സംഘടന തെരഞ്ഞെടുപ്പ് ഫലപ്രഖ്യാപനം വൈകുന്നു; യൂത്ത് കോൺഗ്രസ് നിർജീവമായി

കൊ​ച്ചി: സം​ഘ​ട​ന തെ​ര​ഞ്ഞെ​ടു​പ്പ് ഫ​ല​പ്ര​ഖ്യാ​പ​നം അ​ന​ന്ത​മാ​യി നീ​ണ്ട​തോ​ടെ സം​സ്ഥാ​ന​ത്ത് യൂ​ത്ത്​ കോ​ൺ​ഗ്ര​സ് പ്ര​വ​ർ​ത്ത​നം നി​ർ​ജീ​വ​മാ​യി. പു​തി​യ ക​മ്മി​റ്റി നി​ല​വി​ൽ വ​രു​ന്ന​തു​വ​രെ പ്ര​വ​ർ​ത്തി​ക്കേ​ണ്ട സം​സ്ഥാ​ന ക​മ്മി​റ്റി ഉ​ൾ​പ്പെ​ടെ അ​ഡ്ഹോ​ക് ക​മ്മി​റ്റി​ക​ളു​ടെ​യും പ്ര​വ​ർ​ത്ത​നം നി​ല​ച്ചു. ഇ​തോ​ടെ പ്ര​തി​പ​ക്ഷ​ത്തെ പ്ര​ധാ​ന യു​വ​ജ​ന സം​ഘ​ട​ന ക​ടു​ത്ത പ്ര​തി​സ​ന്ധി​യി​ലാ​യി. സം​സ്ഥാ​ന സ​ർ​ക്കാ​റി​നെ​തി​രെ​യു​ള്ള പ്ര​തി​ഷേ​ധ പ​രി​പാ​ടി​ക​ളും ഏ​റ്റെ​ടു​ക്കാ​നാ​ളി​ല്ലാ​ത്ത അ​വ​സ്ഥ​യാ​ണ്.

ഫ​ല​സ്തീ​നി​ൽ ഇ​സ്രാ​യേ​ൽ ന​ട​ത്തു​ന്ന വം​ശ​ഹ​ത്യ​ക്കെ​തി​രെ സി.​പി.​എ​മ്മും യു​വ​ജ​ന സം​ഘ​ട​ന​ക​ളും വി​പു​ല​മാ​യ പ്ര​ചാ​ര​ണ പ​രി​പാ​ടി​ക​ൾ ന​ട​ത്തു​മ്പോ​ൾ യൂ​ത്ത് കോ​ൺ​ഗ്ര​സ് ചി​ത്ര​ത്തി​ലേ ഇ​ല്ല. മേ​യ് 26ന് ​ന​ട​ന്ന സം​സ്ഥാ​ന സ​മ്മേ​ള​ന​ത്തോ​ടെ​യാ​ണ് യൂ​ത്ത് കോ​ൺ​ഗ്ര​സി​ൽ സം​ഘ​ട​ന തെ​ര​ഞ്ഞെ​ടു​പ്പ് ന​ട​പ​ടി​ക​ൾ ആ​രം​ഭി​ച്ച​ത്. ജൂ​ണി​ൽ തെ​ര​ഞ്ഞെ​ടു​പ്പ് പ്ര​ക്രി​യ ആ​രം​ഭി​ച്ച് ജൂ​ലൈ​യി​ൽ പൂ​ർ​ത്തീ​ക​രി​ക്കു​മെ​ന്നാ​യി​രു​ന്നു പ്ര​ഖ്യാ​പ​നം. എ​ന്നാ​ൽ, കോ​ഴി​ക്കോ​ട്ടെ യൂ​ത്ത് കോ​ൺ​ഗ്ര​സ് നേ​താ​വ് കോ​ട​തി​യെ സ​മീ​പി​ച്ച് തെ​ര​ഞ്ഞെ​ടു​പ്പി​ന് സ്റ്റേ ​വാ​ങ്ങി​യ​തോ​ടെ പ്ര​തി​സ​ന്ധി തു​ട​ങ്ങി.

ഇ​തി​നെ മ​റി​ക​ട​ന്നെ​ങ്കി​ലും മു​തി​ർ​ന്ന കോ​ൺ​ഗ്ര​സ് നേ​താ​വും മു​ൻ മു​ഖ്യ​മ​ന്ത്രി​യു​മാ​യ ഉ​മ്മ​ൻ ചാ​ണ്ടി​യു​ടെ നി​ര്യാ​ണം വീ​ണ്ടും ന​ട​പ​ടി​ക​ൾ വൈ​കി​പ്പി​ച്ചു. പി​ന്നാ​ലെ പു​തു​പ്പ​ള്ളി ഉ​പ​തെ​ര​ഞ്ഞെ​ടു​പ്പ് വ​ന്നു. നി​ല​വി​ലെ ഭ​ര​വാ​ഹി​ക​ൾ നി​ർ​ജീ​വ​മാ​യ​തി​നൊ​പ്പം പു​തി​യ ഭാ​ര​വാ​ഹി പ്ര​ഖ്യാ​പ​നം അ​നി​ശ്ചി​ത​മാ​യി നീ​ളു​ന്ന​ത്​ പ്ര​വ​ർ​ത്ത​ക​രി​ലും അ​തൃ​പ്തി വ​ള​ർ​ത്തി​യി​ട്ടു​ണ്ട്.

ഇ​തേ​സ​മ​യം ന​ട​പ​ടി​ക്ര​മ​ങ്ങ​ളു​ടെ ഭാ​ഗ​മാ​യ സൂ​ക്ഷ്മ പ​രി​ശോ​ധ​ന മൂ​ല​മാ​ണ് ഭാ​ര​വാ​ഹി പ്ര​ഖ്യാ​പ​നം നീ​ളു​ന്ന​തെ​ന്നാ​ണ് തെ​ര​ഞ്ഞെ​ടു​പ്പ്​ ന​ട​ത്തി​യ ഏ​ജ​ൻ​സി​യു​മാ​യി ബ​ന്ധ​പ്പെ​ട്ട കേ​ന്ദ്ര​ങ്ങ​ളു​ടെ വി​ശ​ദീ​ക​ര​ണം. മ​ണ്ഡ​ലം പ്ര​സി​ഡ​ന്‍റ്, നി​യോ​ജ​ക മ​ണ്ഡ​ലം പ്ര​സി​ഡ​ന്‍റ്, ജി​ല്ല സെ​ക്ര​ട്ട​റി, പ്ര​സി​ഡ​ന്‍റ്, സം​സ്ഥാ​ന ജ​ന​റ​ൽ സെ​ക്ര​ട്ട​റി, പ്ര​സി​ഡ​ന്‍റ്​ സ്ഥാ​ന​ങ്ങ​ളി​ലേ​ക്കാ​ണ് യൂ​ത്ത്കോ​ൺ​ഗ്ര​സ് പു​തി​യ ഭാ​ര​വാ​ഹി​ക​ളെ കാ​ത്തി​രി​ക്കു​ന്ന​ത്.