എം.എൽ.എ സ്ഥാനം രാജിവെക്കില്ല: ലീഗിനെ കള്ളൻമാരാക്കാനുള്ള ശ്രമമെന്ന്​ അബ്ദുൽ റസാഖ്​

കണ്ണൂർ: മഞ്ചേശ്വരം തെരഞ്ഞെടുപ്പിൽ കള്ളവോട്ട് ചെയ്തെന്ന ആരോപണം നിഷേധിച്ച്​ എം.എൽ.എ പി.ബി.അബ്ദുൽ റസാഖ്​. വിഷയവുമായി ബന്ധപ്പെട്ട് രാജി വെക്കുന്ന പ്രശനമില്ല. കള്ളവോട്ട് ചെയ്​തെന്ന്​ തെളിഞ്ഞുവെന്ന ആരോപണം തെറ്റാണ്. ഇത് സംബന്ധിച്ച കേസ് കോടതിയുടെ പരിഗണനയിലാണ്. വിധി വര​െട്ട, അപ്പോൾ കാണാം- എം.എൽ.എ പ്രതികരിച്ചു. 
മരിച്ചവരുടെ പേരിൽ വോട്ട് ചെയ്തെന്ന ആരോപണം കള്ളമാണ്​. ജനങ്ങൾക്കിടയിൽ മുസ്​ലിം ലീഗിനെ കള്ളൻമാരാക്കാനുള്ള ശ്രമമാണ്​ നടക്കുന്നതെന്നും വാർത്താസമ്മേളനത്തിൽ  റസാഖ്​ കുറ്റപ്പെടുത്തി. 

ബി.ജെ.പി വെറുതെ കള്ളം പ്രചരിപ്പിക്കുകയാണ്. ജനങ്ങളെ ഭിന്നിപ്പിക്കാന്‍ ചിലര്‍ നടത്തുന്ന ശ്രമങ്ങളുടെ ഭാഗമാണിത്. താന്‍ രാജിവെക്കുമെന്ന വാര്‍ത്ത അടിസ്ഥാനരഹിതമാണ്​. ബി.ജെ.പി ഉയർത്തികൊണ്ടുവന്ന കള്ളവോട്ട്​ വിവാദം ലീഗ്​ നേതൃത്വം ഗൗരവമായി എടുത്തിട്ടി​ല്ലെന്നും അദ്ദേഹം പറഞ്ഞു. 

നി​യ​മ​സ​ഭ തെ​ര​ഞ്ഞെ​ടു​പ്പി​ല്‍ മ​ഞ്ചേ​ശ്വ​രം മ​ണ്ഡ​ല​ത്തി​ൽ‌ ക​ള്ള​വോ​ട്ട് ന​ട​ന്ന​താ​യി അ​സി​സ്റ്റ​ന്‍റ് സൊ​ളി​സി​റ്റ​ർ ജ​ന​റ​ൽ ഹൈ​കോ​ട​തി​യി​ൽ ന​ൽ​കി​യ റി​പ്പോ​ർ​ട്ടി​ൽ വ്യക്തമാക്കിയിരുന്നു. വോട്ടിങ്ങിൽ ക്ര​മ​ക്കേ​ട് ന​ട​ന്നെ​ന്നു കാ​ട്ടി ബി​.ജെ​.പി നേ​താ​വ് കെ.​സു​രേ​ന്ദ്ര​ന്‍ ന​ല്‍​കി​യ ഹ​ര​ജി​യിക്ക് ബലമേകുന്നതായിരുന്നു റിപ്പോർട്ട്.

സ്ഥ​ല​ത്തി​ല്ലാ​ത്ത​വ​രു​ടെ​യും മ​രി​ച്ച​വ​രു​ടെ​യും പേ​രി​ല്‍ പോ​ലും വോ​ട്ട് രേ​ഖ​പ്പെ​ടു​ത്തി​യെ​ന്ന് ആരോപിച്ച്​ സു​രേന്ദ്രൻ നേരത്തെ പരാതി നൽകിയിരുന്നു. 259 പേ​രു​ടെ പേ​രി​ല്‍ ക​ള​ള​വോ​ട്ട് ന​ട​ന്നി​ട്ടു​ണ്ടെ​ന്നാ​ണ് സു​രേ​ന്ദ്ര​ന്‍റെ ആ​രോ​പ​ണം. ഇവരുടെ പേര്, പ്രായം, വിലാസം തുടങ്ങിയ മുഴുവന്‍ രേഖകളും സുരേന്ദ്രന്‍ കോടതിയില്‍ ഹാജരാക്കിയിട്ടുണ്ട്​.
കള്ളവോട്ട്​ ആരോപണം ​തെ​ളി​യി​ക്ക​പ്പെ​ട്ടാ​ല്‍ മു​സ്‌​ലിം ലീ​ഗ് എം.​എ​ൽ.​എയായ അ​ബ്ദു​ള്‍ റ​സാ​ഖിന്‍റെ തെ​ര​ഞ്ഞെ​ടു​പ്പ് അ​സാ​ധു​വാ​ക്കാ​നോ, കെ.​സു​രേ​ന്ദ്ര​നെ വി​ജ​യി​യാ​യി പ്ര​ഖ്യാ​പി​ക്കാ​നോ സാ​ധ്യ​ത​യു​ണ്ട്. 

 ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ല്‍ മ​ഞ്ചേ​ശ്വ​രം മ​ണ്ഡ​ല​ത്തി​ല്‍ ബി​.ജെ​.പി സ്ഥാ​നാ​ര്‍​ഥി​യാ​യി​രു​ന്ന കെ.​സു​രേ​ന്ദ്ര​ന്‍ 89 വോ​ട്ടി​നാ​ണ്പ​രാ​ജ​യ​പ്പെ​ട്ട​ത്.