ആലപ്പുഴ മുൻ കലക്ടർക്കെതിരെ കേസെടുക്കാനുള്ള ഉത്തരവ് റദ്ദാക്കി

കൊ​ച്ചി: 2012ലെ ​നെ​ഹ്‌​റു ട്രോ​ഫി വ​ള്ളം​ക​ളി​യു​ടെ സ്‌​പോ​ൺ​സ​ർ​ഷി​പ്പി​ന്‍റെ ക​മീ​ഷ​ൻ തു​ക നി​ഷേ​ധി​ച്ചെ​ന്ന പ​രാ​തി​യി​ൽ ആ​ല​പ്പു​ഴ മു​ൻ ക​ല​ക്ട​ർ പി. ​വേ​ണു​ഗോ​പാ​ൽ ഉ​ൾ​പ്പെ​ടെ​യു​ള്ള​വ​ർ​ക്കെ​തി​രെ കേ​സെ​ടു​ക്കാ​നു​ള്ള ആ​ല​പ്പു​ഴ ജു​ഡീ​ഷ്യ​ൽ മ​ജി​സ്‌​ട്രേ​റ്റ് കോ​ട​തി ഉ​ത്ത​ര​വ് ഹൈ​കോ​ട​തി റ​ദ്ദാ​ക്കി. വേ​ണു​ഗോ​പാ​ലി​ന്‍റെ​യും മ​റ്റും ഹ​ര​ജി പ​രി​ഗ​ണി​ച്ചാ​ണ് ജ​സ്റ്റി​സ് ബെ​ച്ചു കു​ര്യ​ൻ തോ​മ​സി​ന്‍റെ ഉ​ത്ത​ര​വ്.

വ​ള്ളം​ക​ളി ന​ട​ത്തി​പ്പ് ചു​മ​ത​ല​യു​ള്ള, ആ​ല​പ്പു​ഴ ക​ല​ക്ട​ർ ചെ​യ​ർ​മാ​നാ​യ നെ​ഹ്രു ട്രോ​ഫി ബോ​ട്ട് റേ​സ് സൊ​സൈ​റ്റി സ്‌​പോ​ൺ​സ​ർ​ഷി​പ്പി​ലൂ​ടെ​യാ​ണ് ഫ​ണ്ട് ക​ണ്ടെ​ത്തു​ന്ന​ത്. 2012ൽ ​വി​സ്മ​യ വെ​ഞ്ചേ​ഴ്സ് എ​ന്ന സ്ഥാ​പ​ന​ത്തി​നാ​യി​രു​ന്നു മാ​ർ​ക്ക​റ്റി​ങ്​ ക​രാ​ർ. സ്‌​പോ​ൺ​സ​ർ​മാ​രെ ക​ണ്ടെ​ത്തി​യാ​ൽ നാ​ലു​കോ​ടി വ​രെ 10 ശ​ത​മാ​നം ക​മീ​ഷ​നും അ​തി​നു​മു​ക​ളി​ൽ 25 ശ​ത​മാ​നം ക​മീ​ഷ​നും ന​ൽ​കു​മെ​ന്ന് ക​രാ​റി​ൽ വ്യ​വ​സ്ഥ ചെ​യ്തി​രു​ന്നു.

എ​ന്നാ​ൽ, പി.​എ.​സി.​എ​ൽ എ​ന്ന ക​മ്പ​നി വി​സ്മ​യ​യു​ടെ ഇ​ട​പെ​ട​ലി​ല്ലാ​തെ നാ​ലു​കോ​ടി രൂ​പ സ്‌​പോ​ൺ​സ​ർ ചെ​യ്തു. ഇ​തി​ന്‍റെ ക​മീ​ഷ​ൻ ന​ൽ​കാ​ത്ത​ത് ക​രാ​ർ ലം​ഘ​ന​മാ​ണെ​ന്ന വി​സ്മ​യ​യു​ടെ പ​രാ​തി​യി​ലാ​ണ് കേ​സെ​ടു​ക്കാ​ൻ മ​ജി​സ്‌​ട്രേ​റ്റ് കോ​ട​തി ഉ​ത്ത​ര​വി​ട്ട​ത്. ഹ​ര​ജി​ക്കാ​ർ​ക്കെ​തി​രെ സി​വി​ൽ ന​ട​പ​ടി​ക്ക്​ പ​ക​രം ക്രി​മി​ന​ൽ ന​ട​പ​ടി​യെ​ടു​ത്ത​ത് ച​ട്ട​ങ്ങ​ളു​ടെ ദു​രു​പ​യോ​ഗ​മാ​ണെ​ന്ന് വി​ല​യി​രു​ത്തി​യ ഹൈ​കോ​ട​തി, മ​ജി​സ്‌​ട്രേ​റ്റ് കോ​ട​തി ഉ​ത്ത​ര​വ് റ​ദ്ദാ​ക്കു​ക​യാ​യി​രു​ന്നു.