ശബരിമല മുറിവില് മുഖ്യമന്ത്രി മുളകുതേച്ചു –ഉമ്മന് ചാണ്ടി
text_fieldsതിരുവനന്തപുരം: ശബരിമല യുവതീപ്രവേശനവുമായി ബന്ധപ്പെട്ട വിഷയത്തില് സി.പി.െഎ സെക്രട്ടറി കാനം രാജേന്ദ്രന് വിശ്വാസികളെ വ്രണപ്പെടുത്തിയപ്പോള്, മുഖ്യമന്ത്രി ആ മുറിവില് മുളകുതേക്കുകയാണ് ചെയ്തതെന്ന് മുന് മുഖ്യമന്ത്രി ഉമ്മന് ചാണ്ടി. തങ്ങളുടെ ആചാരാനുഷ്ഠാനങ്ങളെ സംരക്ഷിക്കാന് ജീവന്മരണ പോരാട്ടം നടത്തുന്ന ഒരു സമൂഹത്തെ മുഖ്യമന്ത്രിയും കാനം രാജേന്ദ്രനും ഉള്പ്പെടെയുള്ള ഇടതുനേതാക്കള് വളഞ്ഞിട്ട് ആക്രമിക്കുകയാണ്. ദശാബ്ദങ്ങളായി നീറിപ്പുകയുന്ന ഈ വിഷയത്തെ വോട്ട് രാഷ്ട്രീയമായി കാണുന്നതുതന്നെ തരംതാണ നിലപാടാണ്.
ശബരിമല കേസില് എൻ.എസ്.എസ്, കോടതിയില് തോറ്റശേഷം ജനങ്ങളെ അണിനിരത്തി പ്രശ്നമുണ്ടാക്കിയെന്നാണ് കാനം രാജേന്ദ്രന് പറഞ്ഞത്. കേസില് വിശ്വാസികൾക്കെതിരായ വിധി ഉണ്ടാകാനുള്ള ഏക കാരണം ആചാരാനുഷ്ഠാനങ്ങള് സംരക്ഷിക്കാനുള്ള യു.ഡി.എഫ് സത്യവാങ്മൂലം പിന്വലിച്ച് പിണറായി സര്ക്കാര് വിശ്വാസികള്ക്കെതിരെ സുപ്രീംകോടതിയില് സമര്പ്പിച്ച സത്യവാങ്മൂലമാണ്. ശബരിമല വിഷയത്തില് സി.പി.എമ്മിെൻറ ഇരട്ടത്താപ്പും വഞ്ചനപരമായ നിലപാടുമാണ് വീണ്ടും പുറത്തുവന്നതെന്നും ഉമ്മൻ ചാണ്ടി പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.