സാമൂഹിക സുരക്ഷ പെൻഷനിൽനിന്ന്​ പാർട്ടി ഫണ്ട് പിരിച്ചെന്ന്​; പഞ്ചായത്ത് അംഗത്തിന്​ സസ്​പെൻഷൻ

അഞ്ചൽ: സാമൂഹിക സുരക്ഷ പെൻഷനിൽനിന്ന്​ പാർട്ടി ഫണ്ട് പിരി​ച്ചെന്ന പരാതിയെ തുടർന്ന്​ സി.പി.​െഎ നേതാവായ പഞ്ചായത്ത്​ അംഗത്തെ പാർട്ടി സസ്​പെൻഡ്​ ചെയ്​തു. അഞ്ചൽ പഞ്ചായത്തിലെ കോളജ്​ വാർഡ്​ അംഗവും പാർട്ടി മണ്ഡലം കമ്മിറ്റി അംഗവുമായ വി​.വൈ വർഗീസിനെയാണ്​ അന്വേഷണ വിധേയമായി സസ്​പെൻഡ്​ ചെയ്​തത്​. 15 ദിവസത്തിനകം റിപ്പോർട്ട്​ സമർപ്പിക്കാൻ ആവശ്യപ്പെട്ട്​ മൂന്നംഗ അന്വേഷണ സമിതിയെയും പാർട്ടി നിയോഗിച്ചിട്ടുണ്ട്​.

പഞ്ചായത്ത്​ വൈസ്​ പ്രസിഡൻറായിരുന്ന വർഗീസ്​ മുന്നണി ധാരണ പ്രകാരം രാജിവെക്കുകയായിരുന്നു.

എന്നാൽ പെൻഷൻ ഗുണഭോക്താക്കളിൽനിന്ന്​ ആരും നിർബന്ധിത പണപ്പിരിവ് നടത്തിയിട്ടില്ലെന്ന്​ വി.വൈ. വർഗീസ് പറഞ്ഞു. പാർട്ടി ഫണ്ട് പിരിവി​​​െൻറ ഭാഗമായി നേരത്തേ നൽകിയ സംഭാവന കൂപ്പൺ കൈപ്പറ്റിയിരുന്നവർ പാർട്ടി പ്രവർത്തകരെ സ്ഥലത്ത് ​െവച്ച് കണ്ടപ്പോൾ തുക നൽകിയതാണ്.​ മറിച്ചുള്ള പ്രചാരണം വാസ്തവ വിരുദ്ധമാണെന്നും അദ്ദേഹം പറഞ്ഞു.

അഞ്ചൽ പഞ്ചായത്ത്​ പത്താം വാർഡിലെ ഗുണഭോക്താക്കളുടെ വീടുകളിലെത്തി പെൻഷൻ തുക വിതരണം ചെയ്യാൻ നിയോഗിച്ച ജീവനക്കാരൻ ശാരീരികാവശതമൂലം കൈ താടിയിലുള്ള ഗ്രന്ഥശാലയിൽ ​െവച്ചാണ് പെൻഷൻ വിതരണം ചെയ്​തത്. അമ്പതോളം പെൻഷൻകാർ തുക കൈപ്പറ്റി.

നേരത്തേ പാർട്ടി ഫണ്ട് പിരിവി​​​െൻറ ഭാഗമായി രസീത്​ കൈപ്പറ്റിയ ചില ഗുണഭോക്താക്കൾ അതുപ്രകാരമുള്ള തുക അവിടെയുണ്ടായിരുന്ന പാർട്ടി പ്രവർത്തകരെ ഏൽപിച്ചു. ചില കിടപ്പ്​ രോഗികളുടെ ബന്ധുക്കൾ എത്തിയാണ്​ പെൻഷൻ വാങ്ങിയതെന്നും പരാതിയുണ്ട്​. ഇതിനെതിരേ ചിലർ ശബ്​ദമുണ്ടാക്കിയപ്പോൾ പെൻഷൻ വിതരണം നിർത്തി​െവച്ചുവെന്നാണ് ആരോപണം.