6000 രൂപയിൽ കേന്ദ്ര സബ്​സിഡി 900 മാത്രം; സ്​മാർട്ട്​ മീറ്റർ പദ്ധതി കെ.എസ്​.ഇ.ബിക്ക്​ ബാധ്യതയാവും

തൃശൂർ: നിലവിലെ മീറ്റർ മാറ്റി സ്​മാർട്ട്​ മീറ്റർ ഘടിപ്പിക്കുന്ന പദ്ധതി കെ.എസ്​.ഇ.ബിക്ക്​ വരുത്തിവെക്കുക വൻ ബാധ്യത. മീറ്റർ ഒന്നിന്​ ആറായിരത്തിലേറെ വില വരു​േമ്പാൾ അതിൽ കേന്ദ്രം സബ്​സിഡിയായി നൽകുക 900 രൂപ മാത്രമാണ്​. സംസ്​ഥാനത്തെ ഒന്നേക്കാൽ കോടി ഉപഭോക്​താക്കൾക്ക്​ സ്​മാർട്ട്​ മീറ്റർ ഘടിപ്പിക്കു​േമ്പാഴേക്കും കേന്ദ്ര സബ്​സിഡി കഴിഞ്ഞ്​ 6200ലേറെ കോടിയുടെ ബാധ്യതയാകും കെ.എസ്​.ഇ.ബിക്ക്​ ഉണ്ടാകുക.

ഘട്ടം ഘട്ടമായാണ്​ പദ്ധതി നടപ്പാക്കുകയെന്ന്​ പറയു​േമ്പാഴും ഇത്ര കൂടിയ അളവിൽ സ്​മാർട്ട്​ മീറ്റർ ഉൽപാദിപ്പിക്കുന്നവരെ കണ്ടെത്തുക വെല്ലുവിളിയാകും.

മുൻകൂറായി പണം നൽകി കാർഡ്​ വാങ്ങി റീചാർജ്​ ചെയ്​ത്​ വൈദ്യുതി ഉപയോഗിക്കാവുന്ന സ്​മാർട്ട്​ മീറ്റർ പദ്ധതി നടപ്പാക്കാനുള്ള പദ്ധതിക്ക്​ വൈദ്യുതി ബോർഡ്​ അംഗീകാരം നൽകിക്കഴിഞ്ഞു. ഇതുൾപ്പെടെ 3000 കോടിയുടെ പദ്ധതി കേന്ദ്ര ഊർജ മന്ത്രാലയത്തിന്​ സമർപ്പിക്കാനിരിക്കുകയാണ്​ അധികൃതർ.

2025 മാർച്ച്​ 31ന്​ പൂർത്തിയാക്കുംവിധം പദ്ധതി നടപ്പാക്കണമെന്നാണ്​ കേന്ദ്ര നിർദേശം. നേരത്തെ തിരുവനന്തപുരം കേശവദാസപുരത്ത്​ സ്​മാർട്ട്​ മീറ്റർ നിർമിക്കാനുള്ള യൂനിറ്റ്​ ആരംഭിച്ചെങ്കിലും പിന്നീട്​ പ്രവർത്തനം സ്​തംഭിക്കുകയായിരുന്നു. മാത്രമല്ല സ്​മാർട്ട്​ മീറ്ററി​െൻറ പേറ്റൻറ്​ മറ്റൊരു കമ്പനിക്കാകയാൽ നിർമാണം വിവാദമാകാനും സാധ്യതയുണ്ടെന്നാണ്​ വിലയിരുത്തൽ.

ഈ സാഹചര്യത്തിൽ ആഗോള ടെൻഡർ വഴി സ്​മാർട്ട്​ മീറ്ററുകൾ വാങ്ങുകയേ നിർവാഹമുള്ളൂ. ഇൗ ഘട്ടത്തിലാണ്​ മീറ്ററുകൾ എത്രമാത്രം ബാധ്യത വരുത്തുമെന്നത്​ നിശ്​ചയിക്കപ്പെടുക.ഘട്ടംഘട്ടമായി പദ്ധതി നടപ്പാക്കാനാണ്​ ബോർഡ്​ തീരുമാനം. വൻ വൈദ്യുതി കുടിശ്ശികയുള്ള സർക്കാർ ഓഫിസുകളിലും ചെറുകിട-വൻകിട വ്യവസായശാലകളിലുമാണ്​ സ്​മാർട്ട്​ മീറ്ററുകൾ ആദ്യഘട്ടത്തിൽ വെക്കുക. കൂടിയ വൈദ്യുതി ഉപയോഗിക്കുന്നവരിൽ​ അടുത്ത ഘട്ടം നടപ്പാക്കും. അവസാന ഘട്ടത്തിലാണ്​ സാധാരണക്കാരിൽ നടപ്പാക്കുകയെന്ന്​ വ്യക്​തമാക്കിയിട്ടുണ്ട്​.

അതേസമയം സ്​മാർട്ട്​ മീറ്റർ വാടകക്ക്​ എടുക്കുന്ന കാര്യവും കെ.എസ്​.ഇ ബോർഡിൽ ചർച്ചക്ക്​ വന്നിരുന്നു. വീടുകളിൽ സിംഗിൾ ഫേസിന്​ 10 രൂപ മുതൽ 75 രൂപ വരെ വാടക വാങ്ങുന്നതിൽ വർധന വരുത്തി സ്​മാർട്ട്​ മീറ്റർ വാടക കൂടി ഉൾപ്പെടുത്താനാണ്​ ആലോചന.

ഇത്​ യാഥാർഥ്യമായാൽ 100 രൂപയിൽ താഴെ ബാധ്യത മാത്രമേ ഒരു മീറ്ററിന്​ വരൂ. ഇത്​ സംബന്ധിച്ച്​ കൂടുതൽ വ്യക്​തത വരുത്താനും തീരുമാനമായിട്ടുണ്ട്​. അങ്ങനെയാണെങ്കിൽ ഉപഭോക്​താവി​െൻറ വൈദ്യുതി ബില്ലിൽ ഇതി​െൻറ പേരിൽ വർധന വരുമോയെന്ന ആശങ്കയുമുണ്ട്​.