പ്രതിഷേധം ഫലം കണ്ടു; പന്നിയങ്കരയിൽ പ്രദേശവാസികളിൽ നിന്ന് ഉടൻ ടോൾ പിരിക്കില്ല

വ​ട​ക്ക​ഞ്ചേ​രി: മ​ണ്ണു​ത്തി വ​ട​ക്ക​ഞ്ചേ​രി ദേ​ശീ​യ​പാ​ത​യി​ലെ പ​ന്നി​യ​ങ്ക​ര ടോ​ൾ പ്ലാ​സ​യി​ൽ പ്ര​ദേ​ശ​വാ​സി​ക​ളി​ൽ നി​ന്നും സ്കൂ​ൾ വാ​ഹ​ന​ങ്ങ​ളി​ൽ നി​ന്നും ടോൾ ഉടൻ പിരിക്കില്ല. പ്രദേശവാസികളുടെ കടുത്ത പ്രതിഷേധത്തെ തുടർന്ന് ഇന്ന് മുതൽ ടോൾ പിരിക്കാനുള്ള തീരുമാനത്തിൽ നിന്ന് ക​മ്പ​നി തൽകാലം പിൻവാങ്ങി.

ഈ വിഷയത്തിൽ സർവകക്ഷി യോഗത്തിന് ശേഷം അന്തിമ തീരുമാനമെടുക്കും. അതേസമയം, എം.എൽ.എമാരെ ഉൾപ്പെടുത്തി മുഖ്യമന്ത്രി പ്രത്യേക യോഗം വിളിച്ചുവെന്നാണ് ലഭിക്കുന്ന വിവരം. ടോൾ പിരിക്കുന്ന കാര്യത്തിൽ അന്തിമ തീരുമാനം വരുന്നതു വരെ പ്രതിഷേധം തുടരുമെന്ന് ജ​ന​കീ​യ വേ​ദി​ വ്യക്തമാക്കി.

പ്രദേശവാസികൾ പ്രതിമാസം 340 രൂപയാണ് ടോൾ നൽകേണ്ടി വരിക. പ​ന്നി​യ​ങ്ക​ര ടോ​ൾ പ്ലാ​സ​ വഴി 50 സ്കൂ​ൾ വാ​ഹ​ന​ങ്ങ​ൾ മാത്രമാണ് കടന്നു പോകുന്നത്. ഈ വാഹനങ്ങളും ടോൾ നൽകണമെന്നാണ് കമ്പനി പറയുന്നത്.

മ​ണ്ണു​ത്തി വ​ട​ക്ക​ഞ്ചേ​രി ദേ​ശീ​യ​പാ​ത​യി​ലെ പ​ന്നി​യ​ങ്ക​ര ടോ​ൾ പ്ലാ​സ​യി​ൽ തിങ്കളാഴ്ച മു​ത​ൽ പ്ര​ദേ​ശ​വാ​സി​ക​ളി​ൽ നി​ന്നും സ്കൂ​ൾ വാ​ഹ​ന​ങ്ങ​ളി​ൽ നി​ന്നും ടോ​ൾ പി​രി​ക്കാനാണ് ടോ​ൾ ക​മ്പ​നി തീരുമാനിച്ചത്. ഇതിന് പിന്നാലെ വ​ട​ക്ക​ഞ്ചേ​രി ജ​ന​കീ​യ വേ​ദി​യു​ടെ നേ​തൃ​ത്വ​ത്തി​ൽ സ​മ​രം പ്ര​ഖ്യാ​പി​ച്ചിരുന്നു.

പ​ന്നി​യ​ങ്ക​ര ടോ​ൾ പ്ലാ​സ​യി​ൽ പ്ര​ദേ​ശ​വാ​സി​ക​ളു​ടെ​യും വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ​യും വാ​ഹ​ന​ങ്ങ​ൾ​ക്ക് ടോ​ൾ ഒ​ഴി​വാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ആ​ല​ത്തൂ​രി​ലെ ഫോ​റം ഫോ​ർ ക​ൺ​സ്യൂ​മ​ർ ജ​സ്റ്റീ​സ് കേ​ന്ദ്ര​മ​ന്ത്രി നി​ധി​ൻ ഗ​ഡ്ക​രി​ക്ക് ഇ ​മെ​യി​ൽ അ​യ​ച്ചിരുന്നു. പ​ക​ർ​പ്പ് കെ. ​രാ​ധാ​കൃ​ഷ്ണ​ൻ എം.​പി​ക്കും അ​യ​ച്ചി​ട്ടു​ണ്ട്. ദേ​ശീ​യ​പാ​ത​യി​ൽ മ​റ്റൊ​രി​ട​ത്തും ഇ​തു​പോ​ലൊ​രു പ്ര​ശ്നം നി​ല​നി​ൽ​ക്കു​ന്നി​ല്ല. പ​ന്നി​യ​ങ്ക​ര​യി​ൽ മാ​ത്ര​മു​ള്ള ന​ട​പ​ടി ഒ​ഴി​വാ​ക്ക​ണ​മെ​ന്നും ക​ത്തി​ൽ ആ​വ​ശ്യ​പ്പെ​ട്ടിരുന്നു.