ഗ്രാമ​പഞ്ചായത്തുകളില്‍ വൻ വർധന, 1375 വാര്‍ഡുകള്‍ കൂടി

തി​രു​വ​ന​ന്ത​പു​രം: സം​സ്ഥാ​ന​ത്ത്​ ത​ദ്ദേ​ശ വാ​ര്‍ഡ് പു​ന​ര്‍വി​ഭ​ജ​ന​ത്തി​ന്​ മു​ന്നോ​ടി​യാ​യി പ​ഞ്ചാ​യ​ത്തു​ക​ളി​ലെ വാ​ര്‍ഡു​ക​ളു​ടെ എ​ണ്ണം വ​ര്‍ധി​പ്പി​ച്ച്​ സ​ർ​ക്കാ​ർ വി​ജ്ഞാ​പ​നം പു​റ​പ്പെ​ടു​വി​ച്ചു. പു​ന​ർ​വി​ഭ​ജ​നം ന​ട​ക്കു​മ്പോ​ൾ പു​തി​യ ഓ​രോ വാ​ർ​ഡു​ക​ൾ കൂ​ടി വ​ർ​ധി​ക്കു​മെ​ന്നാ​ണ്​ ക​ണ​ക്കു​കൂ​ട്ടി​യി​രു​ന്ന​തെ​ങ്കി​ലും വി​ജ്ഞാ​പ​നം വ​ന്ന​പ്പോ​ള്‍ അ​ത് ഒ​ന്നു​മു​ത​ല്‍ മൂ​ന്നു​വ​രെ​യാ​യി. 941 ഗ്രാ​മ​പ​ഞ്ചാ​യ​ത്തു​ക​ളി​ലാ​യി 1375 വാ​ര്‍ഡു​ക​ളാ​ണ്​ വ​ര്‍ധി​ച്ച​ത്.

സം​സ്ഥാ​ന​ത്താ​കെ 15,962 വാ​ര്‍ഡു​ക​ളു​ണ്ടാ​യി​രു​ന്ന സ്ഥാ​ന​ത്ത് ഇ​നി 17,337 ആ​കും. 152 ബ്ലോ​ക്ക് പ​ഞ്ചാ​യ​ത്തു​ക​ളി​ല്‍ 2080 വാ​ര്‍ഡു​ക​ളു​ണ്ടാ​യി​രു​ന്ന​ത് 2267 ആ​കും. ജി​ല്ല പ​ഞ്ചാ​യ​ത്തു​ക​ളി​ല്‍ 15 ഡി​വി​ഷ​നു​ക​ള്‍ കൂ​ടും. തി​രു​വ​ന​ന്ത​പു​ര​ത്ത് ര​ണ്ടും മ​റ്റ്​ ജി​ല്ല​ക​ളി​ല്‍ ഓ​രോ ഡി​വി​ഷ​നു​മാ​ണ് വ​ര്‍ധി​ക്കു​ന്ന​ത്. മു​നി​സി​പ്പാ​ലി​റ്റി, കോ​ര്‍പ​റേ​ഷ​നു​ക​ളി​ല്‍ വാ​ര്‍ഡ് നി​ര്‍ണ​യ വി​ജ്ഞാ​പ​നം തി​ങ്ക​ൾ, ചൊ​വ്വ ദി​വ​സ​ങ്ങ​ളി​ലാ​യി ഇ​റ​ങ്ങും. മൊ​ത്തം വാ​ര്‍ഡു​ക​ളി​ല്‍ 50 ശ​ത​മാ​നം വ​നി​ത സം​വ​ര​ണ​മാ​ണ്. പ​ട്ടി​ക​ജാ​തി-​വ​ര്‍ഗ സം​വ​ര​ണ വാ​ർ​ഡു​ക​ളി​ലും ആ​നു​പാ​തി​ക വ​ർ​ധ​ന​യു​ണ്ട്. മ​ല​പ്പു​റം ജി​ല്ല​യി​ലാ​ണ് ഏ​റ്റ​വും കൂ​ടു​ത​ല്‍ വാ​ര്‍ഡു​ക​ള്‍. ഇ​വി​ടെ 94 ഗ്രാ​മ​പ​ഞ്ചാ​യ​ത്തു​ക​ളി​ലാ​യി 2001 വാ​ര്‍ഡു​ക​ളാ​കും. നി​ല​വി​ൽ 1778 വാ​ര്‍ഡു​ക​ളാ​ണു​ള്ള​ത്. 223 വാ​ര്‍ഡു​ക​ള്‍ മ​ല​പ്പു​റ​ത്ത്​ കൂ​ടും. കു​റ​വ് വാ​ര്‍ഡു​ക​ള്‍ വ​യ​നാ​ട് ജി​ല്ല​യി​ലാ​ണ്. 23 ഗ്രാ​മ​പ​ഞ്ചാ​യ​ത്തു​ക​ളി​ലാ​യി 450 വാ​ര്‍ഡു​ക​ള്‍. 413 വാ​ര്‍ഡു​ക​ളാ​ണ് നി​ല​വി​ലു​ള്ള​ത്.

ഗ്രാ​മ​പ​ഞ്ചാ​യ​ത്തു​ക​ളി​ലെ കു​റ​ഞ്ഞ വാ​ര്‍ഡു​ക​ൾ 14ഉം ​കൂ​ടി​യ വാ​ര്‍ഡു​ക​ള്‍ 24ഉം ​ആ​യി ഉ​യ​ര്‍ന്നു. മു​നി​സി​പ്പാ​ലി​റ്റി, കോ​ർ​പ​റേ​ഷ​ൻ വാ​ർ​ഡ്​ പു​ന​ർ​വി​ഭ​ജ​ന പ​ട്ടി​ക​കൂ​ടി വ​ന്ന​ശേ​ഷം അ​തി​ർ​ത്തി നി​ർ​ണ​യ ച​ർ​ച്ച​ക​ളി​ലേ​ക്ക്​ ക​ട​ക്കും. അ​തി​ന്​ വാ​ർ​ഡ്​ പു​ന​ർ​വി​ഭ​ജ​ന ക​മീ​ഷ​ൻ യോ​ഗം ചേ​ർ​ന്ന്​ മാ​ർ​ഗ​നി​ർ​ദേ​ശം പു​റ​ത്തി​റ​ക്കും. അ​തി​ന്‍റെ അ​ടി​സ്ഥാ​ന​ത്തി​ൽ ത​ദ്ദേ​ശ​ഭ​ര​ണ സെ​ക്ര​ട്ട​റി​മാ​ർ അ​തി​ർ​ത്തി നി​ർ​ണ​യി​ച്ച്​ വാ​ർ​ഡു​ക​ൾ​ക്ക്​ പേ​രി​ടും. അ​തോ​ടൊ​പ്പം ക​ല​ക്ട​ർ​മാ​രു​ടെ നേ​തൃ​ത്വ​ത്തി​ൽ ആ​ക്ഷേ​പ​ങ്ങ​ളും പ​രാ​തി​ക​ൾ കേ​ൾ​ക്കും. അ​തി​ന്​ ശേ​ഷ​മാ​കും വാ​ർ​ഡ്​ പു​ന​ർ​വി​ഭ​ജ​നം ന​ട​ത്തി അ​ന്തി​മ വി​ജ്ഞാ​പ​നം പു​റ​ത്തി​റ​ക്കു​ക.

152 ബ്ലോ​ക്ക് പ​ഞ്ചാ​യ​ത്തി​ൽ 187 വാ​ർ​ഡു​ക​ൾ കൂ​ടും

തി​രു​വ​ന​ന്ത​പു​രം: 152 ബ്ലോ​ക്ക് പ​ഞ്ചാ​യ​ത്തു​ക​ളി​ലാ​യി 2080 വാ​ര്‍ഡു​ക​ളാ​ണു​ണ്ടാ​യി​രു​ന്ന​ത്. ഇ​ത് 2267 ആ​കും. ബ്ലോ​ക്ക് പ​ഞ്ചാ​യ​ത്തു​ക​ളി​ല്‍ 187 വാ​ര്‍ഡു​ക​ള്‍ കൂ​ടും.

ജി​ല്ല പ​ഞ്ചാ​യ​ത്ത്​: 15 ഡി​വി​ഷ​ന്‍ കൂ​ടും

തി​രു​വ​ന​ന്ത​പു​രം: 14 ജി​ല്ല പ​ഞ്ചാ​യ​ത്തു​ക​ളി​ലാ​യി 15 ഡി​വി​ഷ​നു​ക​ള്‍ കൂ​ടും. തി​രു​വ​ന​ന്ത​പു​ര​ത്ത് ര​ണ്ടും മ​റ്റ്​ ജി​ല്ല​ക​ളി​ല്‍ ഓ​രോ​ന്നു​മാ​ണ് കൂ​ടു​ന്ന​ത്. ഇ​തു​വ​രെ 331 ഡി​വി​ഷ​നു​ക​ളാ​ണു​ണ്ടാ​യി​രു​ന്ന​ത്. അ​ത്​ 346 ആ​കും.