ക്ഷേമ പെൻഷൻ നൽകുന്നതിലെ ക്രെഡിറ്റ്​ തട്ടിയെടുക്കാൻ പ്രതിപക്ഷ ശ്രമം, എട്ടുകാലി മമ്മൂഞ്ഞുമാരെ ജനം മനസ്സിലാക്കും -മുഖ്യമന്ത്രി

തിരുവനന്തപുരം: ക്ഷേമ പെൻഷൻ നൽകുന്നതി​ൽ സംസ്ഥാന സർക്കാറി​െൻറ മികച്ച പ്രവർത്തനത്തി​െൻറ ​െക്രഡിറ്റ്​ ഏറ്റെടുക്കാൻ ശ്രമിക്കുന്ന എട്ടുകാലി മമ്മൂഞ്ഞുമാരെ മനസ്സിലാക്കാനുള്ള ശേഷി കേരളത്തിലെ ജനങ്ങൾക്കി​െല്ലന്ന്​ ധരിക്കരുതെന്ന്​ മുഖ്യമന്ത്രി പിണറായി വിജയൻ. ക്ഷേമ പെൻഷൻ വാങ്ങുന്ന 60 ലക്ഷം പേർക്ക്​ സത്യമറിയാം.

ജനങ്ങളെ കബളിപ്പിക്കാനും സർക്കാർ ചെയ്​ത ജനോപകാര പ്രവർത്തനങ്ങളെ വിലകുറച്ച്​ കാണിക്കാനും സർക്കാറിന്​ ലഭിക്കാനിടയുള്ള ​െക്രഡിറ്റ്​ ഏറ്റെടുക്കാനും പ്രതിപക്ഷം ശ്രമിക്കുന്നത്​ അപഹാസ്യമാണ്​. ആത്മവിശ്വാസത്തോടെ പൊതുസമൂഹത്തെ അഭിമുഖീകരിക്കാനാകത്ത വിധം അവരുടെ രാഷ്​ടീയം മലീമസമായെന്നും മുഖ്യമന്ത്രി വാർത്തസമ്മേളനത്തിൽ ആരോപിച്ചു.

ക്ഷേമ പെൻഷൻ വർധന യു.ഡി.എഫ്​ ആണ്​ ചെയ്​തതെന്ന്​ ഒരു കൂട്ടരും കേന്ദ്രമാണ്​ നൽകുന്നതെന്ന്​ മറ്റൊരു കൂട്ടരും പ്രചരിപ്പിക്കുന്നു. കഴിഞ്ഞ സർക്കാർ ക്ഷേമ പെൻഷൻ 300 രൂപയിൽനിന്ന്​ 525 രൂപയാക്കി. 80 കഴിഞ്ഞവർക്ക്​ കേന്ദ്ര സഹായത്തോടെ 900 രൂപയും വികലാംഗർക്ക്​ 700 രൂപയുമാക്കി. അവസാനകാലത്ത്​ 75 കഴിഞ്ഞവർക്ക്​​ 1500 രൂപയാക്കി. എന്നാൽ, അർഹതപ്പെട്ടവരിൽ 15 ശതമാനത്തിന്​​ മാത്രമേ അതു​ കിട്ടിയിരുന്നുള്ളൂ. യു.ഡി.എഫ്​ കാലത്ത്​ 225 രൂപയാണ്​ വർധന. 19 മാസത്തെ തുക കുടിശ്ശിക വരുത്തിയിരുന്നു.

1473.20 കോടി രൂപ ഇൗ സർക്കാറാണ്​ നൽകിയത്​. 2021 ജനുവരിയിൽ 1500 രൂപയാക്കുമെന്ന്​ ഇടതു മുന്നണി പ്രഖ്യാപിച്ചിട്ടുണ്ട്​. 75 വയസ്സിന്​ മുകളിലുള്ളവരുടെ പെൻഷൻ 1000 രൂപയാക്കി കുറച്ചുവെന്ന പ്രചാരണം ശരിയല്ല. യു.ഡി.എഫ്​ കാലത്ത്​ 33.91 ലക്ഷം പേർക്കായിരുന്നു പെൻഷൻ. ഇ​പ്പോൾ 60.31 ലക്ഷം പേർക്ക്​. യു.ഡി.എഫ്​ കാലത്ത്​ 9311 കോടിയാണ്​ ഇതിനായി വിനിയോഗിച്ചതെങ്കിൽ ഇൗ സർക്കാർ ഇതുവരെ ക്ഷേമനിധിയിലേത്​ ഉൾപ്പെടെ 30,910 ​േകാടി വിനിയോഗിച്ചു.

കേന്ദ്ര സഹായംകൊണ്ടാണ്​ ക്ഷേമ പെൻഷൻ നൽകുന്നതെന്ന്​ പ്രചാരണമുണ്ട്​. 14.90 ലക്ഷം പേർക്ക്​ എൻ.എസ്​.എ.പി പദ്ധതി വഴി 300 മുതൽ 500 രൂപ വരെ നൽകുന്നുണ്ട്​. ബാക്കി 900 മുതൽ 1100 രൂപ സംസ്ഥാന സർക്കാറാണ്​ നൽകുന്നത്​. 37.5 ലക്ഷം പേർക്ക്​ കേന്ദ്ര സർക്കാർ സഹായമില്ലാതെയാണ്​ പെൻഷൻ നൽകുന്നതെന്നും മുഖ്യമന്ത്രി പറഞ്ഞു.