കുസാറ്റ് ദുരന്തത്തിന് ഒരുവർഷം; കണ്ണീരുണങ്ങാതെ കാമ്പസ്

കൊ​ച്ചി: കൊ​ച്ചി ശാ​സ്ത്ര സാ​​ങ്കേ​തി​ക സ​ർ​വ​ക​ലാ​ശാ​ല (കു​സാ​റ്റ്) കാ​മ്പ​സി​ൽ കൂ​ട്ട​ക്ക​ര​ച്ചി​ലു​ക​ളു​യ​ർ​ന്ന ദു​ര​ന്ത​രാ​വി​ന് ഇ​ന്ന് ഒ​രു​വ​ർ​ഷം. നാ​ല് ജീ​വ​നു​ക​ൾ ക​വ​ർ​ന്ന അ​പ​ക​ട​ത്തി​ന്‍റെ ന​ടു​ക്കം ഇ​ന്നും ഓ​പ​ൺ എ​യ​ർ ഓ​ഡി​റ്റോ​റി​യ​ത്തി​ന്‍റെ പ​രി​സ​ര​ത്ത് അ​ട​ങ്ങാ​ത്ത വി​ങ്ങ​ലാ​യി ബാ​ക്കി​യാ​കു​ക​യാ​ണ്. പ്രി​യ​രു​ടെ വി​യോ​ഗ​ങ്ങ​ൾ തീ​ർ​ത്ത ശൂ​ന്യ​ത​യി​ൽ സ​ഹ​പാ​ഠി​ക​ളു​ടെ നൊ​മ്പ​രം പ്ര​ദേ​ശ​ത്തെ ഇ​ന്നും ക​ണ്ണീ​രി​ലാ​ഴ്ത്തു​ന്നു.

ഉ​ത്സ​വ പ്ര​തീ​തി​യി​ൽ ആ​ഘോ​ഷം അ​ല​ത​ല്ലി​യ രാ​ത്രി​യി​ലാ​ണ് കാ​മ്പ​സി​ൽ ദു​ര​ന്ത​മു​ണ്ടാ​യ​ത്. സ്‌​കൂ​ള്‍ ഓ​ഫ് എ​ൻ​ജി​നീ​യ​റി​ങ്ങി​ലെ ടെ​ക്‌​നി​ക്ക​ല്‍ ഫെ​സ്റ്റാ​യ ധി​ഷ​ണ​യു​ടെ ഭാ​ഗ​മാ​യി ബോ​ളി​വു​ഡ് ഗാ​യി​ക നി​ഖി​ത ഗാ​ന്ധി​യു​ടെ ഗാ​ന​സ​ന്ധ്യ തു​ട​ങ്ങാ​നി​രി​ക്കെ, വൈ​കീ​ട്ട് ഏ​ഴോ​ടെ തി​ക്കി​ലും തി​ര​ക്കി​ലും​പെ​ട്ടാ​ണ് ര​ണ്ട് പെ​ൺ​കു​ട്ടി​ക​ള​ട​ക്കം നാ​ലു​പേ​ർ മ​ര​ണ​പ്പെ​ട്ട​ത്. കൂ​ത്താ​ട്ടു​കു​ളം കി​ഴ​കൊ​മ്പ് കൊ​ച്ചു​പാ​റ​യി​ൽ അ​തു​ൽ ത​മ്പി (22), പ​റ​വൂ​ർ കു​റു​മ്പ​ത്തു​രു​ത്ത് കോ​ണ​ത്ത് വീ​ട്ടി​ൽ ആ​ൻ റി​ഫ്ത റോ​യി (21), കോ​ഴി​ക്കോ​ട് താ​മ​ര​ശ്ശേ​രി കോ​ര​ങ്ങാ​ട് തൂ​വ്വ​ക്കു​ന്നി​ൽ വ​യ​ല​പ്പി​ള്ളി​ൽ സാ​റ തോ​മ​സ്(22) എ​ന്നീ വി​ദ്യാ​ർ​ഥി​ക​ളും മു​ണ്ടൂ​ർ എ​ഴ​ക്കാ​ട് തൈ​പ്പ​റ​മ്പി​ൽ ആ​ൽ​ബി​നു​മാ​ണ്​ (22) മ​രി​ച്ച​ത്. ഏ​താ​നും വി​ദ്യാ​ർ​ഥി​ക​ൾ​ക്ക് ഗു​രു​ത​ര പ​രി​ക്കേ​ൽ​ക്കു​ക​യും ചെ​യ്തു.

ദു​ര​ന്ത​വു​മാ​യി ബ​ന്ധ​പ്പെ​ട്ട പൊ​ലീ​സ് അ​ന്വേ​ഷ​ണം ഇ​പ്പോ​ഴും അ​വ​സാ​നി​ച്ചി​ട്ടി​ല്ല. 600ഓ​ളം പേ​രെ ഉ​ൾ​ക്കൊ​ള്ളാ​വു​ന്ന ഓ​ഡി​റ്റോ​റി​യ​ത്തി​ന് മു​ന്നി​ൽ 1500ഓ​ളം പേ​രാ​ണ്​ ത​ടി​ച്ചു​കൂ​ടി​യി​രു​ന്ന​ത്. അ​ക​ത്തേ​ക്ക് ക​യ​റാ​ൻ മൂ​ന്ന് വ​ഴി​ക​ൾ ഉ​ണ്ടാ​യി​രു​ന്നെ​ങ്കി​ലും ഒ​രു​ഗേ​റ്റി​ലൂ​ടെ മാ​ത്ര​മാ​യി​രു​ന്നു പ്ര​വേ​ശ​നം അ​നു​വ​ദി​ച്ച​ത്. വ​രി​വ​രി​യാ​യി അ​ക​ത്തേ​ക്ക് ക​യ​റാ​ൻ സം​വി​ധാ​ന​മി​ല്ലാ​തി​രു​ന്ന​തും താ​ഴേ​ക്ക് കു​ത്ത​നെ​യു​ള്ള പ​ട​വു​ക​ളു​മൊ​ക്കെ അ​പ​ക​ട​ത്തി​ന്‍റെ ആ​ക്കം വ​ർ​ധി​പ്പി​ച്ചെ​ന്നാ​ണ് വി​ല​യി​രു​ത്ത​ലു​ണ്ടാ​യ​ത്.

സം​ഭ​വ​ത്തി​ൽ ക​ഴി​ഞ്ഞ ഡി​സം​ബ​റി​ൽ ര​ജി​സ്ട്രാ​ർ ഓ​ഫി​സി​നെ സം​ശ​യ​നി​ഴ​ലി​ലാ​ക്കു​ന്ന റി​പ്പോ​ർ​ട്ട് സി​ൻ​ഡി​ക്കേ​റ്റ് ഉ​പ​സ​മി​തി സ​മ​ർ​പ്പി​ച്ചി​രു​ന്നു. തു​ട​ർ​ന്ന് ര​ജി​സ്ട്രാ​ർ ഓ​ഫി​സി​ലെ ഡെ​പ്യൂ​ട്ടി ര​ജി​സ്ട്രാ​റെ സ്ഥാ​ന​ത്തു​നി​ന്ന് മാ​റ്റി. പി​ന്നീ​ട് സ്കൂ​ൾ ഓ​ഫ് എ​ൻ​ജി​നീ​യ​റി​ങ്ങി​ലെ പ്രി​ൻ​സി​പ്പ​ലി​നെ മാ​റ്റി​നി​ർ​ത്തി. നി​ഖി​ത ഗാ​ന്ധി​യു​ടെ പ​രി​പാ​ടി ന​ട​ക്കാ​ൻ പോ​കു​ന്ന വി​വ​രം പൊ​ലീ​സി​നെ ര​ജി​സ്ട്രാ​ർ ഓ​ഫി​സ് അ​റി​യി​ച്ചി​രു​ന്നി​ല്ലെ​ന്ന റി​പ്പോ​ർ​ട്ടു​ക​ളും വി​വാ​ദ​ത്തി​നി​ട​യാ​ക്കി.

സം​ഭ​വ​ത്തി​ൽ ജു​ഡീ​ഷ്യ​ൽ അ​ന്വേ​ഷ​ണം ആ​വ​ശ്യ​പ്പെ​ട്ട് കെ.​എ​സ്.​യു സം​സ്ഥാ​ന പ്ര​സി​ഡ​ൻ​റ് അ​ലോ​ഷ്യ​സ് സേ​വ്യ​ർ ഹൈ​കോ​ട​തി​യെ സ​മീ​പി​ച്ചി​ട്ടു​ണ്ട്. ജു​ഡീ​ഷ്യ​ൽ ക​മീ​ഷ​ൻ വ​ര​ണ​മെ​ന്ന ആ​വ​ശ്യ​വു​മാ​യി അ​ന്ന​ത്തെ പ്രി​ൻ​സി​പ്പ​ൽ ഡോ. ​ദീ​പ​ക് സാ​ഹു​വും രം​ഗ​ത്തെ​ത്തി​യി​രു​ന്നു. മ​രി​ച്ച​വ​രു​ടെ കു​ടും​ബ​ങ്ങ​ൾ​ക്ക് സ​ർ​ക്കാ​ർ അ​നു​വ​ദി​ച്ച അ​ഞ്ചു​ല​ക്ഷം കൂ​ടാ​തെ മ​റ്റൊ​രു ധ​ന​സ​ഹാ​യ​വും ന​ൽ​കി​യി​ല്ലെ​ന്ന ആ​ക്ഷേ​പ​വു​മു​ണ്ട്. പ​രി​പാ​ടി ന​ട​ക്കാ​തി​രു​ന്ന​തി​നെ​ത്തു​ട​ർ​ന്ന് ബാ​ക്കി​യാ​യ സം​ഘാ​ട​ന ഫ​ണ്ട് കു​ടും​ബ​ങ്ങ​ൾ​ക്ക് ന​ൽ​ക​ണ​മെ​ന്ന അ​ഭി​പ്രാ​യ​മു​യ​ർ​ന്നെ​ങ്കി​ലും തീ​രു​മാ​ന​മു​ണ്ടാ​യി​ല്ലെ​ന്ന വി​മ​ർ​ശ​ന​വും ഉ​യ​ർ​ന്നി​രു​ന്നു.