ഓർത്തഡോക്​സ്​ ബിഷപ്പുമാർ ആർ.എസ്​.എസ്​ കാര്യാലയത്തിൽ

കൊച്ചി: ഓർത്തഡോക്​സ്​ ബിഷപ്പുമാർ കൊച്ചിയിലെ ആർ.എസ്​.എസ്​ കാര്യാലയത്തിലെത്തി ചർച്ചനടത്തി. ഗുജറാത്തിൽ നിന്നെത്തിയ ആർ.എസ്​.എസ് സഹസർകാര്യവാഹക്​ മൻമോഹൻ വൈദ്യയുമായാണ്​ കൂടിക്കാഴ്ച നടത്തിയത്​.

അഹമ്മദാബാദ്​ ഭദ്രാസനത്തിന്‍റെ ചുമതലയുള്ള ഗീവർഗീസ്​ മാർ യൂലിയോസും കൊച്ചി ഭദ്രാസനത്തിന്‍റെ ചുമതലയുള്ള ബിഷപ് യാക്കോബ് മാർ ഐറേനിയോസുമാണ്​ ആർ.എസ്​.എസ്​ കാര്യാലയത്തിൽ സന്ദർശിച്ചത്​.

നിയമസഭ തെരഞ്ഞെടുപ്പിൽ ക്രൈസ്​തവ വിഭാഗങ്ങളുടെ പിന്തുണ ഉറപ്പാക്കണമെന്ന്​ ബി.ജെ.പിക്ക്​ ദേശീയ നേതൃത്വത്തിന്‍റെ നിർദേശമുണ്ട്​. ക്രൈസ്​തവ വിഭാഗങ്ങളുടെ പിന്തുണയില്ലാതെ കേരളത്തിൽ സ്വാധീനമുറപ്പിക്കാൻ ബി.ജെ.പിക്കാവി​​ല്ലെന്നാണ്​ വിവരം. ചർച്ചയിൽ പള്ളിത്തർക്കമടക്കമുള്ള വിഷയങ്ങളും കേരള രാഷ്​ട്രീയവും ചർച്ചയായതാണ്​ വിവരം.