ജിംനേഷ്യങ്ങളിൽ ‘ഓപറേഷൻ ശരീര സൗന്ദര്യ’ പരിശോധന; ജിം​ ഉ​ട​മ​യു​ടെ വീ​ട്ടി​ൽ​ നി​ന്ന്​ സ്റ്റി​റോ​യ്​​ഡ്​ മ​രു​ന്നു​ക​ൾ ക​ണ്ടെ​ത്തി

തൃ​ശൂ​ര്‍: തൃ​ശൂ​ര്‍ ജി​ല്ല​യി​ലെ വി​വി​ധ ജിം​നേ​ഷ്യം കേ​ന്ദ്ര​ങ്ങ​ളി​ല്‍ ഡ്ര​ഗ്‌​സ് ക​ണ്‍ട്രോ​ള്‍ വി​ഭാ​ഗം ഉ​ദ്യോ​ഗ​സ്ഥ​ര്‍ പ​രി​ശോ​ധ​ന ന​ട​ത്തി. ജിം​നേ​ഷ്യ​ങ്ങ​ളി​ൽ ശ​രീ​ര​ഭാ​രം കൂ​ട്ടാ​ൻ സ്റ്റി​റോ​യ്​​ഡ് മ​രു​ന്നു​ക​ള്‍ ഉ​പ​യോ​ഗി​ക്കു​ന്ന​താ​യി വി​വ​രം ല​ഭി​ച്ച​തി​നെ തു​ട​ർ​ന്നാ​യി​രു​ന്നു ‘ഓ​പ​റേ​ഷ​ന്‍ ശ​രീ​ര സൗ​ന്ദ​ര്യ’ എ​ന്ന​ പേ​രി​ലെ പ​രി​ശോ​ധ​ന.

ശ​രീ​ര സൗ​ന്ദ​ര്യ മ​ത്സ​ര​ങ്ങ​ളി​ല്‍ പ​ങ്കെ​ടു​ക്കു​ന്ന​വ​ർ​ക്ക്​ വി​ല്‍ക്കാ​ൻ അ​ന​ധി​കൃ​ത​മാ​യി സൂ​ക്ഷി​ച്ച അ​ന​ബോ​ളി​ക് സ്റ്റി​റോ​യി​ഡ് ഇ​ഞ്ച​ക്ഷ​നു​ക​ളും ഗു​ളി​ക​ക​ളും തൃ​ശൂ​രി​ലെ പീ​റ്റേ​ഴ്‌​സ് ജിം ​ഉ​ട​മ​യും ട്രെ​യി​ന​റു​മാ​യ പെ​രു​വാ​ൻ​കു​ള​ങ്ങ​ര കാ​വു​ങ്ങ​ല്‍ വീ​ട്ടി​ല്‍ വി​ജി​ല്‍ പീ​റ്റ​റി​ന്‍റെ വീ​ട്ടി​ൽ​നി​ന്ന്​ ക​ണ്ടെ​ത്തി.

ഡ്ര​ഗ്സ് ഇ​ന്‍സ്‌​പെ​ക്ട​ര്‍ (ഇ​ന്‍റ​ലി​ജ​ന്‍സ് ബ്രാ​ഞ്ച്) ഗ്ലാ​ഡി​സ് പി. ​കാ​ച്ച​പ്പി​ള്ളി നി​യ​മ​ന​ട​പ​ടി സ്വീ​ക​രി​ച്ചു. പ​രി​ശോ​ധ​ന​യി​ല്‍ ക​ണ്ടെ​ത്തി​യ മ​രു​ന്നു​ക​ള്‍ വി​പ​ണി​യി​ല്‍ 1.20 ല​ക്ഷം രൂ​പ​ക്ക് മു​ക​ളി​ല്‍ വി​ല മ​തി​ക്കു​ന്ന​താ​ണ്. പി​ടി​ച്ചെ​ടു​ത്ത എ​ല്ലാ മ​രു​ന്നു​ക​ളും രേ​ഖ​ക​ളും ഒ​ന്നാം ക്ലാ​സ് മ​ജി​സ്‌​ട്രേ​റ്റ് കോ​ട​തി-3​ല്‍ ഹാ​ജ​രാ​ക്കി.

സീ​നി​യ​ര്‍ ഡ്ര​ഗ്സ് ഇ​ന്‍സ്‌​പെ​ക്ട​ര്‍ വി.​എ. വ​ന​ജ, ഡ്ര​ഗ്‌​സ് ഇ​ന്‍സ്‌​പെ​ക്ട​ര്‍മാ​രാ​യ വി.​എ​സ്. ധ​ന്യ, റെ​നി​ത റോ​ബ​ര്‍ട്ട്, എ.​വി. ജി​ഷ, ഒ​ല്ലൂ​ര്‍ പൊ​ലീ​സ് എ.​എ​സ്.​ഐ വി.​എ. ക​വി​ത, ജി.​എ​സ് സി.​പി.​ഒ സി.​ടി. റാ​ഫി, സ്‌​പെ​ഷ​ല്‍ ബ്രാ​ഞ്ചി​ലെ വി​ജി​ത്ത് എ​ന്നി​വ​രും പ​രി​ശോ​ധ​ന​യി​ല്‍ പ​ങ്കെ​ടു​ത്തു.