മന്ത്രി കെ.ടി. ജലീലി​െൻറ രാജി ആവശ്യപ്പെട്ട്​ സംസ്​ഥാനത്ത്​ വ്യാപക പ്രതിഷേധം (വിഡിയോ)

കോഴിക്കോട്​: സ്വർണക്കടത്ത്​ കേസി​െൻറ അന്വേഷണവുമായി ബന്ധപ്പെട്ട്​ എൻഫോഴ്​സ്​മെൻറ്​ ചോദ്യം ചെയ്​ത ഉന്നതവിദ്യാഭ്യാസ മന്ത്രി കെ.ടി. ജലീൽ രാജിവെക്കണമെന്ന്​ ആവശ്യപ്പെട്ട്​ പ്രതിപക്ഷ യുവജന സംഘടനകളുടെയും രാഷ്​​്ട്രീയ പാർട്ടികളുടെയും നേതൃത്വത്തിൽ വ്യാപക പ്രതിഷേധം. പലയിടത്തും പ്രവർത്തകർക്ക്​ നേരെ ജലപീരങ്കി പ്രയോഗിച്ചു. യൂത്ത്​ കോ​ൺഗ്രസ്​, യുവമോർച്ച, യൂത്ത്​ ലീഗ്​ എന്നിവരുടെ​ നേതൃത്വത്തിലാണ്​ പ്രതിഷേധം.

സംസ്​ഥാനത്തി​െൻറ വിവിധ കേന്ദ്രങ്ങളിലാണ്​ പ്രതിഷേധം അരങ്ങേറിയത്​. കോഴിക്കോട്​ സിറ്റി പൊലീസ്​ കമീഷണറുടെ ഓഫിസിലേക്ക്​ നടത്തിയ​ യൂത്ത്​ ലീഗ്​ മാർച്ചിന്​ നേരെ പൊലീസ്​ ജല പീരങ്കി പ്രയോഗിച്ചു. ബാരിക്കേഡ്​ വെച്ച്​ തടയാൻ ശ്രമിച്ചതിനെ തുടർന്നാണ്​ സംഘർഷമുണ്ടായത്​. സംസ്​ഥാന സെക്രട്ടറി പി.കെ. ഫിറോസ്​ പ്രതിഷേധം ഉദ്​ഘാടനം ചെയ്​തു. പിന്നീട്​ ​യൂത്ത്​ ലീഗ്​ പ്രവർത്തകർ റോഡിൽ കുത്തിയിരുന്ന്​ പ്രതിഷേധിച്ചു.

കോൺഗ്രസ്​ പ്രർത്തകരും കലക്​ടറേറ്റിലേക്ക്​ മാർച്ചുമായി എത്തിയിരുന്നു. കോഴിക്കോട്​ കണ്ണൂർ ദേശീയപാത യൂത്ത്​ കോൺഗ്രസ്​ പ്രവർത്തകർ ഉപരോധിച്ചു. കൊല്ലത്ത്​ യൂത്ത്​ കോൺഗ്രസ്​ മാർച്ചിന്​ നേരെ ​പൊലീസ്​ ജലപീരങ്കി​ പ്രയോഗിച്ചു. ആലപ്പുഴയിൽ യുവമോർച്ച പ്രവർത്തകർ ജലീലി​െൻറ കോലം ​കത്തിച്ചു. മലപ്പുറം വളാഞ്ചേരിയിൽ കെ.ടി. ജലീലി​െൻറ വീട്ടിലേക്ക്​ യുവമോർച്ച മാർച്ച്​ നടത്തി.സെക്രട്ടറിയറ്റിലേക്ക്​ മഹിള കോൺഗ്രസ്​ പ്രവർത്തകരുടെ നേതൃത്വത്തിൽ മാർച്ച്​ നടത്തി. മന്ത്രി സ്​ഥാനം രാജിവെക്കുന്നതുവരെ പ്രതിഷേധം തുടരുമെന്ന്​ പ്രതിപക്ഷ യുവജനസംഘടനകൾ വ്യക്തമാക്കി.

മലപ്പുറം കുന്നുമ്മലിൽ മുസ്​ലിം ലീഗ്​ പ്രവർത്തകർ റോഡ്​ ഉപരോധിക്കുന്നു

യുവമോർച്ച പ്രതിഷേധത്തിൽ കോട്ടയത്ത്​ നേരിയ സംഘർഷം.യുവമോർച്ച പ്രവർത്തകൾ കോട്ടയം കലക്​ട്രേറ്റിലേക്ക്​ മാർച്ച്​ നടത്തി​. മാർച്ച്​ പൊലീസ്​ തടഞ്ഞതോടെ നേരിയ സംഘർഷത്തിനടയാക്കി. തുടർന്ന്​ സമരക്കാർക്ക് നേരെ പൊലീസ്​ ലാത്തി വീശി. പിന്നീട്​ ബി.ജെ.പി ജില്ല പ്രസിഡൻറ്​ നോബിൾ മാത്യൂ അടക്കമുള്ളവരെ അറസ്​റ്റ്​ ചെയ്ത് നീക്കി.

കെ.ടി. ജലീലി​െൻറ വളാഞ്ചേരിയിലെ വസതിയിലേക്ക് ബി.ജെ.പി നടത്തിയ മാർച്ച്