മാണിയുടെ കൈയിൽ നിന്ന് എത്ര നോട്ടുകൾ വാങ്ങിയെന്ന്​ സി.പി.എം പറയണം -പി.സി. ജോർജ്

തിരുവനന്തപുരം: കെ.എം. മാണിയുടെ വീട്ടിൽ നോട്ട്​ എണ്ണുന്ന യന്ത്രം ഉണ്ടെന്ന്​ പ്രചരിപ്പിച്ച സി.പി.എം കോട്ടയം ജില്ല പഞ്ചായത്ത്​ പ്രസിഡൻറ്​ തെരഞ്ഞെടുപ്പിൽ വോട്ടുചെയ്യാൻ എത്ര നോട്ടുകൾ വാങ്ങിയെന്ന്​ ​െവളിപ്പെടുത്തണമെന്ന്​ പി.സി. ജോർജ്​. മാണി അഴിമതിക്കാരനാണെന്ന്​ പറയുന്ന സി.പി.എം നേതൃത്വം പ്രസിഡൻറ്​ തെരഞ്ഞെടുപ്പിൽ മാണിഗ്രൂപ്പിനോട്​ സ്വീകരിച്ച നിലപാട്​ വിശദീകരിക്കണം.

വഞ്ചനയാണ്​ മാണി കാട്ടിയത്​. ഇടതുമുന്നണിയുടെ പിന്തുണ വാങ്ങിയതിനെപ്പറ്റി പി.​െജ. ജോസഫും കൂട്ടരും പ്രതികരിക്കണം. മകനെ രക്ഷിക്കാൻ പാർട്ടിയിൽ പിളർപ്പിന്​ കാലമായെന്ന്​ മാണിക്ക്​ തോന്നലുണ്ട്​. അതിനുള്ള വഴിമരുന്നാണ്​ ഇ​േപ്പാൾ ഇട്ടിരിക്കുന്നത്​. സി.പി.എം -മാണികൂട്ടുകെട്ടിന്​ പിന്നിൽ ഒരു ബിഷപ്പി​​െൻറ ഇടപെടൽ ഉണ്ട്​.

സി.പി.എം നിലപാടിനോട്​ യോജിക്കാതെ വോ​െട്ടടുപ്പിൽനിന്ന്​ സി.പി.​െഎ വിട്ടുനിന്നതോടെ കോട്ടയം ജില്ലയിൽ ഇടതുമുന്നണി സംവിധാനം ഇല്ലാതായെന്നും ജോർജ്​ വാർത്തസമ്മേളനത്തിൽ ചൂണ്ടിക്കാട്ടി.