ഓർത്തഡോക്സ് സഭ അധ്യക്ഷന്മാർ പാണക്കാടെത്തി

മലപ്പുറം: ഓർത്തഡോക്സ് സഭ മേലധ്യക്ഷന്മാർ പാണക്കാട് ഹൈദരലി തങ്ങൾ, പി.കെ കുഞ്ഞാലിക്കുട്ടി എന്നിവരുമായി കൂടിക്കാഴ്ച നടത്തി. വെള്ളിയാഴ്ച രാവിലെ 10 ഓടെയാണ് കുന്ദംകുളം ഭദ്രാസനാധിപൻ ഡോ. ഗീവർഗീസ് മാർ യൂലിയോസ് തിരുമേനി, കൊച്ചി ഭദ്രാസനാധിപൻ ഡോ. യാക്കോബ് മാർ ഇ റിനോയിസ്, പി.യു ഷാജൻ, അഡ്വ. ഗിൽബർട്ട് ചീരാൻ, ദിൽജോ ഡേവിഡ് പുലിക്കോട്ടിൽ എന്നിവരടങ്ങുന്ന സംഘം പാണക്കാടെത്തിയത്.

സൗഹൃദ സന്ദർശനത്തിന്‍റെ ഭാഗമായാണ് പാണക്കാടെത്തിയതെന്ന് സഭാക്ഷ്യന്മാർ പറഞ്ഞു. തദ്ദേശ തെരഞ്ഞെടുപ്പിനോട് അനുബന്ധിച്ച് ഇരു സമുദായങ്ങൾക്കുമിടയിൽ ദ്രുവീകരണമുണ്ടാക്കാനുള്ള നീക്കങ്ങൾ നടക്കുന്നതിനിടെയാണ് സന്ദർശനമെന്നത് ശ്രദ്ധേയമാണ്.