ഓപറേഷൻ കാവേരി: സുഡാനിൽ നിന്ന് 13 മലയാളികൾ കൂടിയെത്തി

നെടുമ്പാശ്ശേരി: ആഭ്യന്തര കലാപം തുടരുന്ന സുഡാനിൽ നിന്ന്​ 13 മലയാളികൾ കൂടി നാട്ടിൽ തിരിച്ചെത്തി. നിഖിൽ, രാ​ഗിൻ പുത്തൻപുരയിൽ, അനിൽ നാരായണൻ, ബ്രിജേഷ് കുമാർ, ഉണ്ണി വലിയപറമ്പിൽ, ശശികുമാർ, മനോജ് കുമാർ അയ്യപ്പൻ, ചിത്രൻ മുരളി, പ്രവീൺ ഫിലിപ്, സാംസങ് ഫെർണാണ്ടസ്, തൗഫീഖ്, സായ്യിദ് ചെറുശ്ശേരി, വിജേഷ് ചാക്കോ എന്നിവരാണ് കൊച്ചിയിലെത്തിയത്.

ഡൽഹിയിൽ നിന്ന്​ എയർ ഏഷ്യ വിമാനത്തിൽ ഞായറാഴ്ച രാവിലെ 08.15 ഓടെയാണ് ഇവർ എത്തിയത്. ഇവരെ നോർക്ക അധികൃതർ സ്വീകരിച്ച് വീടുകളിലേക്ക്​ യാത്രയാക്കി. സുഡാനിൽ നിന്ന്​ ജിദ്ദ വഴി ഓപറേഷൻ കാവേരിയുടെ ഭാഗമായാണ് ഇവർ ഡൽഹിയിലെത്തിയത്.