മദ്യവിൽപനക്ക്​ ഒാൺലൈൻ ക്യൂ സംവിധാനം ഏർപ്പെടുത്തുന്ന കാര്യം പരിഗണനയിൽ 

തിരുവനന്തപുരം: മദ്യശാലകൾ തുറക്കു​േമ്പാൾ വിൽപനക്കായി ഒാൺലൈൻ ക്യൂ സംവിധാനം ഏർപ്പെട​ുത്താൻ ബിവ്​റേജസ്​ കോർപറേഷൻ. തിരക്ക്​ നിയന്ത്രിക്കുന്നതിനായാണ്​ ഇത്തരം സംവിധാനം ഏർപ്പെടുത്താനുള്ള തീരുമാനം. 

പൊലീസി​​െൻറയും സ്​റ്റാർട്ട്​ അപ്​ കമ്പനികളുടെയും സഹായത്തോടെയായിരിക്കും ഒാൺലൈൻ ക്യൂ നടപ്പിലാക്കുക. അതിനായി ഇവരോട്​ സഹായം തേടിയതായും ബിവ്​റേജസ്​ കോർപറേഷൻ അധികൃതർ അറിയിച്ചു. 
തിരക്ക്​ നിയന്ത്രിക്കാൻ പല വഴികളും ആലോചിക്കുന്നുണ്ടെന്നും അതിനാലൊന്നാണ്​ ഒാൺലൈൻ സംവിധാനമെന്നും ബെവ്​കോ എം.ഡി സ്​പർജൻ കുമാർ പറഞ്ഞു. സർക്കാരി​​െൻറ നിർദേശം അനുസരിച്ചായിരിക്കും അന്തിമതീരുമാനം. 

വെർച്വൽ ക്യൂ സംവിധാനം ഏർപ്പെടുത്തുന്നതുവഴി ടോക്കണുകൾ മൊബൈൽ ആപ്ലിക്കേഷനിലൂടെ വിതരണം ചെയ്യാനാണ്​ ആലോചന. കൂടാതെ സ്​മാർട്ട്​ ഫോൺ ഇല്ലാത്തവർക്കായി എസ്​.എം.എസ്​ സംവിധാനവും ഏർ​െപ്പടുത്തും. സമയങ്ങൾ മുൻകൂട്ടി ഇതുവഴി നിശ്ചയിച്ച്​ നൽകും. 

ടോക്കണിലെ ക്യൂആർ കോഡ്​ ബിവ്​റേജസ്​ ഷോപ്പുകളിൽ സ്​കാൻ ചെയ്​ത ശേഷം മദ്യം നൽകും. നിശ്ചിത അളവ്​ മദ്യം മാത്രമേ ലഭിക്കൂ. കൂടാ​​​തെ മൊബൈൽ നമ്പർ രജിസ്​ട്രേഷൻ വഴി അടുത്ത ഷോപ്പുകളും തിരക്ക്​ കുറഞ്ഞ ഷോപ്പുകളും തെരഞ്ഞെടുക്കുകയും ചെയ്യാം.