ആനകളുടെ പാപ്പാൻമാർക്ക്​ കോവിഡ്​ നെഗറ്റീവ്​ സർട്ടിഫിക്കറ്റ്​ നിർബന്ധം; തൃശൂർ പൂരം തകർക്കാൻ ഗൂഢാലോചനയെന്ന്​ പാറമേക്കാവ്​

തൃശൂർ: തൃശൂർ പൂരത്തിനെത്തുന്ന ആനകളുടെ പാപ്പാൻമാർക്ക്​ കോവിഡ്​ നെഗറ്റീവ്​ സർട്ടിഫിക്കറ്റ്​ നിർബന്ധമെന്ന്​ വനം വകുപ്പ്​. പാപ്പാൻമാർക്ക്​ നെഗറ്റീവ്​ സർട്ടിഫിക്കറ്റില്ലെങ്കിൽ ആനകളെ എഴുന്നള്ളിക്കാൻ അനുവദിക്കില്ല. ആനകളെ പരിശോധിക്കാൻ 40 അംഗ സംഘത്തേയും നിയോഗിക്കുമെന്ന്​ അധികൃതർ അറിയിച്ചു.

അതേസമയം, പൂരം തകർന്ന ഉദ്യോഗസ്ഥതലത്തിൽ ഗൂഢാലോചന നടക്കുന്നുവെന്ന ആരോപണവുമായി പാറമേക്കാവ്​ ദേവസ്വം ബോർഡ്​ രംഗത്തെത്തി. ഓരോ ദിവസവും പുതിയ ഓരോ നിയന്ത്രണങ്ങളാണ്​ കൊണ്ടു വരുന്നത്​. ഇക്കാര്യത്തിൽ അന്വേഷണം വേണമെന്നും പാറമേക്കാവ്​ ദേവസ്വം ആവശ്യപ്പെട്ടു.

തൃ​ശൂർ പൂരത്തിന്​ ഇരു ദേവസ്വങ്ങളിലും ഇന്ന്​ കൊടിയേറിയിരുന്നു. കർശന നിയന്ത്രണങ്ങളോടെയാണ്​ ഇത്തവണ പൂരം നടക്കുന്നത്​. പൂരത്തിൽ പ​ങ്കെടുക്കുന്നവർക്ക്​ കോവിഡ്​ നെഗറ്റീവ്​ സർട്ടിഫിക്കറ്റോ വാക്​സി​ൻ എടുത്തതിന്‍റെ രേഖയോ സർക്കാർ നിർബന്ധമാക്കിയിട്ടുണ്ട്​.