സം​രം​ഭ​ങ്ങ​ളു​ടെ മു​ന്നി​ൽ നാ​ട്ടാ​നു​ള്ള​ത​ല്ല കൊ​ടി; കൊ​ടി​കു​ത്തി സ​മ​രം തു​ട​ങ്ങി​യാ​ൽ ലോ​ക​മാ​കെ അ​റി​യും -പി. ​രാ​ജീ​വ്

തി​രു​വ​ന​ന്ത​പു​രം: കൊടികൾക്ക് മ​ഹ​ത്വ​മു​​ണ്ടെ​ന്നും ഏ​തെ​ങ്കി​ലും സം​രം​ഭ​ങ്ങ​ളു​ടെ മു​ന്നി​ൽ നാ​ട്ടാ​നു​ള്ള​ത​ല്ല അ​വ​യെ​ന്നും മ​ന്ത്രി പി. ​രാ​ജീ​വ്. ത​ല​ശ്ശേ​രി​യി​ൽ ഫർണിച്ചർ വ്യവസായം പൂട്ടി ദമ്പതികൾ നാടുവിട്ട സംഭവം ഒ​റ്റ​പ്പെ​ട്ടതാണെന്നും മന്ത്രി പറഞ്ഞു.

കൊ​ടി​കു​ത്തി സ​മ​രം തു​ട​ങ്ങി​യാ​ൽ അ​ത്​ ലോ​ക​മാ​കെ അ​റി​യും. എ​ന്നാ​ൽ, സ​മ​ര​മെ​ല്ലാം അ​വ​സാ​നി​ച്ച്​ സം​രം​ഭം പു​ന​രാ​​രം​ഭി​ച്ചാ​ൽ അ​താ​രും അ​റി​യി​ല്ലെ​ന്നും നി​യ​മ​സ​ഭ​യി​ലെ ബി​ൽ ച​ർ​ച്ച​ക്ക്​ മ​റു​പ​ടി പ​റ​യവെ മന്ത്രി ചൂണ്ടിക്കാട്ടി.

ട്രേ​ഡ്​ യൂ​നി​യ​നു​ക​ൾ റി​ക്രൂ​ട്ടി​ങ്​ ഏ​ജ​ൻ​സി​ക​ള​ല്ല, തൊ​ഴി​ലാ​ളി​ക​ളുടെ അ​വ​കാ​ശ​ങ്ങ​ൾ നേ​ടി​യെ​ടു​ക്കാ​നു​ള്ള സം​വി​ധാ​ന​മാ​ണ്. വ്യ​വ​സാ​യ​ത്തി​ന്​ അ​നു​കൂ​ല​മാ​യ അ​ന്ത​രീ​ക്ഷ​മാ​ണ്​ പൊ​തു​വി​ലു​ള്ള​ത്. കു​റ​വു​ക​ളു​ണ്ടെ​ങ്കി​ൽ തി​രു​ത്ത​ണം.

ക​ഴി​ഞ്ഞ അ​ഞ്ച്​ മാ​സം ​കൊ​ണ്ട്​ 51716 സം​രം​ഭ​ങ്ങ​ളാ​ണ്​ സം​സ്ഥാ​ന​ത്ത്​ പു​തു​താ​യി തു​ട​ങ്ങി​യ​ത്. 3065 കോ​ടി​യു​ടെ നി​ക്ഷേ​പ​വും 1.13 ല​ക്ഷം തൊ​ഴി​ല​വ​സ​ര​ങ്ങ​ളും ഇ​തു​വ​ഴി​യു​ണ്ടാ​യി. കൊ​ച്ചി ഷി​പ്പ്​​യാ​ർ​ഡി​ൽ നി​ർ​മി​ച്ച വി​മാ​ന​വാ​ഹി​നി ക​പ്പ​ലാ​യ വി​ക്രാ​ന്തി​​ന്‍റെ നി​ർ​മാ​ണ​ത്തി​ൽ സം​സ്ഥാ​ന​ത്തെ 100 എം.​എ​സ്.​എം.​ഇ​ക​ളാ​ണ്​ സ​ഹ​ക​രി​ച്ച​തെ​ന്നും മ​ന്ത്രി പ​റ​ഞ്ഞു.

ച​ർ​ച്ച​ക്കു​ശേ​ഷം വ്യ​വ​സാ​യ ഏ​ക​ജാ​ല​ക ക്ലി​യ​റ​ൻ​സ്​ ബോ​ർ​ഡു​ക​ളും വ്യ​വ​സാ​യ ന​ഗ​ര​പ്ര​വേ​ശ വി​ക​സ​ന​വും (ഭേ​ദ​ഗ​തി ബി​ൽ), കേ​ര​ള പ​ബ്ലി​ക്​ എ​ന്‍റ​ർ​പ്രൈ​സ​സ്​ (സെ​ല​ക്​​ഷ​നും റി​ക്രൂ​ട്ട്​​മെ​ന്‍റും) ബോ​ർ​ഡ്​ ബി​ൽ എ​ന്നി​വ നി​യ​മ​സ​ഭ പാ​സാ​ക്കി.