സുരക്ഷ മണ്ഡലകാലത്ത് മാത്രം; അപകടത്തുരുത്തായി ശബരിമല റോഡുകൾ

വ​ട​ശ്ശേ​രി​ക്ക​ര: മ​ണ്ഡ​ല​കാ​ലം ക​ഴി​ഞ്ഞാ​ൽ ശ​ബ​രി​മ​ല റോ​ഡു​ക​ളി​ലെ സു​ര​ക്ഷ അ​പ്പാ​ടെ പി​ൻ​വ​ലി​ക്കു​ന്ന​ത് അ​പ​ക​ട​ങ്ങ​ൾ വ​ർ​ധി​ക്കാ​നി​ട​യാ​ക്കു​ന്നു. മാ​സ​പൂ​ജ​ക​ൾ​ക്കും മ​റ്റു​മാ​യി എ​ത്തു​ന്ന തീ​ർ​ഥാ​ട​ക​ൾ​ക്ക് പി​ന്നീ​ട് ദു​രി​ത​കാ​ല​മാ​ണ്. മ​ണ്ഡ​ല- മ​ക​ര​വി​ള​ക്ക് കാ​ല​ത്ത് വ​ഴി​യി​ലു​ട​നീ​ളം പൊ​ലീ​സ് പ​ട്രോ​ളി​ങ്ങും ട്രാ​ഫി​ക് നി​യ​ന്ത്ര​ണ​ങ്ങ​ളും സി​ഗ്ന​ൽ സം​വി​ധാ​ന​ങ്ങ​ളു​മെ​ല്ലാം ഒ​രു​ക്കി റോ​ഡ് സു​ര​ക്ഷ പ​രി​പാ​ലി​ക്കു​ന്നു​ണ്ടെ​ങ്കി​ലും പി​ന്നീ​ട് ഇ​വ​യെ​ല്ലാം അ​പ്പാ​ടെ പി​ൻ​വ​ലി​ക്കു​ന്ന സ്ഥി​തി​യാ​ണ്.

മാ​സ​പൂ​ജ​ക്കും വി​ഷു​പൂ​ജ​ക്കും ഉ​ത്സ​വ​ത്തി​നു​മൊ​ക്കെ അ​പ്ര​തീ​ക്ഷി​ത വാ​ഹ​ന​ത്തി​ര​ക്ക് ഉ​ണ്ടാ​കാ​റു​ണ്ട്. എ​ന്നാ​ൽ, റോ​ഡ് സു​ര​ക്ഷ ക്ര​മീ​ക​ര​ണ​ങ്ങ​ൾ ഒ​രു​ക്കു​ന്ന​തി​ലോ സു​ര​ക്ഷ ഉ​ദ്യോ​ഗ​സ്ഥ​രെ നി​യ​മി​ക്കു​ന്ന​തി​ലോ ബ​ന്ധ​പ്പെ​ട്ട​വ​ർ ന​ട​പ​ടി​യെ​ടു​ക്കു​ന്നി​ല്ല. വ​ന​മേ​ഖ​ല​യി​ലെ കാ​ലാ​വ​സ്ഥ മാ​റ്റ​ങ്ങ​ളും അ​പ​ക​ട​ങ്ങ​ൾ​ക്കി​ട​യാ​ക്കു​ന്നു​ണ്ട്.

മ​ണ്ഡ​ല​കാ​ലം ക​ഴി​ഞ്ഞാ​ൽ ക​ച്ച​വ​ട സ്ഥാ​പ​ന​ങ്ങ​ളും കു​റ​യും. തീ​ർ​ഥാ​ട​ന വാ​ഹ​ന​ത്തി​ലെ ഡ്രൈ​വ​ർ​മാ​രും ശ​ബ​രി​മ​ല​യി​ലേ​ക്ക് സാ​ധ​ന​ങ്ങ​ളു​മാ​യി എ​ത്തു​ന്ന ച​ര​ക്ക് ലോ​റി​യി​ലെ ഡ്രൈ​വ​ർ​മാ​രും മ​റ്റും ഉ​റ​ങ്ങി​പ്പോ​കു​ന്ന​തും അ​പ​ക​ട​കാ​ര​ണ​മാ​കാ​റു​ണ്ട്. വ​ന്യ​മൃ​ഗ​ങ്ങ​ൾ വാ​ഹ​ത്തി​ന് മു​ന്നി​ലേ​ക്ക് ചാ​ടി​യു​ണ്ടാ​കു​ന്ന അ​പ​ക​ട​ങ്ങ​ളും കു​റ​വ​ല്ല.

കൊ​ക്ക​യി​ലേ​ക്ക് മ​റി​ഞ്ഞ ച​ര​ക്കു​ലോ​റി അ​പ​ക​ടം ദി​വ​സ​ങ്ങ​ൾ​ക്ക് ശേ​ഷം തി​രി​ച്ച​റി​ഞ്ഞ സം​ഭ​വ​വും ഉ​ണ്ടാ​യി​ട്ടു​ണ്ട്. ഗ​താ​ഗ​ത സി​ഗ്ന​ൽ സം​വി​ധാ​ന​ങ്ങ​ൾ സ്ഥി​ര​മാ​യി നി​ല​നി​ർ​ത്ത​ണ​മെ​ന്നും എ​ല്ലാ മാ​സ​പൂ​ജ കാ​ല​ത്തും മ​ണ്ഡ​ല​കാ​ല​ത്തി​ന് സ​മാ​ന​മാ​യ റോ​ഡ് സു​ര​ക്ഷ സം​വി​ധാ​ന​ങ്ങ​ൾ ഒ​രു​ക്ക​ണ​മെ​ന്നു​മു​ള്ള ആ​വ​ശ്യം ശ​ക്ത​മാ​ണ്.