പള്ളിത്തർക്ക നിയമ നിർമാണം; എം.വി. ഗോവിന്ദനുമായി ഓർത്തഡോക്സ് സഭാ പ്രതിനിധികൾ കൂടിക്കാഴ്ച നടത്തി

കോട്ടയം: സി.പി.എം സംസ്ഥാന സെക്രട്ടറി എം.വി. ഗോവിന്ദനുമായി ഓർത്തഡോക്സ് സഭാ പ്രതിനിധികൾ കൂടിക്കാ​ഴ്ച നടത്തി. ജനകീയ പ്രതിരോധ ജാഥയുടെ ഭാഗമായി കോട്ടയത്ത്​ എത്തിയപ്പോൾ വെള്ളിയാഴ്ച രാത്രിയായിരുന്നു കൂടിക്കാഴ്ച.

പള്ളിത്തർക്ക നിയമ നിർമാണത്തിലെ അതൃപ്തി സഭാ പ്രതിനിധികൾ എം.വി. ഗോവിന്ദനെ അറിയിച്ചു. ഓർത്തഡോക്സ്​ സഭക്ക്​ അനുകൂലമായി സുപ്രീം കോടതി അന്തിമവിധി പ്രഖ്യാപിച്ച വിഷയത്തിൽ സർക്കാർ ഇടപെടൽ നീതിയല്ല. മറുവിഭാഗം കോടതി ഉത്തരവ്​ അംഗീകരിക്കുകയാണ്​ വേണ്ടത്​. പള്ളിത്തർക്ക നിയമനിർമാണത്തിൽനിന്ന്​ പിന്മാറണമെന്നും സഭാ നേതൃത്വം ആവശ്യപ്പെട്ടു.

രാവിലെ വിഷയത്തിൽ സർക്കാറിനെതിരെ രൂക്ഷവിമർശനവുമായി ഓർത്തഡോക്സ് സഭ രംഗത്തെത്തിയിരുന്നു.