പാലക്കാട് അപകടം:ദുരന്തഭൂമിയായി പനയമ്പാടം ദേശീയപാത

ക​ല്ല​ടി​ക്കോ​ട്: പ​ന​യ​മ്പാ​ടം അ​പ​ക​ട​ങ്ങ​ൾ​ പതിവായ സ്ഥ​ല​മാ​ണ്. പാ​ല​ക്കാ​ട്-​കോ​ഴി​ക്കോ​ട് ദേ​ശീ​യ​പാ​ത​യി​ലെ ഏ​റ്റ​വും കൂ​ടു​ത​ൽ അ​പ​ക​ട​ങ്ങ​ൾ ന​ട​ന്ന പ്ര​ദേ​ശ​ങ്ങ​ളി​ലൊ​ന്നാ​ണി​ത്. സ​ന്ന​ദ്ധ സം​ഘ​ട​ന​ക​ൾ ഉ​ൾ​പ്പെ​ടെ നി​ര​വ​ധി പൊ​തു​വേ​ദി​ക​ൾ ക​രി​മ്പ പ​ന​യ​മ്പാ​ടം ദേ​ശീ​യ​പാ​ത​യു​ടെ നി​ർ​മാ​ണ​ത്തി​ലെ അ​ശാ​സ്ത്രീ​യ​ത​യെ​പ്പ​റ്റി പ​രാ​തി ഉ​യ​ർ​ത്തി​യി​രു​ന്നു. പ്ര​തി​ഷേ​ധ​പ​രി​പാ​ടി​ക​ളും സം​ഘ​ടി​പ്പി​ച്ചി​രു​ന്നു.

റോ​ഡ് സു​ര​ക്ഷ അ​തോ​റി​റ്റി, മോ​ട്ടോ​ർ വെ​ഹി​ക്കി​ൾ ഉ​ന്ന​ത ഉ​ദ്യോ​ഗ​സ്ഥ​ർ, പൊ​ലീ​സ് എ​ന്നി​വ​ർ സ്ഥ​ലം പ​രി​ശോ​ധി​ച്ച് ക​ല​ക്ട​ർ​ക്ക് റി​പ്പോ​ർ​ട്ട് സ​മ​ർ​പ്പി​ച്ചി​രു​ന്നു. ദേ​ശീ​യ​പാ​ത​യു​ടെ വ​ഴു​ക്ക​ൽ ഒ​ഴി​വാ​ക്കാ​ൻ ഗ്രി​പ്പി​ടു​ക​യും ചെ​യ്തു. കാ​ല​ക്ര​മേ​ണ റോ​ഡി​ന്റെ ഗ്രി​പ്പി​ട്ട ഭാ​ഗ​ത്ത് തേ​യ്മാ​നം സം​ഭ​വി​ച്ചു.

ഈ ​പ്ര​ദേ​ശ​ത്ത് ചെ​റു​തും വ​ലു​തു​മാ​യ അ​പ​ക​ട​ങ്ങ​ൾ പ​തി​വാ​യി. പ്ര​ധാ​ന വ​ള​വു​ക​ളി​ലൊ​ന്നാ​ണ് ഇ​വി​ടം. പ്ര​തി​വ​ർ​ഷം നി​യ​ന്ത്ര​ണം​വി​ട്ട് മ​റി​യു​ന്ന വാ​ഹ​ന​ങ്ങ​ൾ ഇ​രു​നൂ​റി​ല​ധി​കം വ​രും.

ഒ​രു ഡ​സ​നി​ല​ധി​കം പേ​ർ അ​പ​ക​ട​ത്തി​നി​ര​യാ​യി മ​രി​ക്കു​ന്നു. മു​ന്നൂ​റി​ല​ധി​കം പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്യു​ന്നു. ആ​റു ത​വ​ണ​യി​ല​ധി​കം വ​ഴി​യാ​ത്ര​ക്കാ​രെ വാ​ഹ​ന​മി​ടി​ച്ച സം​ഭ​വ​വും ഉ​ണ്ടാ​യി​രു​ന്നു.

നാ​ട്ടു​കാ​രു​ടെ മു​ന്ന​റി​യി​പ്പ് പ​രി​ഗ​ണി​ക്കാ​തെ കാ​ര്യ​മാ​യ പ​രി​ഹാ​ര​ന​ട​പ​ടി​ക​ൾ ഇ​ല്ലാ​ത്ത​താ​ണ് പ​ന​യ​മ്പാ​ടം ദു​ര​ന്ത​ഭൂ​മി​യാ​വാ​ൻ ഹേ​തു​വാ​യ​തെ​ന്ന് നാ​ട്ടു​കാ​ർ​ക്ക് ആ​ക്ഷേ​പ​മു​ണ്ട്. റോ​ഡി​ന്റെ പോ​രാ​യ്മ​യോ​ടൊ​പ്പം അ​ശ്ര​ദ്ധ​യും അ​മി​ത​വേ​ഗ​വും റോ​ഡി​നെ​പ്പ​റ്റി​യു​ള്ള അ​പ​രി​ചി​ത​ത്വ​വും അ​പ​ക​ട​ങ്ങ​ൾ കൂ​ട്ടാ​നു​ള്ള പ്ര​ധാ​ന ഘ​ട​ക​ങ്ങ​ളാ​ണ്.