പ്രതിപക്ഷ നേതാവിനെ താഴ്​ത്തിക്കാട്ടുന്നത്​ മനഃപൂർവം; ചാനൽ സർവേകൾ​െക്കതിരെ ഉമ്മൻ ചാണ്ടി

പത്തനംതിട്ട: ചാനൽ സർവേകളെ വിമർശിച്ച്​ ഉമ്മൻ ചാണ്ടി. ചാനൽ സർവേ ഫലങ്ങളുടെ പിന്നിൽ ബോധപൂർവമായ ശ്രമങ്ങളുണ്ട്​. സ്ഥാനാർഥി നിർണയവും മാനിഫെസ്​റ്റോയും വരും മു​േമ്പ സർവേ എന്തി​െൻറ അടിസ്ഥാനത്തിലാ​െണന്നും ഉമ്മൻ ചാണ്ടി ചോദിച്ചു. പത്തനംതിട്ടയിൽ വാർത്തസമ്മേളനത്തിൽ സംസാരിക്കുകയായിരുന്നു അദ്ദേഹം.

ചാനൽ സർവേകളിൽ തട്ടി യു.ഡി.എഫ് പ്രവർത്തകരുടെ മനോവീര്യം തകരില്ല. പ്രതിപക്ഷ നേതാവി​െൻറ ജനപിന്തുണ താഴ്​ത്തിക്കാട്ടുന്നത്​ മനഃപൂർവമാണ്​. എതിർപ്പുള്ളവരെ തരംതാഴ്​ത്തി കാട്ടാനാണ്​ ശ്രമം.

സർവേഫലം യു.ഡി.എഫിലെ അസ്വസ്ഥതകൾ നീക്കി ഒത്തൊരുമയുണ്ടാക്കിയിട്ടുണ്ട്​. അതിനാൽ സർവേ നടത്തിയവരോട്​ നന്ദിയുണ്ട്​. കുറവുകളുണ്ടെങ്കിൽ അത്​ പരിഹരിച്ച്​ മുന്നോട്ടുപോകും. യു.ഡി.എഫ്​ സർക്കാർ നടത്തിവന്ന സൗജന്യ അരി നിർത്തലാക്കിയിട്ടാണ് സർക്കാറിെൻറ സൗജന്യ കിറ്റ് വിതരണം.

സാമൂഹിക പെൻഷനിൽപോലും തെറ്റായ കാര്യങ്ങൾ പ്രചരിപ്പിക്കുന്നു. യു.ഡി.എഫ്​ സർക്കാറി​െൻറ കാലത്ത്​ വലിയ കുടിശ്ശിക വന്നു എന്നാണ്​ പ്രചാരണം. ഇടതുപക്ഷ ഭരണമുള്ള തദ്ദേശ സ്ഥാപനങ്ങളാണ്​ അന്ന്​ പെൻഷനുകൾ കുടിശ്ശികയിട്ടത്​. കഴിവുള്ള സ്ഥാനാർഥികളും മികച്ച പ്രകടനപത്രികയുമാണ്​ യു.ഡി.എഫിനുള്ളത്​. അതിനാൽ തികഞ്ഞ ആത്മവിശ്വാസത്തോടുകൂടിയാണ്​ തെര​െഞ്ഞടുപ്പിനെ നേരിടുന്നതെന്നും അദ്ദേഹം പറഞ്ഞു.