പാസ്പോർട്ട്: പൊലീസ് ക്ലിയറൻസ് സർട്ടിഫിക്കറ്റ് അപേക്ഷ ഇനി പോസ്റ്റ് ഓഫിസ് മുഖേന
text_fieldsന്യൂഡൽഹി: പാസ്പോർട്ട് അപേക്ഷയിന്മേലുള്ള പൊലീസ് ക്ലിയറൻസ് സർട്ടിഫിക്കറ്റിനായി ഇനി പോസ്റ്റ് ഓഫിസുകളിലെ പാസ്പോർട്ട് സേവാകേന്ദ്രങ്ങളിൽ സൗകര്യം. ഇതുവരെ സർക്കാർ പാസ്പോർട്ട് സേവാ പോർട്ടലിലൂടെ ഓൺലൈനായാണ് അപേക്ഷിക്കേണ്ടിയിരുന്നത്. പോസ്റ്റ് ഓഫിസുകളിൽ സംവിധാനം ഇന്നലെ നിലവിൽവന്നു.
വിദേശത്തുപോകാൻ ആഗ്രഹിക്കുന്നവർക്ക് മാത്രമല്ല; വിദേശത്തെ വിദ്യാഭ്യാസം, ദീർഘകാലാവധിയുള്ള വിസ, എമിഗ്രേഷൻ എന്നിവക്കുള്ള പൊലീസ് ക്ലിയറൻസിനും പുതിയ സംവിധാനം സഹായകരമാകുമെന്ന് വിദേശകാര്യ മന്ത്രാലയം അറിയിച്ചു.
വിദേശകാര്യ മന്ത്രാലയത്തിന്റെയും തപാൽ വകുപ്പിന്റെയും സംയുക്ത സംരംഭമായാണ് പോസ്റ്റ് ഓഫിസ് പാസ്പോർട്ട് സേവാ കേന്ദ്രങ്ങൾ പ്രവർത്തിക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.