പാ​ല​ക്കാ​ട്ട്​  ര​ണ്ടു​​പേ​ർ​ക്ക്​  സൂ​ര്യാ​ത​പ​മേ​റ്റു

ചിറ്റൂർ/ചെര്‍പ്പുളശ്ശേരി: പാലക്കാട് ജില്ലയിൽ രണ്ടുപേർക്ക് സൂര്യാതപമേറ്റു. ചിറ്റൂർ കേണംപുള്ളിയിൽ കർഷകനായ വാക്കോട് ശാന്തകുമാറിന് കഴിഞ്ഞദിവസം കൃഷിയിടത്തിൽ പണിയെടുക്കുന്നതിനിടെയാണ് സൂര്യാതപമേറ്റത്. തുടർന്ന്, ചിറ്റൂർ താലൂക്ക് ആശുപത്രിയിൽ ചികിത്സ തേടി. നെൽകർഷകനായ ശാന്തകുമാറിന് കൊയ്ത്തിനിടെയാണ് സൂര്യാതപമേറ്റത്. ചെര്‍പ്പുളശ്ശേരി പൊട്ടച്ചിറയിൽ പറമ്പിൽ കശുവണ്ടി പറിക്കാനെത്തിയപ്പോഴാണ് പൊട്ടച്ചിറ മലയില്‍ അബൂബക്കറിന് സൂര്യാതപമേറ്റത്. പൊള്ളിയപോലെ കുമിളകള്‍ കണ്ടതോടെയാണ് വല്ലപ്പുഴ‍യിലെ സ്വകാര്യാശുപത്രിയില്‍ ചികിത്സ തേടിയത്.