

ഇ​ല​ന്തൂ​ർ: രാ​ഷ്​​ട്ര​പി​താ​വ്​ ഗാ​ന്ധി​ജി കാ​ലു​കു​ത്തി​യ നാ​ടി​നെ ഇ​രു​ളി​ൽ നി​ർ​ത്തി​യ ക്രൂ​ര​ത പു​റം​ലോ​കം അ​റി​ഞ്ഞി​ട്ട്​ ഒ​രാ​ണ്ട്​ തി​ക​യു​ന്നു. സാ​മ്പ​ത്തി​ക അ​ഭി​വൃ​ദ്ധി​ക്കാ​യി ഇ​ല​ന്തൂ​രി​ൽ ര​ണ്ട്​ സ്ത്രീ​ക​ളെ ബ​ലി​കൊ​ടു​ത്ത സം​ഭ​വം പു​റ​ത്ത​റി​ഞ്ഞി​ട്ട്​ ഇന്നഒ​രു​വ​ർ​ഷം തി​ക​യു​ന്നു. മി​ക്ക​വാ​റും എ​ല്ലാ ക്രി​മി​ന​ൽ വ​കു​പ്പു​ക​ളും​ ചേ​ർ​ത്ത കേ​സു​ക​ളി​ലെ മൂ​ന്ന്​ പ്ര​തി​ക​ളാ​യ പെ​രു​മ്പാ​വൂ​ർ സ്വ​ദേ​ശി​യാ​യ മ​ന്ത്ര​വാ​ദി മു​ഹ​മ്മ​ദ്​ ഷാ​ഫി (53), പാ​ര​മ്പ​ര്യ തി​രു​മ്മു​വൈ​ദ്യ​ൻ ഇ​ല​ന്തൂ​ർ പു​ളി​ന്തി​ട്ട ആ​ഞ്ഞി​ലി​മൂ​ട്ടി​ൽ ക​ട​കം​പി​ള്ളി​ൽ ഭ​ഗ​വ​ൽ​സി​ങ്​ (71), ഭാ​ര്യ ലൈ​ല (67) എ​ന്നി​വ​ർ​ ജ​യി​ലി​ലാ​ണ്.

ഷാ​ഫി​യും ഭ​ഗ​വ​ൽ സി​ങ്ങും വി​യ്യൂ​ർ ജ​യി​ലി​ലും ​ലൈ​ല കാ​ക്ക​നാ​ട്​ ജ​യി​ലി​ലു​മാ​ണ്. ഇ​ര​ക​ളാ​ക്ക​പ്പെ​ട്ട​ത്​ ലോ​ട്ട​റി വി​ൽ​പ​ന​ക്കാ​രാ​യ സ്ത്രീ​ക​​ളെ​യാ​ണ്. ത​മി​ഴ്‌​നാ​ട് ധ​ർ​മ​പു​രി സ്വ​ദേ​ശി​യാ​യ എ​റ​ണാ​കു​ളം ക​ട​വ​ന്ത്ര​യി​ൽ വാ​ട​ക​ക്ക്​ താ​മ​സി​ച്ചി​രു​ന്ന പ​ത്മ (52), കാ​ല​ടി​യി​ൽ ലോ​ട്ട​റി​ക്ക​ച്ച​വ​ടം ന​ട​ത്തി​യി​രു​ന്ന വ​ട​ക്കാ​ഞ്ചേ​രി സ്വ​ദേ​ശി റോ​സ്​​ലി​ൻ (49) എ​ന്നി​വ​രെ​യാ​ണ്​ ഇ​ല​ന്തൂ​രി​ലെ വീ​ട്ടി​ലെ​ത്തി​ച്ച്​ കെ​ട്ടി​യി​ട്ട്​ ക​ഴു​ത്ത​റു​ത്ത്​ കൊ​ല​പ്പെ​ടു​ത്തി ക​ഷ​ണ​ങ്ങ​ളാ​ക്കി കു​ഴി​ച്ചി​ട്ട​ത്.

പ​ത്മ കൊ​ല​പാ​ത​ക​ക്കേ​സി​ൽ ക​ട​വ​ന്ത്ര പൊ​ലീ​സും റോ​സ്​​ലി​ൻ വ​ധ​ത്തി​ൽ കാ​ല​ടി പൊ​ലീ​സും അ​ന്വേ​ഷി​ച്ച്​ ഇ​രു കു​റ്റ​പ​ത്ര​ങ്ങ​ളും എ​റ​ണാ​കു​ളം ഒ​ന്നാം ക്ലാ​സ്​ ജു​ഡീ​ഷ്യ​ൽ മ​ജി​സ്​​​ട്രേ​റ്റ്​ കോ​ട​തി​യി​ൽ സ​മ​ർ​പ്പി​ച്ചി​ട്ടു​ണ്ട്. വി​ചാ​ര​ണ ഉ​ട​ൻ തു​ട​ങ്ങും. സ്​​​ത്രീ​യെ​ന്ന പ​രി​ഗ​ണ​ന​യി​ൽ ര​ണ്ട്​ ​പ്രാ​വ​ശ്യം ലൈ​ല ജാ​മ്യ​ത്തി​ന്​ ശ്ര​മി​ച്ചെ​ങ്കി​ലും കു​റ്റ​കൃ​ത്യ​ത്തി​ലെ പ​ങ്ക് വ്യ​ക്ത​മാ​ണെ​ന്ന കോ​ട​തി​യു​ടെ നി​രീ​ക്ഷ​ണ​ത്തെ തു​ട​ർ​ന്ന്​ അ​പേ​ക്ഷ ത​ള്ള​പ്പെ​ട്ടു. പെ​രു​മ്പാ​വൂ​ർ ജി​ഷ, കൂ​ട​ത്താ​യി കേ​സു​ക​ളി​ലെ സ്പെ​ഷ​ൽ പ്രോ​സി​ക്യൂ​ട്ട​ർ എ​ൻ.​കെ. ഉ​ണ്ണി​കൃ​ഷ്ണ​നാ​ണ് ഈ ​കേ​സി​ലും ഹാ​ജ​രാ​കു​ക.

ഷാ​ഫി​ക്ക്​ പ​ണം; ഭ​ഗ​വ​ലി​ന്​ സ​മ്പ​ത്ത്​

ക്രൂ​ര​ത​യി​ലൂ​ടെ​യു​ള്ള ആ​ന​ന്ദ​വും പ​ണ​വു​മാ​യി​രു​ന്നു മ​ന്ത്ര​വാ​ദി​യാ​യി അ​ഭി​ന​യി​ച്ച ഷാ​ഫി​യു​ടെ ല​ക്ഷ്യം. സാ​മ്പ​ത്തി​ക ഉ​ന്ന​തി​യും ഐ​ശ്വ​ര്യ​വു​മാ​യി​രു​ന്നു ഭ​ഗ​വ​ൽ സി​ങ്ങി​ന്‍റെ​യും ഭാ​ര്യ ലൈ​ല​യു​ടെ​യും ഉ​ന്നം. ആ​ഭി​ചാ​ര​ക്കൊ​ല ന​ട​ത്ത​ണ​മെ​ന്ന് നി​ർ​ദേ​ശി​ച്ച​ത് ഷാ​ഫി​യാ​ണെ​ന്നും പ​ത്മ​യു​ടെ മാം​സം പ്ര​തി​ക​ൾ പാ​ച​കം ചെ​യ്ത് ക​ഴി​ച്ച​താ​യും കു​റ്റ​പ​ത്ര​ത്തി​ലു​ണ്ട്. കൊ​ല​പ്പെ​ടു​ത്താ​ൻ ഉ​പ​യോ​ഗി​ച്ച ആ​യു​ധ​ങ്ങ​ൾ, പ​ത്മ​യു​ടെ മാം​സം പാ​ച​കം ചെ​യ്യാ​നു​പ​യോ​ഗി​ച്ച പാ​ത്ര​ങ്ങ​ൾ, സി.​സി ടി.​വി ദൃ​ശ്യ​ങ്ങ​ൾ, ക​വ​ർ​ന്നെ​ടു​ത്ത ആ​ഭ​ര​ണ​ങ്ങ​ൾ തു​ട​ങ്ങി​യ​വ​യാ​ണ് പ്ര​ധാ​ന തെ​ളി​വു​ക​ൾ.

പ​ത്മ​യെ​യും റോ​സ്​​ലി​നെ​യും ഇ​ല​ന്തൂ​രി​ലെ വീ​ട്ടി​ലെ​ത്തി​ച്ചാ​ണ് കൊ​ല​പ്പെ​ടു​ത്തി​യ​തെ​ന്ന് പ്ര​തി​ക​ൾ സ​മ്മ​തി​ച്ചി​രു​ന്നു. ചോ​ദ്യം ചെ​യ്യ​ലി​നോ​ട് സ​ഹ​ക​രി​ക്കാ​തി​രു​ന്ന ഷാ​ഫി​യി​ൽ​നി​ന്ന് കി​ട്ടി​യ​തി​ൽ കൂ​ടു​ത​ൽ വി​വ​ര​ങ്ങ​ൾ മ​റ്റ് ര​ണ്ടു പേ​രി​ൽ നി​ന്നു​മാ​ണ് പൊ​ലീ​സി​നു കി​ട്ടി​യ​ത്. ന​ര​ബ​ലി ന​ട​ത്തി​യാ​ൽ സാ​മ്പ​ത്തി​ക അ​ഭി​വൃ​ദ്ധി ഉ​ണ്ടാ​കു​മെ​ന്ന അ​ന്ധ​വി​ശ്വാ​സ​ത്തി​ൽ കൊ​ല​പാ​ത​ക​ങ്ങ​ൾ ന​ട​ന്ന വീ​ട്​ പൊ​ലീ​സ്​ സീ​ല്‍ ചെ​യ്തി​രി​ക്കു​ക​യാ​ണ്. വീ​ട്ടി​ലേ​ക്ക് ആ​ള്‍ക്കാ​രു​ടെ വ​ര​വ് പൊ​ലീ​സ് നി​രോ​ധി​ച്ചി​ട്ടു​ണ്ട്. ആ​റ​ന്മു​ള പൊ​ലീ​സ് ഇ​ട​ക്കി​ടെ ഇ​വി​ടെ വ​ന്നു പോ​കു​ന്നു​ണ്ട്.

അ​മ്മ​യെ കാ​ണാ​നി​ല്ലെ​ന്ന്​ മ​ക​ൻ

ലോ​ട്ട​റി വി​റ്റ്​ ജീ​വി​ച്ചി​രു​ന്ന ത​ന്‍റെ അ​മ്മ പ​ത്മ​യെ കാ​ണാ​നി​ല്ലെ​ന്ന്​ ക​ഴി​ഞ്ഞ​വ​ർ​ഷം സെ​പ്​​റ്റം​ബ​ർ 27ന് ​ത​മി​ഴ്നാ​ട് സ്വ​ദേ​ശി​യാ​യ ശെ​ൽ​വ​ൻ ക​ട​വ​ന്ത്ര പൊ​ലീ​സ് സ്റ്റേ​ഷ​നി​ൽ ന​ൽ​കി​യ പ​രാ​തി​യു​ടെ തു​ട​ർ​അ​ന്വേ​ഷ​ണ​ത്തി​നൊ​ടു​വി​ലാ​ണ്​​ നാ​ടു ഞെ​ട്ടി​ത്ത​രി​ച്ച ന​ര​ബ​ലി​ക്കേ​സ് പു​റം​ലോ​കം അ​റി​ഞ്ഞ​ത്.

അ​ന്വേ​ഷ​ണം എ​റ​ണാ​കു​ള​ത്ത് ഹോ​ട്ട​ൽ ന​ട​ത്തു​ന്ന പെ​രു​മ്പാ​വൂ​ർ സ്വ​ദേ​ശി ഷാ​ഫി​യി​ലേ​ക്ക് എ​ത്തി. ഇ​യാ​ളു​ടെ ഹോ​ട്ട​ലി​ലേ​ക്ക് പ​ത്മ പോ​കു​ന്ന​തും ഇ​യാ​ളു​ടെ ബൊ​ലോ​റ ജീ​പ്പി​ൽ ക​യ​റു​ന്ന​തി​ന്‍റെ​യും സി.​സി ടി.​വി ദൃ​ശ്യ​ങ്ങ​ൾ ല​ഭി​ച്ച​തോ​ടെ ഷാ​ഫി വ​ല​യി​ലാ​യി. ഷാ​ഫി​യെ ചോ​ദ്യം ചെ​യ്ത​പ്പോ​ഴാ​ണ് ര​ണ്ടു ന​ര​ബ​ലി​ക​ളു​ടെ​യും കാ​ര്യം പു​റ​ത്തു​വ​ന്ന​ത്. പ​ത്മ​ക്കു മു​മ്പ് കാ​ല​ടി​യി​ലെ ലോ​ട്ട​റി വി​ൽ​പ​ന​ക്കാ​രി റോ​സ്​​ലി​നെ 2022 ജൂ​ൺ എ​ട്ടി​ന് കൊ​ല​പ്പെ​ടു​ത്തി​യ​താ​യും ഷാ​ഫി മൊ​ഴി ന​ൽ​കി. അ​ങ്ങ​നെ​യാ​ണ് കൂ​ട്ടു​പ്ര​തി​ക​ളാ​യ ഇ​ല​ന്തൂ​രി​ലെ ഭ​ഗ​വ​ൽ സി​ങ്, ഭാ​ര്യ ലൈ​ല എ​ന്നി​വ​രി​ലേ​ക്ക് അ​ന്വേ​ഷ​ണം വ​ന്ന​ത്.

ഇ​വ​രെ ക​ട​വ​ന്ത്ര പൊ​ലീ​സ് ഇ​ല​ന്തൂ​രി​ൽ​നി​ന്ന്​ ക​സ്റ്റ​ഡി​യി​ലെ​ടു​ത്ത് മൂ​വ​രെ​യും ഒ​ന്നി​ച്ചി​രു​ത്തി ചോ​ദ്യം ചെ​യ്ത​പ്പോ​ഴാ​ണ് ന​ര​ബ​ലി​യി​ൽ ര​ണ്ടു സ്ത്രീ​ക​ൾ ഇ​ര​യാ​യ​താ​യും മൃ​ത​ദേ​ഹ​ങ്ങ​ൾ ഭ​ഗ​വ​ൽ സി​ങ്ങി​ന്‍റെ ഇ​ല​ന്തൂ​രി​ലെ വീ​ടി​നോ​ടു ചേ​ർ​ന്ന പു​ര​യി​ട​ത്തി​ൽ കു​ഴി​ച്ചി​ട്ട​താ​യും സ്ഥി​രീ​ക​രി​ച്ച​ത്. പൊ​ലീ​സ് പ്രാ​ഥ​മി​ക അ​ന്വേ​ഷ​ണം പൂ​ർ​ത്തി​യാ​യി പ്ര​തി​ക​ളെ ഇ​ല​ന്തൂ​രി​ലെ വീ​ട്ടി​ലേ​ക്ക് കൊ​ണ്ടു​വ​ന്ന ഒ​ക്ടോ​ബ​ർ 11നാ​ണ് ന​ര​ബ​ലി വാ​ർ​ത്ത​ക​ൾ ലോ​കം അ​റി​ഞ്ഞ​ത്. ആ ​ദി​വ​സം ത​ന്നെ ന​ര​ബ​ലി​ക്ക് വി​ധേ​യ​രാ​യ സ്ത്രീ​ക​ളു​ടെ മൃ​ത​ദേ​ഹാ​വ​ശി​ഷ്ട​ങ്ങ​ള്‍ ഇ​ല​ന്തൂ​രി​ൽ ക​ണ്ടെ​ത്തു​ക​യും ചെ​യ്തു.

കൊ​ടും ക്രൂ​ര​ത

ഷാ​ഫി ത​ന്നെ​യാ​ണ്​ ക​ഴി​ഞ്ഞ വ​ർ​ഷം ജൂ​ൺ എ​ട്ടി​ന് കാ​ല​ടി​യി​ലെ ലോ​ട്ട​റി വി​ൽ​പ​ന​ക്കാ​രി റോ​സ്​​ലി​നെ ഇ​ല​ന്തൂ​രി​ലെ വീ​ട്ടി​ലെ​ത്തി​ച്ച​ത്. രാ​ത്രി ക​ട്ടി​ലി​ൽ കെ​ട്ടി​യി​ട്ട ശേ​ഷം ലൈ​ല​യു​ടെ കൈ​യി​ൽ വാ​ളു​കൊ​ടു​ത്ത് റോ​സ്​​ലി​ന്‍റെ ക​ഴു​ത്ത് മു​റി​ച്ചു​മാ​റ്റി. പി​ന്നീ​ട് ര​ക്തം കു​ടി​പ്പി​ച്ചു. മൃ​ത​ദേ​ഹം ക​ഷ​ണ​ങ്ങ​ളാ​ക്കി കു​ഴി​ച്ചി​ട്ടു. മാം​സം വേ​വി​ച്ചു ഭ​ക്ഷി​ച്ചു. റോ​സി​ലി​നെ ബ​ലി ന​ട​ത്തി ഭ​ഗ​വ​ൽ സി​ങ്ങി​ൽ​നി​ന്ന്​ ഷാ​ഫി പ​ണം വാ​ങ്ങി​യെ​ങ്കി​ലും സാ​മ്പ​ത്തി​ക ഉ​യ​ർ​ച്ച ഉ​ണ്ടാ​കാ​ത്ത സാ​ഹ​ച​ര്യ​ത്തി​ലാ​ണ് ര​ണ്ടാ​മ​ത് പ​ത്മ​ത്തെ ക​ണ്ടെ​ത്തി കൊ​ല​പ്പെ​ടു​ത്തി​യ​ത്. കേ​സി​ൽ ഉ​ൾ​പ്പെ​ട്ട ആ​ഞ്ഞി​ലി​മൂ​ട്ടി​ൽ ഭ​ഗ​വ​ല്‍ സി​ങ്ങി​ന്‍റെ പു​ര​യി​ട​ത്തി​ല്‍നി​ന്നാ​ണ് ക​ഷ​ണ​ങ്ങ​ളാ​ക്കി​യ മൃ​ത​ദേ​ഹാ​വ​ശി​ഷ്ട​ങ്ങ​ള്‍ ക​ണ്ടെ​ടു​ത്ത​ത്. ത​ല ഉ​ള്‍പ്പെ​ടെ എ​ല്ലാ ശ​രീ​ര​ഭാ​ഗ​ങ്ങ​ളും ക​ണ്ടെ​ടു​ത്തു. മൃ​ത​ദേ​ഹം ക​ഷ​ണ​ങ്ങ​ളാ​ക്കി​യ​ശേ​ഷം ഉ​പ്പു​വി​ത​റി​യാ​ണ് കു​ഴി​ച്ചി​ട്ട​ത്. മൃ​ത​ദേ​ഹ​ത്തി​ന്‍റെ കൈ​കാ​ലു​ക​ള്‍ മു​റി​ച്ചു​മാ​റ്റി​യി​രു​ന്നു. പ​ത്മ​യു​ടെ മൃ​ത​ദേ​ഹം കു​ഴി​ച്ചി​ട്ട​തി​ന് മു​ക​ളി​ല്‍ തു​ള​സി​ത്തൈ ന​ട്ടി​രു​ന്നു. പ​ത്മ​യു​ടെ മൃ​ത​ദേ​ഹം പു​റ​ത്തെ​ടു​ക്കു​മ്പോ​ൾ ര​ണ്ടാ​ഴ്ച​ത്തെ പ​ഴ​ക്ക​മേ ഉ​ണ്ടാ​യി​രു​ന്നു​ള്ളൂ. പി​ന്നീ​ട് പ​ത്മ​യു​ടെ മൃ​ത​ദേ​ഹ​മാ​ണ​ന്ന സ്ഥി​രീ​ക​ര​ണ​ത്തി​നാ​യി ഡി.​എ​ൻ.​എ പ​രി​ശോ​ധ​ന​ക്ക് അ​യ​ച്ചു ഉ​റ​പ്പു​വ​രു​ത്തി.

പ്ര​തി​ക​ള്‍ നേ​ര​ത്തേ ന​ര​ബ​ലി ന​ട​ത്തി​യ​ശേ​ഷം കു​ഴി​ച്ചി​ട്ട റോ​സ്​​ലി​ന്‍റെ മൃ​ത​ദേ​ഹാ​വ​ശി​ഷ്ട​ങ്ങ​ൾ വീ​ടി​ന്‍റെ അ​ല​ക്കു​ക​ല്ല് സ്ഥി​തി ചെ​യ്യു​ന്ന​തി​ന് സ​മീ​പ​ത്തു​നി​ന്ന്​ കു​ഴി​ച്ചി​ട്ട നി​ല​യി​ൽ ക​ണ്ടെ​ത്തി. ഇ​തി​ന്‍റെ അ​വ​ശി​ഷ്ട​ങ്ങ​ളും ഡി.​എ​ൻ.​എ പ​രി​ശോ​ധ​ന​ക്ക​യ​ച്ച് ഉ​റ​പ്പു​വ​രു​ത്തി.

കൊ​ല്ല​പ്പെ​ട്ട സ്ത്രീ​ക​ളെ പ്ര​ലോ​ഭി​പ്പി​ച്ച് ഭ​ഗ​വ​ൽ സി​ങ്ങി​ന്‍റെ വീ​ട്ടി​ല്‍ എ​ത്തി​ച്ച​ശേ​ഷം കൈ​കാ​ലു​ക​ള്‍ കെ​ട്ടി​യി​ട്ടു മാ​റി​ടം അ​റു​ത്തു​മാ​റ്റി ര​ക്തം വാ​ര്‍ന്ന​ശേ​ഷം ക​ഴു​ത്തി​ല്‍ ക​ത്തി കു​ത്തി​യി​റ​ക്കി ക്രൂ​ര​മാ​യി കൊ​ല​പ്പെ​ടു​ത്തു​ക​യാ​യി​രു​ന്നു എ​ന്നാ​ണ് പ്ര​തി​ക​ള്‍ പൊ​ലീ​സി​നോ​ട് സ​മ്മ​തി​ച്ച​ത്. ര​ക്​​തം വീ​ടി​ന്‍റെ വി​വി​ധ ഭാ​ഗ​ങ്ങ​ളി​ൽ ത​ളി​ച്ച​ശേ​ഷം ശ​രീ​രം ക​ഷ​ണ​ങ്ങ​ളാ​ക്കി നു​റു​ക്കി കു​ഴി​ച്ചി​ട്ടു. മാം​സ ഭാ​ഗ​ങ്ങ​ൾ ഇ​വ​രു​ടെ ഫ്രി​ഡ്ജി​ൽ​നി​ന്ന്​ ക​ണ്ടെ​ത്തി. മൂ​വ​രും ചേ​ർ​ന്ന്​ ക​റി​വെ​ച്ച്​ ഭ​ക്ഷി​ക്കു​ക​യും ചെ​യ്തു. ര​ണ്ടു സ്ത്രീ​ക​ളെ​യും ക്രൂ​ര​മാ​യി ബ​ലാ​ത്സം​ഗം ചെ​യ്തു. മൃ​ത​ദേ​ഹ​ത്തോ​ടും വ​ലി​യ ക്രൂ​ര​ത കാ​ട്ടി​യ​ത് മ​നു​ഷ്യ​മ​നഃ​സാ​ക്ഷി​യെ ഞെ​ട്ടി​ച്ചു.

സ​മൂ​ഹ​മാ​ധ്യ​മ​വും ക​ളി​ച്ചു

ശ്രീ​ദേ​വി എ​ന്ന പേ​രി​ൽ വ്യാ​ജ എ​ഫ്.​ബി അ​ക്കൗ​ണ്ട്​ സൃ​ഷ്ടി​ച്ചാ​ണ്​ മ​ന്ത്ര​വാ​ദി​യാ​യ ഷാ​ഫി, ഭ​ഗ​വ​ൽ സി​ങ്ങി​നെ കു​ടു​ക്കി​യ​ത്. പി​ന്നീ​ട് ഒ​രു സി​ദ്ധ​നു​ണ്ടെ​ന്നും സാ​മ്പ​ത്തി​ക പ്ര​ശ്ന​ങ്ങ​ൾ മാ​റ്റി ത​രു​മെ​ന്നും പ​റ​ഞ്ഞ് വി​ശ്വ​സി​പ്പി​ച്ചു. സി​ദ്ധ​നാ​യി ഷാ​ഫി ത​ന്നെ അ​വ​ത​രി​ച്ചു. സാ​മ്പ​ത്തി​ക ബു​ദ്ധി​മു​ട്ട്​ നേ​രി​ട്ടി​രു​ന്ന ഭ​ഗ​വ​ൽ സി​ങ്ങും ഭാ​ര്യ ലൈ​ല​യും ഇ​​തൊ​രു പി​ടി​വ​ള്ളി​യാ​യി ക​ണ്ടു. ത​ങ്ങ​ളു​ടെ ബു​ദ്ധി​മു​ട്ടു​ക​ൾ മാ​റു​മെ​ന്ന​വ​ർ വി​ശ്വ​സി​ച്ചു. ന​ര​ബ​ലി ന​ട​ത്തി​യാ​ൽ മ​തി​യെ​ന്നും അ​തി​നാ​യി സ്ത്രീ​യെ കു​രു​തി കൊ​ടു​ക്കാ​നും നി​ർ​ദേ​ശി​ച്ചു.

ഫേ​സ്​​​ബു​ക്കി​ൽ ഹൈ​ക്കു ക​വി​ത​ക​ളു​മാ​യി ഭ​ഗ​വ​ൽ സി​ങ്ങും സ​ജീ​വ​മാ​യി​രു​ന്നു.ഇ​ല​ന്തൂ​രി​ലെ ആ​ഞ്ഞി​ലി​മൂ​ട്ടി​ൽ കു​ടും​ബ​ത്തി​ലെ വൈ​ദ്യ​പാ​ര​മ്പ​ര്യ ക​ണ്ണി​യാ​യി​രു​ന്നു ഭ​ഗ​വ​ൽ സി​ങ്. കോ​ഴ​ഞ്ചേ​രി സെ​ന്‍റ്​ തോ​മ​സ് കോ​ള​ജി​ൽ​നി​ന്ന് ബി​രു​ദ​മെ​ടു​ത്ത സി​ങ്​ നാ​ട്ടി​ൽ ഏ​വ​ർ​ക്കും പ്രി​യ​പ്പെ​ട്ട​വ​നാ​യി​രു​ന്നു. സി.​പി.​എം ബ്രാ​ഞ്ച് സെ​ക്ര​ട്ട​റി, കാ​രം​വേ​ലി എ​സ്.​എ​ൻ.​ഡി.​പി ശാ​ഖ യോ​ഗം ഭാ​ര​വാ​ഹി എ​ന്നീ നി​ല​ക​ളി​ലും ശ്ര​ദ്ധേ​യ​നാ​യി​രു​ന്ന ഇ​യാ​ൾ എ​ങ്ങ​നെ ഈ ​കു​രു​ക്കി​ൽ​പെ​ട്ടു എ​ന്ന​താ​ണ് ഇ​നി​യും ഉ​ത്ത​രം കി​ട്ടാ​ത്ത ചോ​ദ്യം.