പുതിയത്തുപുറായ പള്ളി വഖഫ് ഭൂമി കേസ്: സാമ്പത്തിക കാര്യങ്ങള്‍ അന്വേഷിക്കണമെന്ന്​ ഉത്തരവ്

വേ​ങ്ങ​ര (മ​ല​പ്പു​റം): വ​ഖ​ഫ് നി​യ​മ​വി​രു​ദ്ധ​മാ​യി നി​ര്‍മാ​ണ​ങ്ങ​ള്‍ ന​ട​ത്തു​ക​യും വ​ഖ​ഫ് ഭൂ​മി​യി​ൽ സ്കൂ​ൾ ന​ട​ത്തു​ക​യും ചെ​യ്ത​താ​യി ന​ൽ​കി​യ പ​രാ​തി​യി​ൽ സ്ഥാ​പ​ന​ത്തി​ന്റെ സാ​മ്പ​ത്തി​ക​കാ​ര്യ​ങ്ങ​ള്‍ അ​ന്വേ​ഷി​ക്ക​ണ​മെ​ന്ന്​ ഉ​ത്ത​ര​വ്. എ.​ആ​ർ ന​ഗ​ർ കു​ന്നും​പു​റം പു​തി​യ​ത്തു​പു​റാ​യ ജു​മു​അ​ത്ത് പ​ള്ളി​യു​മാ​യി ബ​ന്ധ​പ്പെ​ട്ടാ​ണ് പ​രാ​തി.

സം​സ്ഥാ​ന വ​ഖ​ഫ് ബോ​ര്‍ഡ് ഹി​യ​റി​ങ്ങി​ൽ വ​ഖ​ഫി​ന്റെ​യും സ്കൂ​ളി​ന്റെ​യും സാ​മ്പ​ത്തി​ക​കാ​ര്യ​ങ്ങ​ള്‍ പ്രാ​ഥ​മി​ക​മാ​യി അ​ന്വേ​ഷി​ക്ക​ണ​മെ​ന്നാ​ണ്​ ഉ​ത്ത​ര​വ്. വ​ഖ​ഫ് ബോ​ര്‍ഡ് മ​ല​പ്പു​റം ജി​ല്ല ഡി​വി​ഷ​ന​ല്‍ ഓ​ഫി​സ​റെ ഇ​തി​ന് ചു​മ​ത​ല​പ്പെ​ടു​ത്തി.

തി​രൂ​ര​ങ്ങാ​ടി സ​ബ് ര​ജി​സ്ട്രാ​ർ ഓ​ഫി​സി​ലെ 818/1985 ന​മ്പ​ര്‍ ആ​ധാ​ര​പ്ര​കാ​ര​മു​ള്ള 187.5489 സെ​ന്റ് ഭൂ​മി സം​സ്ഥാ​ന ഹ​ജ്ജ്​ ക​മ്മി​റ്റി ചെ​യ​ർ​മാ​ൻ സി. ​മു​ഹ​മ്മ​ദ് ഫൈ​സി, അ​ബ്ദു​ല്‍ ഹ​കീം അ​സ്ഹ​രി, ഹു​സൈ​ന്‍ സ​ഖാ​ഫി ചു​ള്ളി​ക്കോ​ട്, പ്ര​ഫ. എ.​കെ. അ​ബ്ദു​ല്‍ ഹ​മീ​ദ് തു​ട​ങ്ങി 20ല​ധി​കം പേ​ര്‍ ചേ​ര്‍ന്ന് 99 വ​ര്‍ഷ​ത്തേ​ക്ക് വേ​ങ്ങ​ര സ​ബ് ര​ജി​സ്ട്രാ​ർ ഓ​ഫി​സി​ല്‍ 2018 ആ​ഗ​സ്റ്റ് ആ​റി​ന് 175/2018 ന​മ്പ​ര്‍ ലീ​സ് ഡീ​ഡ് ര​ജി​സ്റ്റ​ര്‍ ചെ​യ്തി​രു​ന്നു. ഇ​വ​ർ​ക്കെ​തി​രെ പ്രോ​സി​ക്യൂ​ഷ​ന്‍ ന​ട​പ​ടി ആ​വ​ശ്യ​പ്പെ​ട്ട് മ​ഹ​ല്ല് ജ​ന​റ​ല്‍ ബോ​ഡി അം​ഗ​ങ്ങ​ളാ​യ പി.​കെ. നൗ​ഷാ​ദ്, സി.​കെ. സൂ​പ്പി, കെ. ​ജാ​ഫ​ര്‍ എ​ന്നി​വ​ര്‍ അ​ഡ്വ. മു​ഹ​മ്മ​ദ് ത്വ​യ്യി​ബ് ഹു​ദ​വി മു​ഖേ​ന​യാ​ണ് വ​ഖ​ഫ് ബോ​ര്‍ഡ് മു​മ്പാ​കെ ഹ​ര​ജി ന​ൽ​കി​യ​ത്.