കടകൾക്ക്​ മുന്നിലെ അനധികൃത പാർക്കിങ്​ അവകാശലംഘനം -​ഹൈകോടതി

കൊച്ചി: റോഡിൽ പ്രവേശിക്കാനുള്ള അവകാശത്തി​​െൻറ ലംഘനമാണ്​ പാതയോരങ്ങളിൽ കടകൾക്ക്​ മുന്നിലെ അനധികൃത പാർക്കി ങ്ങെന്ന്​ ഹൈകോടതി. കൊല്ലം തേവലക്കര പഞ്ചായത്തിലെ പടപ്പനാൽ ജങ്​ഷനിലെ ഒാട്ടോ സ്​റ്റാൻഡ് അനധികൃതമാണെന്നും മാറ ്റണമെന്നുമാവശ്യപ്പെട്ട് തേവലക്കര സ്വദേശി എം. നൗഷാദ് ഉൾപ്പെടെ കടമുറികളുടെയും വീടുകളുടെയും ഉടമകളായ ആറുപേർ നൽക ിയ ഹരജിയിലാണ് ഇക്കാര്യം വ്യക്തമാക്കിയത്. കടമുറികൾക്ക്​ മുന്നിലെ അനധികൃത ഒാട്ടോ സ്​റ്റാൻഡ് കച്ചവടത്തിന്​ തടസ ്സമുണ്ടാക്കുന്നതായി ഹരജിയിൽ പറയുന്നു.

ഒാട്ടോ സ്​റ്റാൻഡ് അനധികൃതമാണെന്ന് ഹരജിക്കാരുടെ വിവരാവകാശ അപേക്ഷക്ക്​ പഞ്ചായത്ത് അധികൃതർ മറുപടി നൽകിയിരുന്നു. ഇക്കാര്യം ചൂണ്ടിക്കാട്ടി പൊലീസിന്​ പരാതി നൽകിയിട്ടും നടപടി ഉണ്ടായില്ലെന്നാണ് ആക്ഷേപം. കടയുടമകൾ പാർക്കിങ്​ സ്ഥലം കൈയേറി ഷെഡ് നിർമിച്ചെന്നും ഗതാഗത തടസ്സമുണ്ടാക്കാതെ പാർക്ക് ചെയ്യാൻ ജോയൻറ്​ ആർ.ടി.ഒയുടെ ലൈസൻസ് ലഭിച്ചിട്ടുണ്ടെന്നും ഒാട്ടോക്കാർ വിശദീകരിച്ചു. എന്നാൽ, റോഡിനോടുചേർന്ന ഭൂമിയുടെ ഏതു ഭാഗത്തു കൂടിയും പൊതുറോഡിലേക്ക് പ്രവേശിക്കാൻ ഭൂവുടമക്ക് അവകാശമുണ്ടെന്നും പാർക്കിങ്ങി​​െൻറ പേരിൽ ഇത്​ നിഷേധിക്കാൻ കഴിയില്ലെന്നും കോടതി വ്യക്തമാക്കി.

പാർക്കിങ്​ സ്ഥലം നിശ്ചയിക്കേണ്ടത് പഞ്ചായത്താണെന്ന് മോട്ടോർ വാഹന ചട്ടത്തിൽ പറയുന്നുണ്ട്. മാത്രമല്ല, ഗതാഗത തടസ്സമൊഴിവാക്കാനും ജനങ്ങളുടെ ബുദ്ധിമുട്ട് ഇല്ലാതാക്കാനും എല്ലാ തദ്ദേശഭരണ സ്ഥാപനങ്ങളിലും ട്രാഫിക് റെഗുലേറ്ററി കമ്മിറ്റി വേണമെന്ന് പൊലീസ് ആക്ടിലും വ്യക്തമാക്കിയിട്ടുണ്ട്. ഹരജിക്കാരുടെ കേസിൽ ഓ​ട്ടോസ്​റ്റാൻഡ്​​ അനധികൃതമാണെന്ന് രേഖകളിൽനിന്ന് വ്യക്തമാണെന്നും ഹൈകോടതി വിലയിരുത്തി.

അനധികൃത പാർക്കിങ്​ ഒഴിവാക്കി വ്യാപാരത്തിന് തടസ്സമുണ്ടാകുന്നില്ലെന്ന് പൊലീസ് ഉറപ്പാക്കണമെന്ന്​ കോടതി നിർദേശിച്ചു. പഞ്ചായത്ത് അധികൃതർ ട്രാഫിക് റെഗുലേറ്ററി കമ്മിറ്റിയുണ്ടാക്കി ജൂൺ മാസത്തിനകം ഒാട്ടോ പാർക്കിങ്ങിന് സ്ഥലം കണ്ടെത്തണം. ട്രാൻസ്പോർട്ട് അധികൃതരും ജില്ല പൊലീസ് മേധാവിയുമായി കൂടിയാലോചിച്ച്​ സ്ഥലം കണ്ടെത്തണം. അതുവരെ നിലവിലെ സ്​റ്റാൻഡിൽ പരമാവധി അഞ്ച് ഒാട്ടോറിക്ഷകൾക്ക്​ പാർക്കിങ്​ അനുവദിക്കാം. ഇതൊരു താൽക്കാലിക സംവിധാനം മാത്രമായിരിക്കും. ഹരജിക്കാർ പൊതുസ്ഥലം കൈയേറിയെന്ന ആരോപണത്തി​​െൻറ നിജസ്ഥിതി ഹൈകോടതി പരിശോധിച്ചിട്ടില്ല. ഇതിൽ നടപടിയെടുക്കാൻ ഇൗ വിധിയിലെ നിരീക്ഷണങ്ങളും പരാമർശങ്ങളും ബാധകമല്ലെന്നും വ്യക്​തമാക്കി.