ചികിത്സ മുടങ്ങിയ രോഗികളെ വഞ്ചിച്ച പിണറായി സര്‍ക്കാറിന് കേരളം മാപ്പുനൽകില്ലെന്ന്​ ഉമ്മന്‍ ചാണ്ടി

തിരുവനന്തപുരം: ധനസഹായവും ചികിത്സയും മുടങ്ങിയ രോഗികളെ യു.ഡി.എഫ് കൈവിടി​െല്ലന്ന്​ മുൻമുഖ്യമന്ത്രി ഉമ്മന്‍ ചാണ്ടി. ഏറ്റവും കരുതല്‍ ആവശ്യമുള്ള ഈ വിഭാഗത്തെ വഞ്ചിച്ച പിണറായി സര്‍ക്കാറിന് കേരളം മാപ്പുനൽകില്ലെന്നും അദ്ദേഹം പ്രസ്​താവനയിൽ പറഞ്ഞു.

ആശ്വാസകിരണം, സമാശ്വാസം, സ്‌നേഹസ്പര്‍ശം, സ്‌നേഹപൂര്‍വം, വി കെയര്‍ തുടങ്ങിയ പദ്ധതികളിലൂടെ സാമൂഹിക സുരക്ഷാമിഷന്‍ മുഖേന നൽകുന്ന ധനസഹായം മുടങ്ങിയിരിക്കുകയാണ്​.

വൃക്ക രോഗികള്‍, ഡയാലിസിസ് നടത്തുന്നവര്‍, ഹീമോഫീലിയ രോഗികള്‍, അരിവാള്‍ രോഗികള്‍, പൂര്‍ണ ശയ്യാവലംബരായവര്‍, അവിവാഹിത അമ്മമാര്‍ തുടങ്ങിയവര്‍ക്ക് നൽകുന്ന സഹായമാണ്​ മുടങ്ങിയത്. വേദനജനകമായ അവസ്ഥയില്‍ക്കൂടി കടന്നുപോകുന്ന വലിയൊരു ജനവിഭാഗത്തെയാണ്​ ധനസഹായം നൽകാതെ സർക്കാർ വഞ്ചിച്ചത്​.

ധനസഹായം നിഷേധിക്കപ്പെട്ട 1,52,121 പേർ നരകയാതന അനുഭവിക്കുന്നു. യു.ഡി.എഫ് അധികാരത്തില്‍ വന്നാല്‍ പണമില്ലാത്തതി​െൻറ പേരില്‍ ആരുടെയും ചികിത്സ മുടങ്ങാന്‍ അനുവദിക്കി​െല്ലന്നും അദ്ദേഹം പറഞ്ഞു.