പോക്സോ കേസിൽ പാസ്റ്റർക്ക് 10 വർഷം കഠിനതടവും രണ്ടുലക്ഷം രൂപ പിഴയും

കോ​ട്ട​യം: പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ ലൈം​ഗി​ക​മാ​യി പീ​ഡി​പ്പി​ച്ച കേ​സി​ൽ കൊ​ല്ലം സ്വ​ദേ​ശി​യാ​യ പാ​സ്റ്റ​ർ​ക്ക് 10 വ​ർ​ഷം ക​ഠി​ന​ത​ട​വും ര​ണ്ടു​ല​ക്ഷം രൂ​പ പി​ഴ​യും വിധിച്ചു. കൊ​ല്ലം പി​റ​വ​ത്തൂ​ർ മ​ര​ങ്ങാ​ട്ട് പു​ത്ത​ൻ​വീ​ട്ടി​ൽ പി.​ജി. മ​ത്താ​യി​യെ​യാ​ണ് (സ​ണ്ണി - 55) അ​ഡീ​ഷ​ന​ൽ ജി​ല്ല കോ​ട​തി ഒ​ന്ന് (പോ​ക്‌​സോ) ജ​ഡ്ജി കെ.​എ​ൻ. സു​ജി​ത് ശി​ക്ഷി​ച്ച​ത്.

പി​ഴ അ​ട​ച്ചി​ല്ലെ​ങ്കി​ൽ ഒ​രു വ​ർ​ഷം ക​ഠി​ന​ത​ട​വു​കൂ​ടി അ​നു​ഭ​വി​ക്കേ​ണ്ടി​വ​രും. 2014-15 വ​ർ​ഷ​മാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. 2017ൽ ​കു​ട്ടി​യെ ചൈ​ൽ​ഡ് ലൈ​ൻ കൗ​ൺ​സ​ലി​ങ്ങി​ന് വി​ധേ​യ​യാ​ക്കി​യ​തോ​ടെ​യാ​ണ് പാ​സ്റ്റ​ർ പീ​ഡി​പ്പി​ച്ച വി​വ​രം പു​റ​ത്ത​റി​ഞ്ഞ​ത്.

തു​ട​ർ​ന്ന്,​ ഏ​റ്റു​മാ​നൂ​ർ പൊ​ലീ​സ് പാ​സ്റ്റ​ർ​ക്കെ​തി​രെ കേ​സെ​ടു​ക്കു​ക​യാ​യി​രു​ന്നു. കേ​സി​ൽ 14 സാ​ക്ഷി​ക​ളെ പ്രോ​സി​ക്യൂ​ഷ​ൻ ഹാ​ജ​രാ​ക്കി. 12 പ്ര​മാ​ണ​ങ്ങ​ളും പ്രോ​സി​ക്യൂ​ഷ​ന്‍റെ ഭാ​ഗ​മാ​യി എ​ത്തി​ച്ചു. ഒ​രു സാ​ക്ഷി​യെ പ്ര​തി​ഭാ​ഗ​വും ഹാ​ജ​രാ​ക്കി. ഇ​ന്ത്യ​ൻ ശി​ക്ഷാ​നി​യ​മം 376 (2), (i), (j) എ​ന്നീ വ​കു​പ്പു​ക​ൾ പ്ര​കാ​ര​വും പോ​ക്‌​സോ നി​യ​മം ആ​റാം​വ​കു​പ്പ് പ്ര​കാ​ര​വു​മാ​ണ് പ്ര​തി​യെ കു​റ്റ​ക്കാ​ര​നാ​ണെ​ന്ന്​ ക​ണ്ടെ​ത്തി​യി​രി​ക്കു​ന്ന​ത്. ഏ​റ്റു​മാ​നൂ​ർ എ​സ്.​എ​ച്ച്.​ഒ ആ​യി​രു​ന്ന നി​ല​വി​ലെ പാ​ലാ ഡി​വൈ.​എ​സ്.​പി എ.​ജെ. തോ​മ​സാ​ണ് കേ​സ് അ​ന്വേ​ഷി​ച്ച് കു​റ്റ​പ​ത്രം സ​മ​ർ​പ്പി​ച്ച​ത്.