വിജ്ഞാപനം വന്നിട്ട്​ ​ഒരു വർഷം; ബൈസൺവാലി ഇപ്പോഴും ‘പുറത്ത്​’

അ​ടി​മാ​ലി: ബൈ​സ​ൺ​വാ​ലി പ​ഞ്ചാ​യ​ത്തി​നെ ദേ​വി​കു​ളം താ​ലൂ​ക്കി​ൽ ഉ​ൾ​പ്പെ​ടു​ത്തി സ​ർ​ക്കാ​ർ വി​ജ്ഞാ​പ​നം വ​ന്ന്​ ഒ​രു വ​ർ​ഷ​മാ​കു​മ്പോ​ഴും മോ​ട്ടോ​ർ വാ​ഹ​ന വ​കു​പ്പ് ബൈ​സ​ൺ​വാ​ലി പ​ഞ്ചാ​യ​ത്തി​നെ ഇതുവരെയും ദേ​വി​കു​ള​ത്ത്​ ഉ​ൾ​പ്പെ​ടു​ത്തി​യി​ട്ടി​ല്ല.

2023 ഒ​ക്ടോ​ബ​ർ 21നാ​ണ് ബൈ​സ​ൺ​വാ​ലി പ​ഞ്ചാ​യ​ത്തി​നെ ഉ​ടു​മ്പ​ൻ​ചോ​ല താ​ലൂ​ക്കി​ൽ​നി​ന്ന്​ വേ​ർ​പെ​ടു​ത്തി ദേ​വി​കു​ളം താ​ലൂ​ക്കി​ൽ ഉ​ൾ​പ്പെ​ടു​ത്തി വി​ജ്ഞാ​പ​നം പു​റ​പ്പെ​ടു​വി​ച്ച​ത്. 16-11-2023ൽ ​ഇ​ത് സം​ബ​ന്ധി​ച്ച് ക​ല​ക്ട​ർ താ​ലൂ​ക്ക് വി​ഭ​ജ​ന ന​ട​പ​ടി സ്വീ​ക​രി​ക്കാ​ൻ വ​കു​പ്പു​ക​ൾ​ക്ക് നി​ർ​ദേ​ശം ന​ൽ​കി​യും ഉ​ത്ത​ര​വി​റ​ക്കി.

റ​വ​ന്യൂ വ​കു​പ്പും മ​റ്റു വ​കു​പ്പു​ക​ളും ബൈ​സ​ൺ​വാ​ലി പ​ഞ്ചാ​യ​ത്തി​നെ ദേ​വി​കു​ളം താ​ലൂ​ക്കി​ലേ​ക്ക് മാ​റ്റി ന​ട​പ​ടി സ്വീ​ക​രി​ച്ചു. ബൈ​സ​ൺ​വാ​ലി പ​ഞ്ചാ​യ​ത്തി​ലു​ള്ള​വ​ർ വി​വി​ധ ആ​വ​ശ്യ​ങ്ങ​ൾ​ക്കായി ഇപപ്പോൾ ​ശ്ര​യി​ക്കു​ന്ന​ത് ദേ​വി​കു​ളം താ​ലൂ​ക്കി​നെ​യാ​ണ്.

മോ​ട്ടോ​ർ വാ​ഹ​ന വ​കു​പ്പി​ന് മാ​ത്രം ബൈ​സ​ൺ​വാ​ലി പ​ഞ്ചാ​യ​ത്ത് ഉ​ടു​മ്പ​ൻ​ചോ​ല താ​ലൂ​ക്കി​ൽ ത​ന്നെ​യാ​ണ് ഇ​പ്പോ​ഴും. നി​ല​വി​ൽ ഡ്രൈ​വി​ങ് ടെ​സ്റ്റ്, ലൈ​സ​ൻ​സ്, തുടങ്ങി മ​റ്റ്​ ആ​വ​ശ്യ​ങ്ങ​ൾ​ക്കെ​ല്ലാം ബൈ​സ​ൺ​വാ​ലി പ​ഞ്ചാ​യ​ത്തു​വാ​സി​ക​ൾ ഇ​പ്പോ​ഴും ആ​ശ്ര​യി​ക്കു​ന്ന​ത് 42 കി​ലോ​മീ​റ്റ​ർ ദൂ​​രെ നെ​ടു​ങ്ക​ണ്ട​ത്ത് സ്ഥി​തി ചെ​യ്യു​ന്ന ഉ​ടു​മ്പ​ൻ​ചോ​ല സ​ബ് റീ​ജ​ന​ൽ ട്രാ​ൻ​സ്പോ​ർ​ട്ട് ഓ​ഫി​സി​നെ​യാ​ണ്.

എ​ന്നാ​ൽ, ഇ​വി​ടെ നി​ന്ന് 20 കി​ലോ​മീ​റ്റ​ർ മാ​ത്രം ദൂ​ര​ത്ത് അ​ടി​മാ​ലി​യി​ൽ പ്ര​വ​ർ​ത്തി​ക്കു​ന്ന ദേ​വി​കു​ളം സ​ബ് റീ​ജ​ന​ൽ ട്രാ​ൻ​സ്പോ​ർ​ട്ട് ഓ​ഫി​സി​ലേ​ക്ക് രേ​ഖ​ക​ൾ മാ​റ്റു​ന്ന​തി​ന് ന​ട​പ​ടി​യാ​യി​ല്ല.

ബൈ​സ​ൺ​വാ​ലി പ​ഞ്ചാ​യ​ത്തി​ലെ ആ​ളു​ക​ൾ വി​വി​ധ ആ​വ​ശ്യ​ങ്ങ​ൾ​ക്ക് അ​ടി​മാ​ലി​യി​ൽ പ്ര​വ​ർ​ത്തി​ക്കു​ന്ന ദേ​വി​കു​ളം സ​ബ് ആ​ർ.​ടി ഓ​ഫി​സി​ൽ എ​ത്തി​യ​പ്പോ​ൾ നി​ല​വി​ൽ ബൈ​സ​ൺ​വാ​ലി പ​ഞ്ചാ​യ​ത്ത് മോ​ട്ടോ​ർ വാ​ഹ​ന വ​കു​പ്പി​ന്റെ ക​ണ​ക്കി​ൽ ദേ​വി​കു​ളം താ​ലൂ​ക്കി​ന്‍റെ പ​രി​ധി​യി​ല​ല്ലെ​ന്നു പ​റ​ഞ്ഞ് തി​രി​ച്ച​യ​ക്കു​ക​യു​ണ്ടാ​യി.

ഇ​ടു​ക്കി റീ​ജ​ന​ൽ ട്രാ​ൻ​സ്പോ​ർ​ട്ട് ഓ​ഫി​സ​ർ ഇ​ത് സം​ബ​ന്ധി​ച്ച റി​പ്പോ​ർ​ട്ട് ന​ൽ​കാ​ത്ത​താ​ണ് കാ​ര​ണ​മെ​ന്ന് മോ​ട്ടോ​ർ വാ​ഹ​ന വ​കു​പ്പി​ലെ ഉ​ദ്യോ​ഗ​സ്ഥ​ർ പ​റ​യു​ന്നു​ണ്ടെ​ങ്കി​ലും ദേ​വി​കു​ളം എ​സ്.​ആ​ർ.​ടി ഓ​ഫി​സി​ലെ ഉ​ദ്യോ​ഗ​സ്ഥ​ർ ത​ന്നെ ര​ണ്ട് ത​ട്ടി​ലാ​യാ​ണ് പ്ര​വ​ർ​ത്തി​ക്കു​ന്ന​ത്.

ബൈ​സ​ൺ​വാ​ലി പ​ഞ്ചാ​യ​ത്തി​ൽ പ്ര​വ​ർ​ത്തി​ക്കു​ന്ന ര​ണ്ട് ഡ്രൈ​വി​ങ് സ്കൂ​ളു​ക​ളു​ണ്ട്. ഒ​രെ​ണ്ണം ടീ​ക​മ്പി​നി​യി​ലും മ​റ്റൊ​ന്ന് ബൈ​സ​ൺ​വാ​ലി ടൗ​ണി​ലു​മാ​ണ് പ്ര​വ​ർ​ത്തി​ക്കു​ന്ന​ത്.

ഇ​തി​ൽ ടീ​ക​മ്പ​നി ഡ്രൈ​വി​ങ് സ്കൂ​ളി​ലെ പ​ഠി​ക്കു​ന്ന വി​ദ്യാ​ർ​ഥി​ക​ൾ​ക്ക് ഡ്രൈ​വി​ങ്​ ടെ​സ്റ്റ് അ​ടി​മാ​ലി​യി​ൽ ന​ട​ത്തി​ക്കൊ​ടു​ക്കു​ക​യും എ​ന്നാ​ൽ, ബൈ​സ​ൺ​വാ​ലി​യി​ൽ പ്ര​വ​ർ​ത്തി​ക്കു​ന്ന ഡ്രൈ​വി​ങ്​ സ്കൂ​ളി​ലെ വി​ദ്യാ​ർ​ഥി​ക​ളെ നെ​ടു​ങ്ക​ണ്ട​ത്തേ​ക്ക് പ​റ​ഞ്ഞു​വി​ടു​ക​യു​മാ​ണ് ചെ​യ്യു​ന്ന​ത്.

ബൈ​സ​ൺ​വാ​ലി പ​ഞ്ചാ​യ​ത്തി​നെ ദേ​വി​കു​ളം താ​ലൂ​ക്ക് മോ​ട്ടോ​ർ വാ​ഹ​ന വ​കു​പ്പ് ഓ​ഫി​സി​ന്റെ കീ​ഴി​ലേ​ക്ക് കൊ​ണ്ടു​വ​രു​ന്ന​തി​നു​ള്ള ന​ട​പ​ടി അ​ടി​യ​ന്ത​ര​മാ​യി സ്വീ​ക​രി​ക്ക​ണ​മെ​ന്നാ​ണ് പ​ഞ്ചാ​യ​ത്ത് നി​വാ​സി​ക​ൾ ആ​വ​ശ്യ​പ്പെ​ടു​ന്ന​ത്.