പാനൂർ ബോംബ് സ്ഫോടനം; ഒന്നാം പ്രതി അറസ്റ്റിൽ

പാ​നൂ​ർ: മു​ളി​യാ​ത്തോ​ട് ബോം​ബ് സ്ഫോ​ട​ന​ക്കേ​സി​ലെ ഒ​ന്നാം പ്ര​തി അ​റ​സ്റ്റി​ലാ​യി. മു​ളി​യാ​ത്തോ​ട് മാ​വു​ള്ള​ചാ​ലി​ൽ വ​ലി​യ പ​റ​മ്പ​ത്ത് വി​നീ​ഷി (39)നെ​യാ​ണ് കൂ​ത്തു​പ​റ​മ്പ് എ.​സി.​പി കെ.​വി. വേ​ണു​ഗോ​പാ​ലി​ന്‍റെ നേ​തൃ​ത്വ​ത്തി​ൽ അ​റ​സ്റ്റു​ചെ​യ്ത​ത്.

സ്ഫോ​ട​ന​ത്തി​ൽ പ​രി​ക്കേ​റ്റ് കോ​യ​മ്പ​ത്തൂ​രി​ൽ ചി​കി​ത്സ​യി​ലാ​യി​രു​ന്ന വി​നീ​ഷ് ആ​ശു​പ​ത്രി വി​ട്ട​തോ​ടെ​യാ​ണ് അ​റ​സ്റ്റ്. ബോം​ബ് നി​ർ​മാ​ണ​ത്തി​ന്‍റെ മു​ഖ്യ​സൂ​ത്ര​ധാ​ര​ൻ വി​നീ​ഷാ​ണെ​ന്ന്​ പൊ​ലീ​സ് പ​റ​ഞ്ഞു. ഇ​യാ​ൾ താ​മ​സി​ച്ചി​രു​ന്ന വീ​ടി​ന് തൊ​ട്ട​ടു​ത്ത് നി​ർ​മാ​ണ​ത്തി​ലി​രു​ന്ന വീ​ട്ടി​ലാ​ണ് ബോം​ബ് നി​ർ​മി​ച്ചി​രു​ന്ന​ത്.

കേ​സി​ലെ മു​ഴു​വ​ൻ പ്ര​തി​ക​ളും അ​റ​സ്റ്റി​ലാ​യി. ര​ണ്ടാം പ്ര​തി ഷെ​റി​ൽ സ്ഫോ​ട​ന​ത്തി​ൽ കൊ​ല്ല​പ്പെ​ട്ടി​രു​ന്നു. ബോം​ബ് നി​ർ​മാ​ണ​ത്തി​ന് പി​ന്നി​ൽ കൊ​ള​വ​ല്ലൂ​രി​ലെ​യും പാ​നൂ​രി​ലെ​യും ക്രി​മി​ന​ൽ സം​ഘ​ങ്ങ​ൾ ത​മ്മി​ലു​ള്ള പ​ക​യാ​ണെ​ന്നാ​ണ് പൊ​ലീ​സ് പ​റ​യു​ന്ന​ത്.

ഒ​രു​സം​ഘ​ത്തെ ന​യി​ച്ച​ത് വി​നീ​ഷും മ​റു​സം​ഘ​ത്തി​ന്‍റെ ത​ല​വ​ൻ കാ​പ്പ ചു​മ​ത്താ​ൻ ശി​പാ​ർ​ശ ചെ​യ്ത ആ​ർ.​എ​സ്.​എ​സ് പ്ര​വ​ർ​ത്ത​ക​ൻ ദേ​വാ​ന​ന്ദു​മാ​ണ്. ബോം​ബ് സ്ഫോ​ട​ന​ത്തി​ന് മു​മ്പ് ഇ​ട​ക്കി​ടെ ഇ​വ​ർ ത​മ്മി​ൽ ഏ​റ്റു​മു​ട്ട​ലു​ണ്ടാ​യി​രു​ന്നു. മാ​ർ​ച്ച് എ​ട്ടി​ന് കു​യി​മ്പി​ൽ ക്ഷേ​ത്രോ​ത്സ​വ​ത്തി​നി​ടെ​യും സം​ഘ​ർ​ഷ​മു​ണ്ടാ​യി.

പി​ന്നാ​ലെ​യാ​ണ് എ​തി​രാ​ളി​ക​ളെ പേ​ടി​പ്പി​ക്കാ​ൻ ബോം​ബ് നി​ർ​മാ​ണം തു​ട​ങ്ങി​യ​ത​തെ​ന്നാ​ണ്​ പൊ​ലീ​സ്​ പ​റ​യു​ന്ന​ത്. കേ​സി​ൽ 12 പ്ര​തി​ക​ളാ​ണു​ള്ള​ത്. ഇ​വ​രി​ൽ അ​മ​ൽ ബാ​ബു, അ​തു​ൽ, സാ​യൂ​ജ്, ഷി​ജാ​ൽ എ​ന്നി​വ​ർ ഡി.​വൈ.​എ​ഫ്.​​ഐ യൂ​നി​റ്റ് ഭാ​ര​വാ​ഹി​ക​ളാ​ണ്.

ബോം​ബ് നി​ർ​മാ​ണ​ത്തി​ൽ പ​ങ്കെ​ടു​ത്ത​വ​രും സ്ഫോ​ട​നം ന​ട​ന്ന​പ്പോ​ൾ ര​ക്ഷ​പ്പെ​ടു​ത്തി​യ​വ​രും ബോം​ബ് നി​ർ​മാ​ണ സാ​മ​ഗ്രി​ക​ൾ എ​ത്തി​ച്ച​വ​രു​മ​ട​ക്കം എ​ല്ലാ​വ​രും സി.​പി.​എ​മ്മു​കാ​രാ​ണ്.