പാലക്കാടിന് ജനവിധി ദിനം; വോ​ട്ടെ​ടു​പ്പ് തുടങ്ങി

പാ​ല​ക്കാ​ട്: ഒ​രു മാ​സ​ത്തി​ല​ധി​കം നീ​ണ്ട വാശിയേറിയ തെ​ര​ഞ്ഞെ​ടു​പ്പ് പ്ര​ചാ​ര​ണ​ങ്ങ​ൾ​ക്കു ​ശേ​ഷം പാ​ല​ക്കാ​ട് ഇന്ന് വി​ധി​യെ​ഴു​ത്ത്. രാ​വി​ലെ ഏ​ഴിന് തുടങ്ങിയ ​വോ​ട്ടെ​ടു​പ്പ് വൈ​കീ​ട്ട് ആ​റിന് പൂർത്തിയാകും.

രാഹുൽ മാങ്കൂട്ടത്തിൽ, പി. സരിൻ, സി. കൃഷ്ണകുമാർ അടക്കം 10 സ്ഥാനാർഥികളാണ് ജനവിധി തേടുന്നത്. മൂ​ന്നു പ​ഞ്ചാ​യ​ത്തു​ക​ളും ഒ​രു ന​ഗ​ര​സ​ഭ​യും അ​ട​ങ്ങു​ന്ന മ​ണ്ഡ​ല​ത്തി​ൽ 1,94,706 വോ​ട്ട​ര്‍മാ​രാ​ണു​ള്ള​ത്. നാ​ല് ഓ​ക്സി​ല​റി ബൂ​ത്തു​ക​ള്‍ ഉ​ള്‍പ്പെ​ടെ 184 പോ​ളി​ങ് ബൂ​ത്തു​ക​ളാ​ണ് മ​ണ്ഡ​ല​ത്തി​ലു​ള്ള​ത്. ഇതിൽ 100290 പേർ സ്ത്രീകളാണ്.

ഗ​വ. വി​ക്ടോ​റി​യ കോ​ള​ജി​ൽ​ നി​ന്ന് വി​ത​ര​ണം ചെ​യ്ത വോ​ട്ടു​യ​ന്ത്ര​ങ്ങ​ള്‍ വോ​ട്ടെ​ടു​പ്പി​നു​ ശേ​ഷം ഇ​തേ കേ​ന്ദ്ര​ങ്ങ​ളി​ല്‍തന്നെ​യാ​ണ് തി​രി​കെ​യെ​ത്തി​ക്കു​ക. തു​ട​ര്‍ന്ന് രാ​ത്രി​യോ​ടെ കോ​ള​ജി​ലെ പു​തി​യ ത​മി​ഴ് ബ്ലോ​ക്കി​ല്‍ സ​ജ്ജീ​ക​രി​ച്ച സ്‌​ട്രോ​ങ് റൂ​മു​ക​ളി​ലേ​ക്ക് മാ​റ്റും.

ബു​ധ​നാ​ഴ്ച പാ​ല​ക്കാ​ട് നി​യോ​ജ​ക​മ​ണ്ഡ​ല പ​രി​ധി​യി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍ക്കും സ​ര്‍ക്കാ​ര്‍ ഓ​ഫി​സു​ക​ള്‍ക്കും പൊ​തു​ഭ​ര​ണ വ​കു​പ്പ് അ​വ​ധി പ്ര​ഖ്യാ​പി​ച്ചു.