‘കോടതി വിധി സർക്കാറിന്‍റെ വേട്ടയാടലിനേറ്റ പ്രഹരം’; കെ.എം ഷാജിക്ക് അഭിനന്ദനങ്ങളെന്ന് സാദിഖലി തങ്ങൾ

കോഴിക്കോട്: കെ.എം ഷാജിക്കെതിരായ പ്ലസ്ടു കോഴക്കേസിലെ അപ്പീൽ സുപ്രീംകോടതി തള്ളിയ നടപടിയിൽ പ്രതികരിച്ച് മുസ് ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾ. സർക്കാറിന്‍റെ വേട്ടയാടലിനേറ്റ പ്രഹരമാണ് സുപ്രീംകോടതി വിധിയെന്ന് സാദിഖലി തങ്ങൾ ഫേസ്ബുക്കിൽ കുറിച്ചു.

ഭരണകൂടം നീതിരഹിതമായി പ്രവര്‍ത്തിക്കാന്‍ ശ്രമിച്ചാല്‍, നീതി നല്‍കാന്‍ ഇന്ത്യയിലൊരു സംവിധാനമുണ്ടെന്നത് മറന്നതിന്റെ തിരിച്ചടിയാണിതെന്നും സാദിഖലി തങ്ങൾ വ്യക്തമാക്കി.

സാദിഖലി തങ്ങളുടെ ഫേസ്ബുക്ക് പോസ്റ്റ്:

കെ.എം ഷാജിക്കെതിരായ കേസില്‍ അപ്പീലിന് പോയ സംസ്ഥാന സര്‍ക്കാരിന് കനത്ത തിരിച്ചടിയാണ് ഇന്നലെ സുപ്രീംകോടതിയിലുണ്ടായത്. വിമര്‍ശിക്കുന്നവരെയും പ്രതിഷേധിക്കുന്നവരെയും വേട്ടയാടുകയെന്ന രീതിക്ക് ഏറ്റ പ്രഹരം.

കേന്ദ്രം നിരന്തരം പരീക്ഷിക്കുന്ന ഈ രാഷ്ട്രീയ വേട്ട കേരളത്തില്‍ പ്രയോഗിക്കാനായിരുന്നു ഇടത് സര്‍ക്കാരിന്റെ ശ്രമം. അതിനെതിരെ ഷാജി ആത്മവിശ്വാസത്തോടെ നിലകൊണ്ടു.

ഭരണകൂടം നീതിരഹിതമായി പ്രവര്‍ത്തിക്കാന്‍ ശ്രമിച്ചാല്‍, നീതി നല്‍കാന്‍ ഇന്ത്യയിലൊരു സംവിധാനമുണ്ടെന്നത് മറന്നതിന്റെ തിരിച്ചടിയായിരുന്നു ഇന്നലെ സുപ്രീംകോടതിയില്‍ കണ്ടത്.

കെ.എം ഷാജിക്ക് അഭിനന്ദനങ്ങള്‍.

കെ.​എം. ഷാ​ജി​ക്കെ​തി​രാ​യ പ്ല​സ്ടു കോ​ഴ​ക്കേ​സി​ല്‍ സുപ്രീംകോടതി പുറപ്പെടുവിച്ച വിധി സം​സ്ഥാ​ന സ​ർ​ക്കാ​റി​നും എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റി​നുമാണ് (ഇ.​ഡി) തി​രി​ച്ച​ടിയായത്. കോ​ഴ​​ക്കേ​സി​ൽ വി​ജി​ല​ന്‍സ് അ​ന്വേ​ഷ​ണം ഹൈ​കോ​ട​തി റ​ദ്ദാ​ക്കി​യ​തി​നെ​തി​രെ സം​സ്ഥാ​ന സ​ര്‍ക്കാ​റും ക​ള്ള​പ്പ​ണ നി​രോ​ധ​ന നി​യ​മ​പ്ര​കാ​ര​മു​ള്ള കേ​സ് റ​ദ്ദാ​ക്കി​യ​തി​നെ​തി​രെ ഇ.​ഡി​യും ന​ല്‍കി​യ ഹ​ര​ജി​ക​ളാണ് സു​പ്രീം​കോ​ട​തി ഇന്നലെ ത​ള്ളിയത്.

കേ​സ​ന്വേ​ഷ​ണ​ത്തി​ൽ രേ​ഖ​പ്പെ​ടു​ത്തി​യ 54 സാ​ക്ഷി മൊ​ഴി​ക​ള്‍ പ​രി​ശോ​ധി​ച്ചു​വെ​ന്നും ഷാ​ജി വ്യ​ക്തി​പ​ര​മാ​യി പ​ണം വാ​ങ്ങി​യെ​ന്നോ ആ​വ​ശ്യ​പ്പെ​ട്ടു​വെ​ന്നോ ഒ​രു സാ​ക്ഷി​പോ​ലും മൊ​ഴി ന​ൽ​കി​യി​ട്ടി​ല്ലെ​ന്നും ചൂ​ണ്ടി​ക്കാ​ട്ടി ജ​സ്റ്റി​സ് അ​ഭ​യ് എ​സ്. ഓ​ക, ജ​സ്റ്റി​സ് അ​ഗ​സ്റ്റി​ന്‍ ജോ​ര്‍ജ് മ​സി​ഹ് എ​ന്നി​വ​ര​ട​ങ്ങി​യ ബെ​ഞ്ചാ​ണ് ഹ​ര​ജി​ക​ൾ ത​ള്ളി​യ​ത്.

എ​ന്തു​ത​രം കേ​സാ​ണി​തെ​ന്ന് ചോ​ദി​ച്ച കോ​ട​തി, കേ​ട്ടു​കേ​ള്‍വി​യു​ടെ അ​ടി​സ്ഥാ​ന​ത്തി​ല്‍ പ​ണം ആ​വ​ശ്യ​പ്പെ​ട്ടു, വാ​ങ്ങി തു​ട​ങ്ങി​യ മൊ​ഴി​ക​ള​ല്ല വേ​ണ്ട​തെ​ന്ന് വ്യ​ക്ത​മാ​ക്കി. ഇ​ങ്ങ​നെ അ​നു​വ​ദി​ച്ചാ​ൽ ഏ​തൊ​രു രാ​ഷ്ട്രീ​യ പ്ര​വ​ർ​ത്ത​ക​നെ​യും പി​ടി​കൂ​ടാ​നാ​വു​മെ​ന്നും ബെ​ഞ്ച് ചൂ​ണ്ടി​ക്കാ​ട്ടി.

അ​ന്വേ​ഷ​ണം പൂ​ര്‍ത്തി​യാ​യി​ട്ടി​ല്ലെ​ന്നും കു​റ്റ​പ​ത്രം സ​മ​ര്‍പ്പി​ക്കാ​ന്‍ അ​നു​വ​ദി​ക്ക​ണ​മെ​ന്നും വി​ചാ​ര​ണ കോ​ട​തി​യാ​ണ് ഷാ​ജി കു​റ്റ​ക്കാ​ര​നാ​ണോ അ​ല്ല​യോ എ​ന്ന് ക​ണ്ടെ​ത്തേ​ണ്ട​തെ​ന്നും സ​ര്‍ക്കാ​ര്‍ അ​ഭി​ഭാ​ഷ​ക​ൻ വാ​ദി​ച്ചെ​ങ്കി​ലും കേ​സ് തു​ട​രാ​ൻ കോ​ട​തി അ​നു​വ​ദി​ച്ചി​ല്ല.

2014ല്‍ ​ക​ണ്ണൂ​ർ ജി​ല്ല​യി​ലെ അ​ഴീ​ക്കോ​ട് സ്‌​കൂ​ളി​ൽ പ്ല​സ്ടു ബാ​ച്ച് അ​നു​വ​ദി​ക്കാ​ന്‍ കെ.​എം. ഷാ​ജി 25 ല​ക്ഷം രൂ​പ കോ​ഴ വാ​ങ്ങി​യെ​ന്ന ക​ണ്ണൂ​ർ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റാ​യി​രു​ന്ന സി.​പി.​എം നേ​താ​വ് കു​ടു​വ​ൻ പ​ത്മ​നാ​ഭ​ൻ ന​ൽ​കി​യ പ​രാ​തി​യി​ലാ​ണ്​ ഷാ​ജി​ക്കെ​തി​രെ കേ​സെ​ടു​ത്ത​ത്.