മാലിന്യനിക്ഷേപകരുടെ വിവരം കൈമാറൂ, പണമുണ്ടാക്കാം

പാ​ല​ക്കാ​ട്: പൊ​തു​ഇ​ട​ത്തി​ൽ മാ​ലി​ന്യം നി​ക്ഷേ​പി​ക്കു​ന്ന​വ​രു​ടെ ഫോ​ട്ടോ​യെ​ടു​ത്തും വി​വ​രം കൈ​മാ​റി​യും ഇ​നി പ​ണ​മു​ണ്ടാ​ക്കാം. വി​വ​രം ​ഫോ​ട്ടോ​യോ മ​റ്റ് തെ​ളി​വു​ക​ളോ സ​ഹി​തം ത​ദ്ദേ​ശ​സ്ഥാ​പ​ന അ​ധി​കൃ​ത​രെ അ​റി​യി​ച്ചാ​ൽ, മാ​ലി​ന്യം ത​ള്ളി​യ​വ​ർ​ക്ക് ചു​മ​ത്തു​ന്ന പി​ഴ​ത്തു​ക​യു​ടെ 25 ശ​ത​മാ​നം അ​ല്ലെ​ങ്കി​ൽ പ​ര​മാ​വ​ധി 2500 രൂ​പ വി​വ​ര​മ​റി​യി​ക്കു​ന്ന വ്യ​ക്തി​ക​ൾ​ക്ക് ന​ൽ​കാ​മെ​ന്ന് ത​ദ്ദേ​ശ​ഭ​ര​ണ വ​കു​പ്പ് ഉ​ത്ത​ര​വി​ൽ അ​റി​യി​ച്ചു. സ്വ​കാ​ര്യ​സ്ഥ​ല​ങ്ങ​ളി​ൽ നി​ക്ഷേ​പി​ക്കു​ന്ന​വ​ർ​ക്കും പി​ഴ​യു​ണ്ട്.

‘മാ​ലി​ന്യ​മു​ക്തം ന​വ​കേ​ര​ളം‘ ല​ക്ഷ്യം കൈ​വ​രി​ക്കു​ന്ന​തി​ന്റെ ഭാ​ഗ​മാ​യാ​ണ് പൊ​തു ഇ​ട​ങ്ങ​ൾ, സ്വ​കാ​ര്യ സ്ഥ​ല​ങ്ങ​ൾ, ജ​ലാ​ശ​യ​ങ്ങ​ൾ എ​ന്നി​വി​ട​ങ്ങ​ളി​ൽ മാ​ലി​ന്യം വ​ലി​ച്ചെ​റി​യു​ന്ന​ത് അ​റി​യി​ക്കു​ന്ന​വ​രെ പ്രോ​ത്സാ​ഹി​പ്പി​ക്കാ​നു​ള്ള ന​ട​പ​ടി​ക​ൾ. ഇ​ക്കാ​ര്യ​ത്തി​ൽ ത​ദ്ദേ​ശ​സ്ഥാ​പ​ന പ്ര​തി​നി​ധി​ക​ൾ​ക്ക് പൊ​തു​തീ​രു​മാ​ന​മെ​ടു​ക്കാ​മെ​ന്നും പി​ഴ​യ​ട​ച്ച് 30 ദി​വ​സ​ത്തി​നു​ള്ളി​ൽ റി​പ്പോ​ർ​ട്ട് ചെ​യ്ത വ്യ​ക്തി​ക്ക് പ്ര​തി​ഫ​ലം ന​ൽ​ക​ണ​മെ​ന്നും ഉ​ത്ത​ര​വി​ൽ പ​റ​യു​ന്നു. ത​ദ്ദേ​ശ​സ്ഥാ​പ​ന ത​ല​ത്തി​ൽ ഇ​തി​നാ​യി വാ​ട്സ്ആ​പ് ന​മ്പ​ർ, ഇ ​മെ​യി​ൽ ഐ.​ഡി എ​ന്നി​വ ത​യാ​റാ​ക്കി പ്ര​സി​ദ്ധ​പ്പെ​ടു​ത്ത​ണം. റി​പ്പോ​ർ​ട്ട് ചെ​യ്യു​ന്ന വ്യ​ക്തി​യു​ടെ വി​വ​ര​ങ്ങ​ൾ ര​ഹ​സ്യ​മാ​ക്കി​ വെ​ക്ക​ണം. മാ​ലി​ന്യം ത​ള്ളു​ന്ന​വ​രെ​യോ വാ​ഹ​ന​ത്തെ​യോ തി​രി​ച്ച​റി​യാ​ൻ സ​ഹാ​യി​ക്കു​ന്ന ഫോ​ട്ടോ, സ​മ​യം, സ്ഥ​ലം ഉ​ൾ​പ്പെ​ടെ തെ​ളി​വ് സ​ഹി​ത​മാ​ണ് ത​ദ്ദേ​ശ​ഭ​ര​ണ സെ​ക്ര​ട്ട​റി​ക്ക് റി​പ്പോ​ർ​ട്ട് ചെ​യ്യേ​ണ്ട​ത്. റി​പ്പോ​ർ​ട്ട് ചെ​യ്താ​ൽ ഏ​ഴ് ദി​വ​സ​ത്തി​ന​കം അ​ന്വേ​ഷ​ണം ന​ട​ത്തി ന​ട​പ​ടി സ്വീ​ക​രി​ക്ക​ണം. ന​ട​പ​ടി​ക്ര​മം സം​ബ​ന്ധി​ച്ച് പെ​ർ​ഫോ​ർ​മ​ൻ​സ് ഓ​ഡി​റ്റ് വി​ഭാ​ഗം ഉ​ദ്യോ​ഗ​സ്ഥ​ർ മൂ​ന്ന് മാ​സ​ത്തി​ലൊ​രി​ക്ക​ൽ പ​രി​ശോ​ധ​ന ന​ട​ത്തി പ്രി​ൻ​സി​പ്പ​ൽ ഡ​യ​റ​ക്ട​ർ​ക്ക് റി​പ്പോ​ർ​ട്ട് ന​ൽ​ക​ണ​മെ​ന്നും അ​ഡീ​ഷ​ന​ൽ ചീ​ഫ് സെ​ക്ര​ട്ട​റി ശാ​ര​ദ മു​ര​ളീ​ധ​ര​ൻ ഉ​ത്ത​ര​വി​ൽ അ​റി​യി​ച്ചു.

അ​തി​നി​ടെ, മാ​ലി​ന്യ​സം​സ്ക​ര​ണ​വു​മാ​യി ബ​ന്ധ​പ്പെ​ട്ട നി​യ​മ​ന​ട​പ​ടി​ക​ൾ സ്വീ​ക​രി​ക്കാ​ൻ പ്ര​ത്യേ​ക എ​ൻ​ഫോ​ഴ്സ്മെ​ന്റ് സം​വി​ധാ​ന​ത്തി​ന്റെ മാ​ർ​ഗ​രേ​ഖ ഡി.​ജി.​പി ആ​ഭ്യ​ന്ത​ര വ​കു​പ്പ് അ​ഡി​ഷ​ണ​ൽ ചീ​ഫ് സെ​ക്ര​ട്ട​റി​ക്ക് കൈ​മാ​റി. മാ​ലി​ന്യ സം​സ്ക​ര​ണ​വു​മാ​യി ബ​ന്ധ​പ്പെ​ട്ട നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി നി​യ​മ ന​ട​പ​ടി സ്വീ​ക​രി​ക്കാ​ൻ എ​ല്ലാ ജി​ല്ല പൊ​ലീ​സ് മേ​ധാ​വി​ക​ൾ​ക്കും ക​ർ​ശ​ന നി​ർ​ദേ​ശം ന​ൽ​കി. ഓ​രോ സ്റ്റേ​ഷ​നി​ലും എ​ൻ​ഫോ​ഴ്സ്മെ​ന്റ് സ്ക്വാ​ഡു​ക​ൾ രൂ​പ​വ​ത്ക​രി​ച്ചു. അ​ന​ധി​കൃ​ത മാ​ലി​ന്യ​നി​​ക്ഷേ​പം ക​ണ്ടെ​ത്താ​നും വാ​ഹ​ന​ങ്ങ​ളി​ൽ ക​ട​ത്തു​ന്ന​ത് പി​ടി​ച്ചെ​ടു​ക്കാ​നും ഉ​ത്ത​ര​വാ​ദി​ക​ളെ അ​റ​സ്റ്റ് ചെ​യ്യാ​നും നി​ർ​ദേ​ശം ന​ൽ​കി​യ​താ​യി പൊ​ലീ​സ് മേ​ധാ​വി സ​ർ​ക്കാ​റി​നെ അ​റി​യി​ച്ചു.