കാന്തപുരത്തെ സന്ദർശിച്ച് പി. സരിൻ; പ്രാർഥനയിൽ കരുതണമെന്ന് അഭ്യർഥിച്ചെന്ന് സ്ഥാനാർഥി

കോഴിക്കോട്: പാലക്കാട്ടെ എൽ.ഡി.എഫ് സ്ഥാനാർഥി പി. സരിൻ സ​മ​സ്ത കേ​ര​ള ജം​ഇ​യ്യ​തു​ൽ ഉ​ല​മ ജ​ന​റ​ൽ സെ​ക്ര​ട്ട​റി കാന്തപുരം എ.പി. അബൂബക്കർ മു​സ്‌​ലി​യാ​രെ സന്ദർശിച്ചു. തെരഞ്ഞെടുപ്പ് പ്രചാരണത്തിനിടെ കാരന്തൂർ മർക്കസിലെത്തിയാണ് കാന്തപുരത്തിന്‍റെ അനുഗ്രഹം തേടിയത്.

വളരെ സൗഹൃദപരമായ സംഭാഷണമാണ് നടന്നതെന്ന് സരിൻ പിന്നീട് മാധ്യമങ്ങളോട് പറഞ്ഞു. പ്രാർഥനയിൽ കരുതണമെന്ന് അബൂബക്കർ മു​സ്‌​ലി​യാ​രോട് അഭ്യർഥിച്ചെന്നും പ്രവൃത്തിയിൽ തനിക്ക് കാണിച്ചുതരാൻ പറ്റുന്നത് കാണിക്കുമെന്ന് വ്യക്തമാക്കിയതായും സരിൻ പറഞ്ഞു.

അബൂബക്കർ മു​സ്‌​ലി​യാ​രുമായി സംസാരിക്കാൻ സാധിച്ചത് സന്തോഷം തരുന്ന കാര്യമാണെന്നും പി. സരിൻ വ്യക്തമാക്കി.