'തോൽവിക്ക്​ കാരണം മുസ്​ലിംകളെ അവഗണിച്ചത്​'

കൊല്ലം: സ്​ഥാനാർഥി നിർണയത്തിൽ മുസ്​ലിം സമുദായത്തെ അവഗണിച്ചതും ജില്ലയിൽ കോൺഗ്രസ്​ പരാജയത്തിന്​ കാരണമായതായി കെ.പി.സി.സി ന്യൂനപക്ഷ സെൽ ജില്ല ചെയർമാൻ നവാസ്​ റഷാദി. കോർപറേഷനിലെ 37 ഡിവിഷനുകളിൽ രണ്ടും ജില്ല പഞ്ചായത്തിൽ 20ൽ ഒരു സീറ്റും മാത്രമാണ് മുസ്​ലിംകൾക്ക് നൽകിയത്.

ജമാഅത്ത് ഫെഡറേഷൻ സംസ്​ഥാന നേതാവ് കടയ്ക്കൽ അബ്​ദുൽ അസീസ്​ മൗലവിയുടെ വാക്കുകൾ പോലും പരിഗണിച്ചി​ല്ല. രാഷ്​ട്രീയ സാഹചര്യം അനുകൂലമായിട്ടും ഇത്രയും വലിയ തോൽവി ഏറ്റുവാങ്ങേണ്ടിവന്നതിന്​ പിന്നിൽ ഇൗ അവഗണനയും കാരണമായിട്ടുണ്ട്​. പാർട്ടി പദവികൾ പങ്കിടുമ്പോഴും സമുദായത്തെ പരിഗണിച്ചില്ല. എ.ഐ.സി.സിക്കും കെ.പി.സി.സിക്കും ജില്ലയിലെ കോൺഗ്രസിെൻറ അവസ്​ഥയെക്കുറിച്ച് പരാതി നൽകും.