തദ്ദേശ സ്ഥാപനങ്ങളിൽ ഇനി ഇടനിലക്കാർ വേണ്ട

പെ​രി​ന്ത​ൽ​മ​ണ്ണ: ത​ദ്ദേ​ശ സ്ഥാ​പ​ന​ങ്ങ​ളി​ലെ സേ​വ​ന​ങ്ങ​ൾ​ക്കും ആ​നു​കൂ​ല്യ​ങ്ങ​ൾ​ക്കു​മു​ള്ള അ​പേ​ക് ഷ ഫോ​റ​ങ്ങ​ൾ പു​റ​ത്തു​നി​ന്ന്​ വാ​ങ്ങേ​ണ്ട അ​വ​സ്ഥ​യു​ണ്ടാ​ക്ക​രു​തെ​ന്ന് സ​ർ​ക്കാ​ർ. ഇ​തു​സം​ബ​ന്ധി​ച് ച് നേ​ര​ത്തേ പു​റ​ത്തി​റ​ക്കി​യ മാ​ർ​ഗ​നി​ർ​ദേ​ശ​ങ്ങ​ൾ ത​ദ്ദേ​ശ സ്ഥാ​പ​ന​ങ്ങ​ളെ വീ​ണ്ടും ഒാ​ർ​മി​പ്പി​ച് ചു.

ആ​വ​ശ്യ​മു​ള്ള എ​ല്ലാ ഫോ​റ​ങ്ങ​ളും അ​പേ​ക്ഷ​ക​ളും ഫ്ര​ണ്ട് ഒാ​ഫി​സി​ൽ ന​മ്പ​റി​ട്ട് സൂ​ക്ഷി​ക്ക​ണം. ക​ട​ക​ളി​ൽ പോ​യി​വാ​ങ്ങാ​ൻ പ​റ​യു​ന്ന സ്ഥി​തി​യു​ണ്ടാ​ക​രു​ത്. അ​പേ​ക്ഷ​യോ​ടൊ​പ്പം ഹാ​ജ​രാ​ക്കേ​ണ്ട രേ​ഖ​ക​ളു​ടെ വി​വ​ര​ങ്ങ​ളും ഫോ​റ​ത്തി​ൽ സൂ​ചി​പ്പി​ക്ക​ണം. ഇ​ത്ത​രം കാ​ര്യ​ങ്ങ​ൾ​ക്ക് ഇ​ട​നി​ല​ക്കാ​ർ ക​യ​റി​യി​റ​ങ്ങു​ന്ന സ്ഥി​തി ഒ​ഴി​വാ​ക്കാ​നും പ​ഞ്ചാ​യ​ത്ത് ഡ​യ​റ​ക്ട​ർ നി​ർ​ദേ​ശി​ച്ചു.

ഒാ​ഫി​സി​ൽ​നി​ന്ന് വി​ത​ര​ണം ചെ​യ്യു​ന്ന ഫോ​റ​ങ്ങ​ളു​ടെ വി​വ​ര​ങ്ങ​ൾ ഫ്ര​ണ്ട് ഒാ​ഫി​സി​ൽ പ്ര​ദ​ർ​ശി​പ്പി​ക്ക​ണം. സെ​ക്ര​ട്ട​റി​ക്കാ​ണ് ഇ​ക്കാ​ര്യ​ങ്ങ​ളു​ടെ ചു​മ​ത​ല. പെ​ർ​ഫോ​മ​ൻ​സ് ഒാ​ഡി​റ്റ് ഇ​ക്കാ​ര്യ​വും പ​രി​ശോ​ധി​ക്ക​ണം. ത​ദ്ദേ​ശ സ്ഥാ​പ​ന​ങ്ങ​ളി​ൽ സേ​വ​ന​ങ്ങ​ളുെ​ട പേ​രി​ൽ അ​ഴി​മ​തി ന​ട​ക്കു​ന്ന​ത് ത​ട​യാ​ൻ സേ​വ​ന​ങ്ങ​ൾ പ​ര​മാ​വ​ധി സു​താ​ര്യ​വും ന​ട​പ​ടി​ക​ൾ ല​ളി​ത​വു​മാ​ക്ക​ണം. അ​തേ​സ​മ​യം, വാ​ർ​ഷി​ക പ​ദ്ധ​തി​യി​ലെ ആ​നു​കൂ​ല്യ​ങ്ങ​ൾ​ക്കു​ള്ള അ​പേ​ക്ഷ​ക​ൾ വാ​ർ​ഡ്​ അം​ഗ​മോ പ്രാ​ദേ​ശി​ക രാ​ഷ്​​ട്രീ​യ​ക്കാ​രോ കൈ​ക്ക​ലാ​ക്കി ന​ട​പ​ടി​ക​ളെ​ല്ലാം അ​വ​രി​ലൂ​ടെ പൂ​ർ​ത്തി​യാ​ക്കു​ന്ന രീ​തി​യാ​ണ് ചി​ല​യി​ട​ങ്ങ​ളി​ലു​ള്ള​ത്.

സൗ​ക​ര്യം ക​ണ​ക്കി​ലെ​ടു​ത്ത് ത​ദ്ദേ​ശ സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രും ഇ​വ​രോ​ടൊ​പ്പ​മാ​ണ്. ഫ്ര​ണ്ട് ഒാ​ഫി​സ് പ്ര​വ​ർ​ത്ത​നം കാ​ര്യ​ക്ഷ​മ​മാ​ക്കി​യാ​ൽ ഇ​ട​നി​ല​ക്കാ​രു​ടെ ആ​വ​ശ്യ​മി​ല്ല.

പ​ഞ്ചാ​യ​ത്തി​ന​ക​ത്ത് ജ​ന​പ്ര​തി​നി​ധി​ക​ളോ ജീ​വ​ന​ക്കാ​രോ അ​ല്ലാ​ത്ത​വ​രു​ടെ നി​യ​ന്ത്ര​ണ​ത്തി​ലാ​ണ് ചി​ല​യി​ട​ങ്ങ​ളി​ൽ അ​പേ​ക്ഷ​ക​ളും ഫോ​റ​ങ്ങ​ളും പൂ​രി​പ്പി​ക്കു​ന്ന​തും കൈ​കാ​ര്യം ചെ​യ്യു​ന്ന​തും. ഇ​ത്ത​ര​ത്തി​ൽ ഫോ​റ​ത്തി​നും സേ​വ​ന​ങ്ങ​ൾ​ക്കും പ​ണ​മീ​ടാ​ക്കി ഫ്ര​ണ്ട് ഒാ​ഫി​സ് സം​വി​ധാ​നം നി​ർ​വീ​ര്യ​മാ​ക്കു​ന്ന അ​വ​സ്​​ഥ​യു​മു​ണ്ട്.